電動貓廁的查詢
2009/08/04 13:54:27 網誌分類: 未分類
去了寵物展,發現新大陸,一個電動的貓廁所,原理跟人的抽水馬桶一樣,插上電源便可運作。
貓上小便後,它感應到即會自動洒水洗淨和風乾貓沙,遇上大便,它的剷子自動剷走,直接送到去污渠,之後再洗淨貓沙。
攤位職員說,貓沙可循環使用一年之久,以後都不用剷貓屎了,對多貓之家實在吸引,但索價三千多元,好貴。
各位有沒有見過?有沒有人用過呢?好用嗎?維修看來都是個問題,此外貓最愛玩沙,似乎還是需要不停補充貓沙呢?
medlody,
我早晚剷一次,貓沙可以吸味,你用甚麼沙?我試過很多隻,以johnny cat最污穢又不吸味,真箇臭屎傳千里,松木沙呢,很吸味,但松木碎印得全屋都係,最後都是水晶沙較好。
另,你的貓沙盤有蓋嗎?有比沒有好,我的是藏在廁所洗手盤下的櫃內,比較沒有味道。或者你可參考吓。
請問你平時是否下班返家才剷屎??因我有4貓每日下班返家在lift口已很臭, 用過很多方法都冇用,請幫忙!!
我仔細查驗咗部機好耐, 盆面太細和貓沙質料不能吸引貓大爺, 所謂自動清潔用電量和需時都係問題, 去水裝置更可能是個衛生問題 !!!
係口番﹗未到兩週年時﹐還提議妳點慶祝幫妳諗定﹐真係到口左個日﹐又忘記同慧玲姐姐和關家貓送上祝賀添﹐太大頭蝦了。
Congratulations!
jmamomo,
非常多謝你,我自己都忘了。
原來已寫了兩年,兩年來關家貓由七口變十口,米米做了貓明星,還有骰仔和shane,十貓之家熱鬧得過了份呢。
寫貓原是遊戲之作,但愈寫愈覺得跟大家交流是開心的事,希望貓貓繼續給我靈感啦,否則便無以為繼了。
Happy Belated 2nd Anniversary!!!
本來已經在自己的月曆上記住了八月四日這個日子,但出門工作忘了恭喜添。
恭喜恭喜!希望這個網誌/專欄長寫長有,祝十幾口之家(因為唔知有幾多「人」)日日常歡笑,時時咁開心,健健康康,活活潑潑,生生猛猛!!!
因為家中只有大少爺大小姐兩位,所以工作量不及關小姐(其實好想知道關小姐有冇搵人幫手,即係鐘點或外傭,如果無,看照片間屋又咁企理,真係所有榮耀全部歸你呀,勁!),但係每日清理時,看見生產物正常又健康,真係開心又放心嘅噃。
Caroline, Cat Cat 人肉xx機, 真係形容得貼切
365日, 不停做... 日日剷到無停手, 有時重俾d少爺小姐投訴話個廁所唔夠乾淨添呀
CatCat, "人肉剷貓屎機" 何止可以餵貓咁簡單, 仲可以令貓糧自動送上門, 要零食有零食, 要人陪玩即刻奉陪, 眼瞓既時候又係人肉枕頭...定期又會買 D 新傢俱比佢地發洩添 !!
不過, 大家作為 "人肉 X 貓 X 機" 都要好好自我保養一吓, 如果唔係病咗都仲要 "開工" 就好慘架喇
市面多款新奇電動貓廁所, 都不及一部"人肉剷貓屎機"來得方便耐用又環保, 無需保養維修, 用途多多, 必要時又可餵貓, 最重要時~~~唔駛錢!!
我的理解,它其實就是一貓用的自動廁,要插電和接駁去污渠,大便自動抽走,小便就自動洗沙再風乾,我是擔心貓用不來,或正如caroline所說,貓愛坐沙盤,容乜易成日感應錯,剷起隻貓?
十貓之家,真是剷屎剷到顛呀,才一直在尋覓更好的處理方法。
個網址搵到喇! http://www.catgenie.com 入去睇下
ling,
我之前都上網睇過類似既自動清洗廁所, 但係要駁水喉同去便便既喉, 你在場睇到既, 洗唔洗要用喉管嫁喇?同埋有冇佢地個網址呀?
根據他們香港的網頁如在網上購買就有90天退貨保證,但我們家裡的人類不會放心讓我們接近一件長期插著電的東西。
其實唔係咁明個原理....話識得認大大, 之後仲識得鏟走去, 咁一定會連埋 d 貓砂一齊鏟走去啦, 咁又點會唔駛買貓砂先得架 ? 仲有, d 貓砂係乜原料呢 ? 可以沖洗既貓砂 ?? 會唔會有對貓貓有害物質呢 ?? 另外, 有 d 貓貓鐘意成個瞓响砂盤上面嘛, 咁又會唔會以為佢係一舊大大又鏟走埋佢呢 ??
沖走大大同小便係用乜渠道 ? 駛唔駛接駁落污水渠 ? 條渠又幾粗 ? 容唔容易阻塞 ?? 唔係好明, 九萬幾個問題添 !!!
個saleman話5隻貓或以上就唔係咁適合喇~