loss_confidence
loss_confidence
loss_confidence

投資者的堅持

2009/07/31 18:58:33 網誌分類: 未分類
31 Jul

恆指今早高開後, 反覆直上20,712, 午後國內A股及日本再急升, 但恆指未有跟隨, 升幅卻不斷收窄, 尾市反覆向上, 收20573.33,升339.25,成交795億元.國企指數繼續跑輸恆指, 收12,123,升131....但8月期指升幅收窄至163點,低水210點....港匯觸及強方兌換保證水平,金管局向市場注入38.75億港元,令下周香港銀行體系結餘增至2319.19億港元

內房股普遍仍然偏軟, 阿爺干預氣氛仍未消除, 2009金魚稍回, 2007仍跑輸大市, 當然, 小弟仍等待此板塊發威.

結論: 小弟喜歡在每日下午7:00PM前預測明日市況, 道指未開市前估才是預測, 等道指開晒先估, 係叫做跟風, 跟住個市講, 唔係預測...... 市況又與小弟昨天預測非常接近(昨天6:00估升300點), 結果升339.................恆指反彈, 但彈力跑輸外圍; 明顯有基金大戶於20,700點沽貨, 但資金仍流入, 市況仍強, 但不知道仍有多少基金會於21,000前沽貨, 估計短期難再大升, 有基金已開始止賺, 預期恆指短期會於19,500-21,000之間徘徊. 如出現牛皮狀態, 即上落波幅不大, 資金將轉炒個別落後股.....內房股(我等幾時到佢)

有網友問我, 既然我連續2日估升, 點解唔買貨.....因為我要做投資者, 投資者要堅持買入合理價值之股票, 而家買, 係投機, 唔係我專長, 我覺得而家股票好貴, 正如我觀察1688阿里巴巴, 今日升左6.5%, 我唔會後悔, 因為我覺得1688係$14先合理. 2778亦一樣, $2我覺得好抵, 所以買貨, $3覺得貴, 所以出貨. 而家股市脫離實況, 真係好難買得落手.

{#icon9}今天非常高興, 做左7月份回歸股神, 名利雙收, 哈哈!!!!(都係要謙虛D)

今天繼續無成交, 現金一樣維持45%

觀察股: 1688 阿里巴巴/  2009 金魚

回應 (9)
我要發表
loss_confidence
loss_confidence 2009/08/06 14:04:21 回覆

Persie: 再次謝謝你的分享.....這2天....股市給了我新的經驗.....

估唔到我重犯了錯誤...違反了自己的投資原則, 自己明明係上文, 3天前仍未跌時提及

"恆指反彈, 但彈力跑輸外圍; 明顯有基金大戶於20,700點沽貨, 但資金仍流入, 市況仍強, 但不知道仍有多少基金會於21,000前沽貨, 估計短期難再大升, 有基金已開始止賺, 預期恆指短期會於19,500-21,000之間徘徊. 如出現牛皮狀態, 即上落波幅不大, 資金將轉炒個別落後股.....內房股(我等幾時到佢)

有網友問我, 既然我連續2日估升, 點解唔買貨.....因為我要做投資者, 投資者要堅持買入合理價值之股票, 而家買, 係投機, 唔係我專長, 我覺得而家股票好貴, 正如我觀察1688阿里巴巴, 今日升左6.5%, 我唔會後悔, 因為我覺得1688係$14先合理. 2778亦一樣, $2我覺得好抵, 所以買貨, $3覺得貴, 所以出貨. 而家股市脫離實況, 真係好難買得落手."

明明自己估中大市21,000有阻力, 自己卻好大喜功, 無耐性等調整, 但仍加注買2009, 明明自己做投資者, 卻在合理價以上買金魚......被勝利沖昏了頭腦.....

昨天冷靜過後, 2007確是失敗之作, 唔對路會於法$3.2止蝕(買入價平均約$3.6)

2009確信買入沒有錯.....有信心, 有潛力, 不過都要定止蝕價係$8.5....

這2天跌市, 令我自己要再堅定自己原則, 我係投資者, 唔應該被市場氣氛影響自己原則...

