新的歷程
2009/06/26 08:45:02 網誌分類: 生活
| 「不再養啦！」是我的口頭禪，九隻貓加上豆腐膶般的居所，真真已是極限了，偏偏又在這時遇上Shane。 Shane有很漂泊的過去，牠自繁殖場中被遺棄到街上，被好心義工發現，被人領養了，可是不久牠的主人失業，再落到另一個主人手上，養了不久又無故失蹤，貓兒沒人照顧，輾轉回到貓義工手上。 Shane只得兩歲，有漂亮的毛皮和SmokyEyes，但沒見過一隻貓的眼神如此憂鬱，義工說牠會躲在牀下底不肯出來，冷冷淡淡的，終日呆在籠子裏，牠從前或都一直在籠子裏過，除了被當是繁殖機器，很少被愛撫。 心底萌生衝動，沒徵求家裏貓爺們同意便抱了牠回家。Shane疑惑地看着我，似乎估量我會照顧牠多久。 朋友說，牠遇上的主人似乎都交上霉運，不怕嗎？嘿，我命很硬，我會給牠過好日子的，信我。 關慧玲 |
 | |
waoo. she's beautiful. it's lucky that she got you now.
ccat，
貓仔性格適合家養嗎?找人領養如何??
sinsinho,
不用擔心，shane仍在隔離，而骰仔其實亦未懂得做，加上牠會做手術的了，可能是下下個星期。
關小姐,我好開心 Shane 終於有妳收留它了.
我有一個問題解決唔到,妳可否幫我想想怎樣做.
原是這樣,我是在某地方喂貓貓的.貓仔已有晶片.貓貓只在他附近地舗留宿.
哎! 點知他已 ( call )了2 次魚農處捉它.怎麼辦呢?
那位義工講,再捉它.她話唔再拿它回來.又他們怎麼做就怎麼做啦!
點算呀! 請回覆我吧!
關小姐, 我相信Ｓｈａｎｅ成為關家貓一份子後, 一定會得到幸福 ! 但係, 佢絕育未? 怕唔怕骰仔.......
, 你明架喇， 到時我驚唔止十兄弟喎，嫲嫲 
Iristing ，
多謝你和你媽媽的十卜呀，shane仍在我房接受隔離，未同班貓爺接觸丫，但佢哋已很好奇，在門外猛嗅，等我放假睇實，才讓牠們初接觸。因為之前試過一次慘痛的經驗，某隻貓不能接受新貓，結果常打架，其中一隻要用籠隔離，就是我太武斷，未給舊貓足夠心理準備之故。
希望今次平安融入大家庭就好了。shane依然cool爆，但已肯睡在床尾。
關小姐,你家d主人有咩反應?
Wow~~0.0 恭喜哂ar~~^.^
我諗以後shane喺呢個溫暖ge家一定會好幸福架喇~~>.
03哦~ 我家BUBBLE都係由住家繁殖場收養番黎嫁~ 佢初時黎到都係好怕人嫁, 尤其是當人地"貢"埋佢塊面度時~ 佢係超級驚嫁~ 而且當我地抱起佢時, 佢係郁都唔敢郁, 好似疆硬晒咁~ 以家同佢生活左半年啦, 佢進步左好多, 雖然都仲係好怕人抱佢~ 所以我相信, 比多D時間 & 愛心, 佢地一定會接受我地嫁~~
我相信牠去到妳的王國，一定好開心，不會再被遺棄，牠真是行運了！
我也是1打貓媽呀!!
