2009-5-15 即市評論 及 回覆網友
2009-5-15 星期五 10:03am即市評論：如昨日所料，今日期指大戶果然上試16700，淡友力守但好友攻勢強勁。如果要再上的話，一定要攻破16770，否則升勢受阻。今日是星期五，估計好友大戶不會急於抽上，今日淡友力守，橫行悶局機會較大，要等到臨收市才知道好友大戶是否願意明顯攻上16700樓上收市。
10:17am 嘩，好友大戶600張期指攻勢強勁，已破16800，淡友要小心。五月係好倉底，忌盲目看淡逆市操作。
11:05am 淡友已經過千張期指強攻，只能見16697。今日16700係好淡重要爭持，維持5月偏好唔似會大插到萬五點樓下，而6月會大上大落好刺激。6月期權大倉位已經開到20800，下面則是14400。好淡雙方繼續加倉。
VV，資金市好難估頂，#390最佳策略係用昨天收市價$5.39作止蝕，慢慢推高止蝕位，看看五月能否炒上$6.25阻力區。
Andy188，炒期指應該順勢，因為短線一兩日升跌大戶完全可以操控。如果沽左，見跌唔落，應該即斬，轉身止蝕要快，若岩方向則推高止賺食深D。炒期指係係零和遊戲，大戶錢多，就算有壞消息也可以挾到散戶投降才肯回落，炒即市要習慣信幅圖，不要相信新聞及其他人包括我的看法。只有幅圖最真，支持可以話位破就破，反應要快。
ccb，技術分析主要看指標如RSI、MACD望希找到最佳買入點和賣出點，還有波浪理論估升勢是否延續、及陰陽燭型態估走勢向上或向下等等。建議新手先學RSI & MACD，再學陰陽燭，最後學數浪。技術分析只係用來判斷市勢向上或向下的動力，但走勢陷阱好多，要小心使用。我覺得呢個網站唔錯。http://www.prosticks.com.hk/tech_analysis.asp
有幾位網友都很想知道如何處理匯豐#5，我的想法跟陸sir一樣，趁現在$60樓上，換馬到#2828、建行、或對匯控管理層有信心，就換馬到交行，因為匯豐美國和歐洲的業務起碼要拖累兩年，預期就算有增長亦很緩慢。而呢兩年，中國剛剛由熊市轉牛市，第一浪和第三浪升幅可以很強勁。今年港股或會再有一次調整，我不肯定會見萬一、萬二或萬三，但要把握機會儲貨，到2010年一股都無、再遇上通脹資產增值，那時手上只有現金都幾頭痕。
重要提示：本網誌宗旨是讓小投資者能夠互相支持，增加財經知識和改善投資心理素質，以期早日達到財務自由。本網誌一切言論純粹是個人意見或經驗分享，絕不應被視為投資建議， 也不構成要約、招攬、邀請、誘使、建議或推薦任何投資產品。本人亦不保證所引述的資料的真確性和完整性。網友務請運用獨立思考能力自行分析和驗證。一切的投資決定以及該投資決定引致的收益或損失，概與本人無涉。
wow! you are so early! Yes, I also look at options distribution..... with stocks, I only buy those highly correlated with HSI and only after correction, and I keep my watch-list to a minimum.
mkm，你可以不玩期權，但大戶在期權的大手部署一定要知道，當股市接近大位時不用心急，睇定一、兩個鐘頭，或一個交易日，見有支持才出手也未遲。炒股隨非好貼市，否則聽到新聞及股評人推介才入市，好容易已經係水尾，要捱價。
Kam Cho See Hing - thanks.
Thanks also for your advice on options, it is good. I found that in general it is not my cup of tea, because my ammunition is limited. Being on the long side of stocks is safer.
金兄:您好噢!
有金兄出山為我等散户指點迷津!實是我輩之福气噢!讚!
