聖誕快樂
2008/12/26 13:02:53 網誌分類: 未分類
對不起，這兩天超忙，電腦又不知何故常有小毛病，讓大家久等啦。今日boxing day，仲有少少聖誕氣氛呢。祝各位和貓有個窩心的節日。
主人身痕，第一次替貓爺們穿聖誕服飾過節。
大病初癒的阿寶最乖，溫順地穿上好型仔的紅色聖誕老人衫，米米肥了些，給牠預備的斗篷，衫鈕幾乎扣不上。牠穿上後彈彈跳，似乎好興奮。
紅豆一貫地扭計，那套鹿仔衫死也不肯穿上，唯有轉移至骰仔。第一次著衫仔，牠好不開心，全程扁面，身體不斷向後退，以為這樣可以把衫擺脫掉。直至拿出羽毛棒在他面前揮動，牠被吸引過去玩到傻，才忘記了衣服的存在。
衫是穿好了，但想號召眾人合照，簡直難過登天。叫得米米企好，骰仔又跳開了，紅豆大發小姐脾氣鬧人鬧貓，全程只有阿寶動也不動。搞了半晚，熱得主人一身汗，只好投降。替貓兒扮靚，純粹是主人一廂情願，下次不搞好了。
這樣的聖誕夜，夠熱鬧吧?!
呵呵呵, 很難得的一張合照. 想貓兒妥協, 談何容易! 主人辛苦您咯
TY
MeRRy CaTs'Mas~~ =^.^=
我家喵喵無一隻肯著衫, 全部都係一著上身就不停想從件衫捐返出o黎~ ^^"
sinsinho，
係呀，
係一樣架!!!呢幅相搞了半晚，當係聖誕節目囉，仲有一篇blog喎?睇到嘛?映咗好多相，但部腦有些問題，今日才整到呢。
關小姐,
阿寶件衫係咪貓豬嗰件 ? 阿寶著得啱身 D, 襯上他一身白雪雪, 最搶鏡, 米米就超型仔, 但係骰仔就唔多睇到, 可能佢又黑色, 件鹿祶衫係深啡色, 好似淨係見到隻角, 呢幅合照真係辛苦晒妳囖 !