我係公司會做好自己本份, 合則來, 不合則去, 只要自己無做錯, 別人既諗法我亦無可改, 亦唔想去改變, 公司無朋友, 咪去搵外面其他朋友LOR.....為一D唔LIKE自己既人而唔開心, 係無謂的 {#icon6}係唔值得的.......

Persie
Persie 2009/08/04 22:42:34 回覆

Loss :  分享一下工作的事情. 我以前的部門很大, 我亦有幾個 subordinates, 跟您面對的問題差不多 friend, 上面不喜歡, Staff 亦會咋咋帝帝側側膊太嚴, 他們又好多不滿我現在的 team, 好細當時是要選一隊各有所長的精英做很專門的projects (似唔似 Ocean's Eleven).  我只有一個subordinate, 但其實都要互相 cover, 沒有高低, 但我們合作愉快這小隊可算是立功無數, 但現在公司財困, 我們又好似無乜用公司便想把我們放回原位, 但係人都知係沒可能啦原位已被其他人坐了, 或已打散我們現在是要重搵新位, 又談何容易我都好擔憂, 但沒有告訴家人可能都可捱得一陣的, 看情形吧.

 

我是被逼知足的, 我都曾經有鴻圖大志架, 俱往矣我現在只想逍遙過活經歷大牛市, 捉到鹿都唔識脫角上天對我不薄, 真係只可怪自己.

 

Loss, 做人要開心d, 您事業有成, 又賺到錢, 快找個女朋友啦, 周末去兜風吃海鮮, 嘆凍白酒 (純個人口味), 看英超 (我夾硬加的, 別介意), 幾好不要用冰冰做 benchmark , 冰冰是大美人, 有她一半都殺啦.

 

PS. 我有點奇怪您選#2007,不過各有所愛,希望它快點上升!

loss_confidence
loss_confidence 2009/08/04 19:02:58 回覆

馬仔: 多謝, 我會盡量令自己開心及讓我下面同事明白我係被迫去迫佢地交出成積既....另外, 808今日升左D, 我昨天沽左405係$1.19改入808, 目標係$1.5以上....不過我D金魚&碧桂園就唔多掂啦.....

原來D師奶都好精明, 聽下都會搵到著數 {#icon8}

幪面馬仔
幪面馬仔 2009/08/04 16:41:59 回覆

師奶 Loss,

I bought some #808 and #2345 today wor {#icon9}.

I told you keep wearing smile on your face ( not a smiling mask) . People can feel it. I am not saying you need to lose your control for them but just let them felt you are  easy to talk with.

I understand being management rank is lonely sometimes but you have be confidence on the  decision you made although is not everyone happy with that.I had that before.

 $$$ is important really but go to find a girl who can  share your thinking is more worth with.

Loss_ confidence is suit you in this moment and I hope it will get change soon.

loss_confidence
loss_confidence 2009/08/04 10:23:49 回覆

Persie : 聽了妳寫的經歷, 我實在有點慚愧, 亦多謝妳願意分享妳的經驗.....

我同樣工作不開心, 壓力很大, 工作位處管理高位, 董事會要我交數, 不得不建立威嚴, 要同事交出成績, 令我工作上好像只得一人, 曾嘗試放鬆管同事, 可惜一放鬆, 成績下降, 董事會又向我施壓, 唯有再嚴一些, 結果成績OK, 但與一班下屬關係就一般....與其他同級管理層又關係變差, 我嘗試放出善意, 只說討好說話, 不說他們不喜歡的事, 但結果....失望而回, 本著善意提出工作上的一點意見, 但卻想不到換來嘲諷說話.....我的心傷透了.......可說我在公司是孤獨的, 工作就只得"錢", 沒有其他.

愈想買樓, 就愈想賺錢....可惜樓價大漲, 令我更想追及, 對自己要求太高, 壓力就愈大....大市上升全被估中, 可惜買入2007, 707卻失敗地跑輸大市, (當然我睇長線, 相信有耐性就會有成果)....但見樓市愈來愈升, 唔想失敗下決定再加注入2009, 減少現金.....似乎變得有點急功近利.....自己變得貪錢了......

我在想: 我要賺更多的錢........ 朋友, 同事關係又如何, 只要我有錢, 我就叻過晒其他人, 特別是那些不喜我的人......

