貓私語——貓沙的選擇
2009/06/05 08:47:18
網誌分類:
生活
05
Jun
小時候看到親戚家養的貓，鋪張報紙就懂得去便便，今日的貓，卻會挑剔貓沙的質感，不喜歡的，就不去。最初用最平的Johnny Cat，牠們當是沙池，不上廁所都跳進去拚命抓，印到廳呀房呀都是貓腳印，掃地掃到面都青。後來試過凝結沙，但我家貓太多，不到一個早上已結成一大堆「沙餅」，要剷走鋪上新的，哪有那麼多時間密密剷？ 朋友介紹豆腐沙，可以沖進廁所的環保沙，說貓腳印印時的觸感好舒服，令牠們去得更舒暢，但貴呀，以一星期三包的消耗量，我唔食都搞唔掂。 揀無可揀，用上水晶沙，有些貓的腳仔會對水晶沙敏感，好彩我家的貓爺沒有，牠不會凝結，但吸味，也不會黏在貓腳仔上被牠們帶出廳，唯一壞處是要日日清潔，像紅豆就腌臢得很，常站在廁所旁大叫，吩咐我去清潔，否則牠不肯去。 最好是牠們自己會上廁所和沖廁啦，但這恐怕是異想天開了。 關慧玲
old ox，
我係用石川，掃少好多。但用量超快。包裝說明寫可以用一個月，我兩日就要換一底。
"石川破碎珠砂"指萬一讓寵物吃掉少量貓砂，也不會構成太大傷害，皆因本產品能從體內正常地排出。
現在試轉用水晶砂, 砂不只可以吸尿吸味, 貓貓又不會將砂踩到通處, 且一盆砂2隻貓用都可維持到4日才換. 以前用過JOHNY CAT, 紙砂, 幼細砂, 圓粒砂...... 貓貓常弄到周圍都係砂, 每日要掃不知幾多次, 砂盆需要每日更換, 又常有尿臊味!!
Old-Ox
Old Ox,
有d 咩粟米砂 , 豆腐砂 , 黃豆砂....好似話食到都唔怕 , 但係 .....唔明點解要食砂 ? 你冇俾嘢佢食咩 ? 貓怕污糟架 , 狗食屎我就知 , 見過添 , 但貓食貓砂都係第一次 . 大家點睇呢 ?
OLD OX,
吓，食落肚咁大鑊!!咁似乎要換沙喎??我用過木沙但好MESSY，掃地掃到頭暈。有乜好介紹??
Old Ox,
食落肚怕唔怕呢 ? 有冇問吓獸醫對佢哋有冇影響 ?佢哋有冇痾番出嚟 ? 呢個情況維持咗幾耐呢 ?
我係用木砂 , 都會成地碎砂同大塵架 , 唯有密 d 抺地囉 , 但我覺得木砂比較天然又吸味 , 有時佢哋手仔卡住貓砂都只會 fing 開佢 , 唔會食落肚 .
我數次見貓貓在砂盆吃水晶砂, 真的吃進肚子裡......
Old-Ox
old ox,
一般情況不會的哦，是真的吃進肚還只是痴在嘴邊?
係呢, 有什麼方法防止貓貓吃水晶砂?
Old-Ox
old ox
是呀，我家多貓，好快變黃變濕，通常我會把黃色的剷起，再補點新的，但如果你家貓不多，又不同喎，倒上厚厚一袋，可以用至少兩星期，只要剷走屎屎便行。
我想知水晶砂是否由透明轉為黃色便要更換?
Old-Ox
1) windykwai,
您要慢慢來，唔可以一下子改變架!!
先將原本個沙盆(唔可以一次過)每日/數日逐步擺近廁所，然後放在側邊，再放上去，等佢地開始習慣，就可以拎走個貓砂隔，直接疴入厠所
未必隻隻貓都甘聰明識用，有D可能要時間長D
可參考下列網址：http://hk.myblog.yahoo.com/olausen-lisa/index?l=f&id=84 或向Bldg主查詢相關資料
注意：開始時會需時間去適應。
2) Caroline
係呀，我都有貓貓鍾意玩廁所水架，您驚佢玩水不如選擇放地下個一款啦!!
windykwai,
蕃薯仔: 你不要試圖訓練我, 你要先訓練自己可以訓練我~
Hi 各位好,
我想問你地既貓貓玩唔玩廁所水 or 試圖飲廁所水呢, 因我以前亞 B & 芝麻糊是會的, 所以我依家會將個廁所長時間蓋上, 防止比佢玩廁所水.....我諗我一定唔可以訓練貓貓用人廁所了
得個睇字添 !!