尋橋
hoho，中興#763係我的愛股之一，在波幅之內炒作比較容易，忌高追。估計要在$24-$28橫行整固，PE較高，跌起上來會好快，嚴守止蝕，跌定再買又係另一舖。
Andy188，講得岩，資金市係無得估，唯有睇住D大位，一日未見大成交破位插穿，假定依然係反覆尋頂格局。成交量比指數高低更重要。另外，要再拉升就要靠權重股如中移動，建行，中石油等。五月16000-16600肯定好淡爭持，六月的期權大位依次序係14400、15400、16000、17200、20000。Short Put最少14200才比較安全、Short Call最少要等萬七點樓上才決定做唔做。
花姐，現時仲高位追貨就預左要捱價。換馬就真係無謂，因為#2337走勢似乎比#1224強。嚴守止蝕，博五月升多一浸。現時資金依然流入，雖然已經似係水尾，未必會見二萬點，就算要見兩萬，也可以先回到萬六樓下震一震倉再上。要小心。
mkm，市底強低指大市對壞消息無反應，應跌唔跌，即市V型反彈，下跌裂口好快就補回，成交量大表示有資金投入市場。相反，如果五月尾或六月見到大成交反而係先升後跌市，上升裂口快速補回，則熊市反彈或牛一升勢完結，先看14200呢個大位。手上完全無貨又有閒錢，見呢個位可以考慮分注每跌幾百點慢慢買些少。
亞K，好明顯有一班好友大戶已經在萬七點樓上沽股票，及平Long Call 套利，見到164Call 。的OI已經大減。 166Call現時係最大倉位，估計淡友會嘗試擊破，試一試萬六的支持。我會在市場悲觀時搵位開萬四點左右的LP/SP套利，主要係估六月中唔會跌穿萬四點。
牆頭草大哥，我已經回應。在這裡重貼。
我跟最少三位以上非常資深的經紀討論手上有過百萬資金，能否靠全職炒股每月賺三、五萬生活費當打份工業的。不約而同地，由於他們見到在股票市場、特別是炒期指的輸大錢個案太多，結論係能夠靠炒賣而穩定賺取生活費的人不多，能靠炒賣發達的人更少之又少，所有成功的，都是經歷「交學費」階段、學懂了嚴守止蝕、懂得保存實力的重要性，能夠做到順勢追擊，逆勢休息。對有意全職炒股的人他們都警戒，不要咁快就決定，最好先做模擬買賣，由於模擬買賣壓力細，當模擬買賣肯定能力贏錢，再細細注在市場試試。事實上只有少數人適合靠炒賣期貨或衍生工具賺錢。反而買賣股票比較容易睇到低位入貨，但就算係玩大藍籌，止蝕技巧同樣重要。
至於玩期權，做錯倉例如五月SC162、164或買熊證180被挾倉的人很多，如不能在恆指升勢初期就斬倉，手上又輸倉如何利用LC避免重大損失，甚至利用SP/LP組合、加上移動SC的倉位追求反敗為勝，更不可能是一般散戶可以做到，要靠經驗，按金運用，捕提反彈浪高低位買賣SP/LP組合等等。
金兄,
寫了篇網誌, 你會有興趣, 請到舍下一遊.
hey kam cho see hing,
hope you don't mind my asking a stupid question -- how do you determine that this month is bull-biased?
thanks.
金兄 ,
香港剛公佈咗的嚇人的經濟數據, 雖然是意料之內, 但曾財爺話下半年會反彈, 相信和現時貴為特首的前財爺話 x'mas 時金融風暴會過去一樣, 信者上天堂--死得, 美股開始對好消息無乜反應, 好像開始轉勢, 好友想16700結算難度應會加大, 但如果大家都對星期一個市睇淡, 好友會否借勢插低再加好倉後才挾上? 畢竟資金市不可用常埋推測呢.
明白, 謝謝, K姐. 期指我都有睇, 但都係無K姐睇都咁多野.
小狗
金兄
請俾意見高位入了2337
要止蝕或換入1224
請指教
花姐
金曹老師:我也想參加你們的網聚,到時可否通知,謝謝!
你好!網聚大約在什麼時候? 我都想參加!!x2
charlie
just to say hi.....
correction coming on Monday?
it seems like people are waiting waiting waiting for catalysts, positive or negative........
great weekend guys...
金曹兄,
高興見返你~
請問#763短線點睇?
thanks~
K姐, Dai Dai 兄, Superdog兄,
Thank you.
Subazky (小巴司機）:
http://www.hkex.com.hk/futures/OI/oi_f.asp
小狗: 其實單睇期權係唔多夠. 我會加埋期指一齊睇. 期指淡倉前兩日係大概16900加倉.
但昨日從未平倉合約來睇, 趺市期指淡倉卻平倉, 更有趣既係, 即日期指好倉但低位增加.
一日唔升穿16900, 淡倉仲有機會.
