邂逅的瞬間
2009/07/10 08:46:58 網誌分類: 生活
| 看貓兒打招呼，是很有趣的畫面。當Shane有如女王般被抬到廳的中央（當然她是在籠子裏），所有貓第一時間遊到她身邊，拼命地索她的氣味，貓女紅豆和小襪同性相距，發難「嗄嗄」連聲，不過貓仔反應卻不同，畢竟是未絕育的靚女嘛。 Shane本來已Cool爆，見一眾貓公團團轉，便露出睥睨的神情，一副「咪掂我」的樣子。她之前是繁殖貓，貓公見太多了，喜不喜歡都要生，現在自由了，似乎不習慣有貓在她周圍呢。 米米不怕死把鼻子湊過去SayHello，換來Shane兩記耳光，悻悻然走開。骰仔不怕她撒野，爬上Shane女王的籠頂，伸手逗她，弄得Shane有點生氣，胡胡聲。 幾小時過後，大家都適應了對方的存在，十隻貓各自在自己的地盤睡去，只有骰仔繼續對Shane女王虎視眈眈，在她旁邊走來走去引她注意，唔，小襪看來遇上勁敵了。 關慧玲 |
 | |
關小姐, 咁.....我會為我張未到既新皮梳化倒數架喇...!
caroline,
咁嘅sales都有嘅??佢新黎架??上次同一店子另一個sales告訴我養動物最好用呢種布我至知。
係丫就是那種纖維布，下次囉，我用到依家，佢哋完全唔抓，好安全，好過一年換一次梳化丫。
JMAMOMO, 我成日都會諗 : 會唔會因為芝麻糊本身是流浪 B, 瞓慣紙皮箱, 所以先至咁偏愛紙既味道...
關小姐, 你講果間北角茲曼尼我都有去過架, 一入到去就問係咪有種纖維布造既梳化, 唔怕比貓抓架? (我諗我都已經問得好直接, 應該唔會比人誤會架啦 !), 點知佢地既答案係, 佢地係有布梳化, 而布入面係有纖維既成份, 但唔知貓貓會唔會抓囉......
佢地 D 梳咁貴, 都係駁唔過
哈哈, 張相真係好 '型', 靚女王Shane一副 '高不可攀' 嘅樣, 加埋平時被萬千寵愛 嘅'米米' 難得一見嘅 '俯首稱臣' 模樣, 佢0地都幾絕配呀!
關小姐, 妳有無小小擔心米米,骰仔, Shane, 小襪 呢個 '四個關係' 點算好? 
, '貓私語'0黎緊會唔會上演 '貓貓愛情篇' 呢? 0依, 呢幅相咁 '熟口熟面' 嘅, 皇后同公公....
jmamomo，
紙確會令貓瘋狂，我家多本新書都經過米米「愛的牙印」的洗禮呢。
廁紙是另一樣，牠們會把成卷扯落來，搞到一地係，仲有盒裝紙巾，一張一張飄散四週~~~~~
Caroline,
唔會掛，是在茲曼尼(giormani)買的呀，成日賣廣告不時都有減價的那間呀，北角渣華道都有分店。
唔緊要啦，在各貓貓努力下，新梳化好快又報銷啦，到時又買過，我再俾個地址你!!!!!!
Caroline,
會唔會係貓兒都好有書卷味，所以咁鍾意紙張？芝麻糊今次發達啦！
HI 關小姐,
我最終都搵唔到你之前講過既纖維布梳化, 問間間都話唔知, 最後都係買回皮梳化
, 但會諗住加個布套...希望喔到芝麻糊啦, 可以崖耐 D 
, 我想問邊度有人會車皮梳化既布套 ? 各位貓友又有無好介紹 ?
Hi Jmamomo,
我家芝麻糊係紙都會攪, 唔理是卷紙, 盒庄面紙, A4白紙(有寫野如 note, 無寫野如整疊未開封既A4紙), 廚房抹手紙, 報紙, 雜誌, 返學既書, 小說, 紙 file, 甚至乎 box file, 佢都好鐘意攪.....咬
, 鐘意程度仲多過玩膠袋 !! 呢排就黎搬, 所以一屋都係紙皮箱, 佢仲第一時間跳上去 "典" , 返來第一晚已經將方角咬到變咗圓角 
...你地睇吓佢 "典" 到連個腩都唔記得收埋 
看貓的每一個表情和動作都真的好有趣，不論睡、吃、曳曳，甚至是一動不動都有可觀之處。
係嘞，我想問吓關小姐和各位，家中有誰喜歡搞厠紙嗎？搞盒庒面紙還是卷庒厠紙？是男是女？不明白為何總是要攻擊厠紙，唉～
果然係icequeen.
看誰能將冰山劈開.