Jaimecat :
沉日一睇到就order左, 仲送埋貨$240.00 夜晚放工第一時間返家將個大發明庄係廁板上, 我兩個寶貝一向八卦到死有乜新野都去八餐死, 估唔到佢地竟然無反應, 我將最八嗰個大貓貓抱上貓廁上, 佢竟然雞咁腳喪跑走, 吹脹!! 貓廁大發現失敗左
! 小貓仲勁, 時運高直頭當睇唔到個貓廁..激死
嘩,各位真叻,一定超有耐性;我想問的是,貓貓有可能'跣'腳掉進馬桶嗎?
ROYAL CANIN有隻減肥糧，藍色Feline Light 40
您試下﹗
windykwai ：
貓廁所：Bldg主提供既地點：Bldg友有折(大概$210度，舊年價錢，係大角咀，個區買野平D)。我舊年年尾係荃灣平時買開既店舖買，佢開價$260，同佢講價$200成交。
我買第1) 款呢個，一樣架，等搬屋至用得，好期待!!我諗住放塊板上廁所上，螺絲都唔裝，等適應後搬走塊板。用$200買個希望，就算唔係全部識用，有部份識用都可做少好多啦。
Old-Ox :
(2)人形貓廁所：第3幅圖---放在地上既，防貓沙飛出，而Bldg主都有超肥貓，都應該無問題，可參考下列網址：http://hk.myblog.yahoo.com/olausen-lisa/index?l=f&id=84 或向Bldg主查詢相關資料
(1)貓貓廁所：此版是比較薄，如貓太重會否承受唔到，可參考下列網址：http://hk.myblog.yahoo.com/olausen-lisa/index?l=f&id=84 或向Bldg主查詢相關資料
注意：開始時會需時間去適應。
如你隻英短十分巨大，你唔想麻煩既，不如選用人用既BB盆，因夠大無甘麻煩。始終未必隻隻貓都甘聰明識用既。
關小姐：
我去Lisa屋企見佢用第2款人形貓厠既有3個，佢本身都養左十隻及另外的待領養既貓；另一個阿Cat就用第1款貓廁所，佢本身都養自家貓及另外的待領養既貓。
我相信：
第1款貓廁所(我自己都買左未試用:$200)如貓多既未必隻隻都甘聰明識用，甘其餘既貓可用第2款人形貓厠/全選第2款
而第2款人形貓厠係無問題但要有恆心去教
總之有貓用既就做少好多架啦！
詳情參閱：
http://hk.myblog.yahoo.com/olausen-lisa/index?l=f&id=84 你或可請Lisa帮手買或查詢相關資料
提一提另如唔想買第1款既朋友，可試下自制：http://hk.myblog.yahoo.com/catz-world/article?mid=93
教貓貓用人的坐廁便便不少人看過 "Meet the Parents"，對電影中貓貓Jingle用人的坐廁桶方便都嘖嘖稱奇。其實，訓練貓貓用廁所一點也不難，只要有耐心，貓貓一定會學懂。
方法如下：
1. 先把貓貓的便便盆放近在你的坐廁旁邊，讓牠知道便便的新地方。
2. 大約一星期，貓貓應已習慣新便便地點。這時，你便可以把貓貓的便便盆放在坐廁蓋板，讓貓貓知道要便便，便要爬高一點。記緊在便便盆底放上防滑墊(實惠有得賣)，以免便便盆滑落。
3. 提起坐廁板，量度一下坐廁的長闊度，再往家品店買一個合大小的筲箕，筲箕大小要剛好放在坐廁內，筲箕邊可安全放在在坐廁邊，要確定筲箕不會塌下。
4. 當貓貓習慣在廁板上的便便盆方便，你已經成功了一半。
5. 買一包水溶性的水晶貓砂，價錢大約$40-60一包。
6. 當你肯定筲箕不會塌下，能夠承受貓貓的重量，你便可以拿走貓貓的便便盆，放上筲箕，放大約1cm厚的貓砂。
7. 聰明又愛乾淨的貓貓自然便會跳上筲箕上便便。
8. 你可以逐漸將貓砂的分量減少，貓貓習慣了，就算沒有貓砂也會在筲箕上解決。
9. 貓貓未必學會把四隻腳仔放在坐廁板上，始終牠未習慣嘛！
10. 下一步，你可以把筲箕界開一點，界多少則同悉隨尊便，多少程度剛好讓便便跌在水中為佳。
如果你能做到第十點，你已經成功了。但要貓貓像Mr. Jingle般完全不用筲箕，又會沖廁，恐怕要在荷里活電影中才會發生吧！
祝成功！
我想知jaimecat那(2)人形貓廁所是否放在人用馬桶上?還是一個人用蹲廁型的貓旱廁?