至於今日小升市, OI減少, 可能係部份好倉都先行平倉
因為星期5, 仍在17000角力, 好淡相方都有睇唔通透,
而部份昨日但位渣既, 就今日平左先.
至於好倉底, 一早已經係事實證明, 市場已經告之, 唔需要再睇番, 因為咁有有少少似開左答案而去對答案.
小巴: Ｋ既小女子
金師兄: 有錯請指正.
小巴司機, 我都請教他們呢. 我只不過學了期權1個月, 只做過long call. 我一直都係玩開期指的. 現在先學睇期權.
小狗
金曹兄, K兄, Superdog兄,
小弟也希望學睇期權倉位, 請問應從那裡開始？有沒有好書本？
謝謝
金曹兄:
期權沽倉大位應該係15000, 之前個一插, 好多淡倉平晒, 而17400 - 19000 既好倉位都加左少少, 咁今個月的確係好倉底. 要跌都唔會跌得多, 今個月應該可以上返17000期結. 現在小注做好倉, 應該可以有斬獲. 唔知咁講合理嗎?
或者第二個講法, D淡倉位既倉仍然大過好倉好多, 特別係15400, 15000和13600呢三個位, 有好大量淡倉. 咁淡倉仍然係主導嗎? HSI會跌返落去16000或以下?
小弟初學睇期權倉位, 請多多指教.
金師兄
6月期權盤路, 我一直在留意中. 之前見到20800, 唔信, 跟住愈加愈多. 最衰就係得閒望下, 但跟唔到long 定short.
6月盤同5月盤時, 唔係好同,
5月盤月頭時加15000call, 16000call係一面倒, 而put 好少. 好似大人蝦小朋友咁
當時我犯左升市恐懼症, 諗住一定係short call. 於是就short 埋一份. 去錯邊.
而6月盤, 依我所見, 係先加call, 後加put的, 亦即係兩幫大户打過, 勢力唔係一面倒, 相信到時會好刺激, 係爆煙花同爆炸彈的日子.
請指教. K
金曹師兄︰
謝謝回覆。這個周末我會到該網址好好學習的。
金曹兄:
"6月期權大倉位已經開到20800，下面則是14400。"
小弟想請教那裡可以找到期權 倉位的資料？
牆兄及其他網友: 有時間的可聯絡香港樂施會 Vicky 小姐, 電話 3120 5258, 她負責個人捐款及特定性質損款 (例如: 捐款建國內學校), 亦可以安排到現場考察 (當然自費).
金兄: 不好意思, 借用了你的地方.
非吾兄，
親力親為做一些善事公職, 幫到人時自己好開心, 身體都有番活力. 完全不用考慮利益關係, 及計較得失.
i love to do this as well, i've been looking around for sometime, let me know if you've the source and contact ....
天朗氣清，和黃好快就可以從3G得到正現金流，加上石油價格見底回升，加埋航運碼頭有可能因經濟復甦已得益，再加埋國內的大量土地儲備。已經守左咁多年，不如再等一等。現在沽，無乜又平又靚又有3%息的可以換馬。
等我問問陸sir及頭條會否支持網聚。有無好提議？時間可以在7月？地點在那裡？什麼形式？上次食飯時間好似比較趕。
金曹
金師兄,
你好!網聚大約在什麼時候? 我都想參加!!
有關0013和黃, 我是從2005開始月供至2008年中停了. 由於現在的平均價是70多元, 希望換碼至指數基金. 現在是否合適時間沽貨套現?我打算分三批沽, 可否建議沽貨的價格給我參考?
謝謝
天朗
對, 一定要找一些寄託, 否則好容易會令身體及心情素質下降, 我自己會考慮一些公職事業, 親力親為做一些善事公職, 幫到人時自己好開心, 身體都有番活力. 完全不用考慮利益關係, 及計較得失.
非吾兄，
現在休息、多點陪家人，原來十幾年沒停過了，遲點再決定如何。無正職始終唔多習慣。
金曹
金曹兄: 最近才知道你提早退休, 預祝你在人生新階段開心滿足, 能夠做自己喜歡做的事.
牆頭草大哥，您講得岩，即市其實上落好隨意，除非大張數破大位，否則就算一分鐘掟一千張都未必可以改變方向。今日開開市位16600肯定係關鍵，好友想炒上應會守住攻上16700陽燭收市，淡友就想插穿做支陰燭收市。