我都有2隻英短係於繁殖者處領養，1隻就好驚青，又慢熱，又唔俾抱；另1隻係籠度好熱情，出籠就打另外2隻家貓，佢地都係唔識同人/貓相處........半年啦，都無符。
佢地都係繁殖公具下既可憐貓，唯有做主人既俾多些耐性。
唔知你地有無留意，近排都好多人棄貓，特別係繁殖後既棄貓，真係見者心酸，亦慨嘆已無能為力。
好想睇下開飯時o既壯觀情況
哈哈哈，十兄弟分別是：
千里眼，順風耳，大力三，韌皮四，飛天五，鐵頭六，高腳七，遁地八，大口九，大喊十。
關小姐,
以前養Miu Miu初期(Miu Miu都係一隻棄養貓, 前主人仲係放養方法養佢, 所以佢可能未正式同人/貓親密相處過), 我都係好似你咁禁室培育佢一段時間, 有人就開門, 冇人就關上門, 每日都會抱住其他貓到佢面前傾計, 又獎小食, 我同其他貓玩, 到佢覺得我係會對佢同對其他貓一樣, 我唔強迫佢親人/貓, 到佢慢慢走出房間, 上梳化, 隔日坐在廳中間, 跟出跟入, 到最後跟我入房瞓, 我那時知道, Miu Miu已認定我是她的奴婢, 最初佢都好痴身, 出咗門口都大聲叫我, 生怕被鄰居投訴
, 到而家佢只會知道我到門口先叫我, 所以關小姐, 我相信你嘅心機唔會白費 
超極勁爆大開心！！！精神虐待比起傷害肉體的殘忍程度高百倍，好開心Shane遇到關小姐，還有九位新同伴呢，牠（是男孩子吧）的心靈一定會慢慢康復，關小姐家中多福將，一定會過得好好。
哎吔，這個星期五真爽！！！
joe，
我的經驗是，再善妒的成貓，都會接納貓b的，試一試?如擔心，可先養貓b在籠子裡，讓兩貓每日可以對望，但又接觸唔到，不出一星期，多數會有奇蹟出現。
各位，對，沒想過成為十貓的媽媽，shane初來時仍很怕人，但經過多日禁室培育後(即係同我瞓)，牠好了些，眼神柔和了，會揩我的手，但要由牠主動，也不讓人抱。
我對牠很有耐性，希望可以溶化這隻icequeen啦。
關小姐: 能夠成為你熱鬧的家的一份子，shane真有福氣，希望shane以後食好住好，享受這個充滿 "貓氣"的一家)))))我家的兩個小伙子都這麼吵鬧，很難想像你家的情況.......你這位媽媽要為十兄弟努力呀
Shane能夠遇上妳﹐來到這個溫暖的關家生活﹐得到妳口既愛護﹐好好呀﹐真的十分感動啊。希望日後會能夠多D聽到Shane和關家貓的生活片段丫。
睇Shane個樣真係好抑鬱，好唔開心，希望慧玲多留意牠的心理狀況啊．
關小姐,
多一個唔多....不如再再要多幾個啦
andy, 你講得好啱啊 ! 照我估計, 呢張咁正經既相斷估以後都唔會再出現啦
, 因為當 shane 一與其他貓爺混熟之後, 便會一起攪蛋呢 
, 以後可以開開心心咁生活落去啦 !! 
恭喜恭喜你呀, 關小姐 
!!
唔怕, 拍心口上, 十隻就十隻, 最緊要係人同貓都過得開心
看見shane再有一個家,又有一個呾義無反顧既媽媽,加上又有一大班兄弟姊妹,我相信shane一定會覺得自己已經係最幸福囉....加油呀,關小姐!
見到又有小動物遇到有愛心既人收留及照顧,我都覺得好感動架.
Shane, 你不如擔心米米教壞你~~~~哈哈.
關小姐: 我想連妳也沒想過, 有天成為'十貓之媽', 遲些可能是十五, 二十呀, ha ha
anyway,Shane '千辛萬苦' 才能來到妳家, 確是跟妳和 '關家貓' 積累了很多緣份呀, Shane 有特別的意思嗎, 牠的過去 '貓球' 生活, 很不開心, 希望牠很快便可感受到, 這將會是牠一個永遠的家, 期待看到牠成為另一 '小搗蛋' 的好消息. 
關小姐,
早前從blog上有隻已受傷棄貓, 我都想養, 但呢輪好忙, 亦因為工作關係唔可以而家收養, 要等8月先有機會得閒d, 所以最後比其他有心人領養了, 不過都希望佢從此有好日子過, 唔會再遺棄街上面~~~
Shane Kwan 有好日子過了~~