我也有一個(1)貓貓廁所, 教了隻英短如何上廁, 但牠都是傻兮兮, 不只不上廁, 還在沙發上大小開齊!! 另外, 個廁所又十分化學, 底部四顆固定著貓廁所在馬桶上的膠螺絲脫了一顆, 引致放在馬桶上也不穩, 加上年老的家父母常常要用廁所, 他們覺得先要移去馬桶上的貓廁所十分不方便, 結果都係棄用貓貓廁所, 擱在一旁, 所以我不敢再試其它教貓貓用人廁的工具(如將一個仿如O字的砂盆工具放在馬桶上, 當貓懂得上廁後, 便將最中心的小O移去, 之後越移越多, 直至將最外圍的O字移去), 只好用傳統的貓盆和貓砂.
家陣隻英短十分巨大, 牠上貓砂如廁時, 每每都是個身和四肢在砂盆, 唯獨個PAT在砂盆以外......
Old Ox
我成日都諗,如果發明一種貓沙受大眾歡迎的話,你就發達啦....
而我就自制貓沙, 方便,環保又免費的代用品, 就是將每日睇完的報紙,
用碎紙機切成碎片(不是條狀), 若想加強吸水力就加類似即棄抹手紙一起碎,
雖然不能辟臭(要另外用滴露清新劑), 但是可以倒落廁所沖走, 不會塞坑渠,
信我試下啦, 我己經用左超過一年, 效果理想!!
jaimecat,
個廁所好得，但家有九貓，不知掂唔掂?但一隻唔肯去咪煩?
睇見你個貓廁所好得~~即刻上網搵到買左, $240.00 make in china的..同唔同你嗰個一樣呀?
慧玲姐姐&各位貓友,我貓豬有6.6kg,獸醫要佢減肥,請問有嘜好提議呀.請賜教.
在此謝謝Caroline貓友的回答,thank!麻煩晒﹗
我都比貓砂依個問題煩左好耐. 最初用CAT'S BEST 既木砂, 不過靚仔隻眼成日都發炎. 為左甘, 轉過豆腐砂, 水晶砂, 不過佢完全唔肯用..... 唯有用返木砂. 好彩佢依家又少左眼發炎. 不過唔知係未改左FORMUAL, 依家CAT'S BEST 好似唔似以前甘吸味......
以前靚仔I世就係識去坐厠架, 係無人教佢既情況自己去. 有次係坐厠見到佢D便便, 問過所有人都無用幫佢沖. 估計真係佢自己上去. 之後真係有次比我見到佢自己跳上去方便, 不過佢見到我睇佢去厠所就跳返落黎去佢自己個私家厠. 都要睇大爺心情, 心情好就去坐厠, 唔係就用返私家厠.
你可用貓廁所：佢地一識用，就海闊天空啦!!
1) 先將原本個沙盆逐步擺近廁所，然後放在側邊，再放上去，等佢地開始習慣，就可以拎走個貓砂隔，直接疴入厠所
2)人形貓厠
初時先抽起上面塊板，等佢慢慢適應時先再放返塊板。初初轉砂盆時，佢地隻隻都響上面轉轉轉都唔去，唔好放棄，一定要要堅持先得，應該會好快適應的。
轉貼自：http://hk.myblog.yahoo.com/olausen-lisa/index?l=f&id=84 你或可請Lisa帮手買或查詢相關資料
關小姐,
如果佢哋識得自己上廁所和沖廁, 咁我哋貓奴咪冇嘢撈??
你d貓貓都好丫, 要砂兜清楚o者! 我d傻傻地架, 佢地一見我換新砂, 佢地就第一時間入去霸住. 自己唔用都唔俾人用