多謝妳分享, 妳的"知足常樂'性格, 令我慚愧.....我想我會再反思一下....

我現在是一個賺了錢, 但卻不滿足, 生活不高興的人.....我會努力改變的...

妳都要努力, 祝妳身體健康, 只要妳有樂觀的心態, 明天一定會更好!!!!

Persie
Persie 2009/08/04 07:52:36 回覆
首先恭喜新任股神Loss兄.
 
好欣賞您相信自己的信心和決心. 我知道您去年曾損蝕大筆投資, 但我比您還多, 有近1.2M.  其中一些基金更是因一心幫好朋友開單而於火棒位接貨.  當時朋友意外手骨折斷, 又要跑數.  他做了proposal給我, 說明價錢合理, 絕不是火棒位. 我也不知是他眼光如此糟糕, 還是他全心騙我開單, 但都沒所謂了, 反正我們都不會再見.  我在今年15000至16000點時一心想著指數會雙頂回調, 讓我侯低買入. 我就把大部分股票和基金套現, 完全忽視印銀紙效應.  結果, 應有的幾十萬元反彈我全錯失了.
 
反之, 您就能於今年初建倉, 從而平反敗局. 從相信自己, 到超越自己, 就真令人佩服.
 
我聽得太多別人的意見, 說甚麼#5會再集資, 便於#5 @ $55時沽了一半. 如果換馬都無所謂, 慘在今年上半年根本沒買入及持有任何股票.  我有個限額十五萬短炒倉, 如沒有沽出就會賺多多. 比如, 五月買入中信泰富, 一個早上賺了一萬元, 但若持貨至今, 賺的是七萬.  看來我大有可能是今年兩手空空冇入貨的人. 
 
Loss兄當時建的倉我好喜歡, 因為是可享有十厘息.  如果是我, 我是不會沽出, 因我年紀大, 愛上股息.  我較早前買入5K 股 #2, 就只為少少股息.
 
今天再有壞消息, 因為部門重組的關係, 我可能會被要求於今年稍後離職, 因我年紀較大,未必可找到地方落腳.  今早看驗身報告, 本來只是一個regular checkup, 但醫生說有些問題要再做一些 tests.   常言道, 福無重至, 禍不單行, 大概就是如此了!  但我看Dai Dai Sir的 blog 得到頓悟, 就是我沒照顧好身體, 身體才會出現問題.  凡事有因, 才有果.  我不可永遠怨天尤人.  正如我不可埋怨別人騙我, 而漠視自己的不小心, carelessness, negligence 一樣.
 
不過, 這麼的大災難我都可咬牙渡過, 我是會努力下去的.  我從您身上學到, 不要輕信別人. 所有事都要自己用腦, 錯了都不怨不悔!
 
我最開心的是, 我和妹妹合力安頓好媽媽. 我們的大宅雖舊, 但寬敞舒適, 去年有人開價$6.8M想買. 她自己都好叻, 儲到大筆澳幣收息, 加上我們的"月供", 她不愁衣食, 又有一班好友作伴.  我的保險全寫給她, 她不會有財困.  我不婚不孩, 沒任何未了的事, 未完的責任.  妹妹不走我的路, 她找到伴侶結婚生子, 過她的幸福人生.
loss_confidence
loss_confidence 2009/08/03 13:31:27 回覆

上午清左405, 轉入808

loss_confidence
loss_confidence 2009/08/03 10:19:03 回覆

馬仔: 1688會重新考慮買入價, 另剛於法$10買入2009金魚, 用15%資金

幪面馬仔
幪面馬仔 2009/07/31 22:46:50 回覆

loss

恭喜  恭喜   恭喜

user

最新回應

男女之間
男女之間 2020/03/22
loss_confidence
loss_confidence 2013/10/02

馬仔: 隻腳傷左, 3個月無做運動, 最近先慢慢練番2課10KM, 加上今年好忙, 無時間練長課, 如跑全馬, 要練25KM,  所以而家都未決定跑咩路程

幪面馬仔
幪面馬仔 2013/09/19

隊長       今年有沒有報渣馬?甚麼路程?

浪子152
浪子152 2012/01/23

Happy New year~~~~