前事不忘，後事之師
2009/08/18 00:16:50 網誌分類: 經濟
有網友提我，2007年8月17日曾經出現單日過千點的調整，當日由高位20761插到低位19386，足足調整了1375點，下午反彈，收20387。
大市升勢過急，我認為調整完全係預期之內，除非係炒期指或牛熊之類，要睇指數炒出炒入，否則看緊自己的持股或目標股份，等出現較深的回調便出手買貨，應是較佳選擇。如果手上唔夠貨，連一成都無，把握在萬九點邊儲些少，萬八點又再儲些少，萬七點唔知會唔會穿，總之分幾注慢慢買，如有機會見到萬五點，最少都要有50%貨責倉底。把握2009年在相對低位建倉，中國的GDP現在已被大行調高到9%、10%增長，加上大量流動資金，通脹是必然來臨的，在2009年趁調整就把握機會買入有正現金流，受惠於中國經濟復甦的股份。如果唔知買乜，又唔想買建行、國壽，就買#2800、#2828指數基金。
我當年記錄了指數成份股的支持位，不過editgrid好似有問題，今日開唔到。明天再試。
http://www.editgrid.com/user/jincao/HK0817
http://blogcity.hkheadline.com/jincao 重要提示：本網誌宗旨是讓小投資者能夠互相支持，增加財經知識和改善投資心理素質，以期早日達到財務自由。本網誌一切言論純粹是個人意見或經驗分享，絕不應被視為投資建議，也不構成要約、招攬、邀請、誘使、建議或推薦任何投資產品。本人亦不保證所引述的資料的真確性和完整性。股價可升可跌，投資證券或衍生工具附有重大風險，讀者務請運用獨立思考能力自行分析和驗證。一切的投資決定以及該投資決定引致的收益或損失，概與本人無涉。 
vencent，A股是政策市，走勢圖只能作參考，更重要的是管理層的取態。
ms，努力學習。
Brian，上電沽壓重，資金唔多的話不應首先揀佢，因為主要係炒上落波幅為主，儲貨可等$3樓下或大市回調到萬九點才考慮。銀行股相對係會跑慢些少，一個穩定的組合應有一隻金融、一隻資源、一隻地產股、再加一、兩隻盈利前境有保證的。可以留些錢等年底抽「民生銀行」。
JollyBear，
#2800盈富基金，追蹤恆生指數、由道富環球State Street管理，每年派息約2.9%。
#2828H指數基金，追蹤國企指數，由恆生銀行管理，每年派息約1.3%。
上證如出現三連升,大陸調整可能已完成,到時就要追入.
Thanks tonight!
金兄及各位, 請問2800 及2828 最大分別在那裡, 是否都是無息派咁滯, 謝謝囉!
金兄: 近來我正在用你教的保力加通道觀察心目中的股票, 仍在學習中, 謝謝你.
金兄及各位午安
金兄及各位午安,
金師兄: 如果手上無貨, 但資金又唔太多, 有那幾隻股價低嘅股可以留意? 可以給點意見我嗎???
上電? $3.0 附近入貨還是$3.0樓下入貨?
工行? 建行? (但銀行股會唔會升幅相對較細?)
中鐵?
有其他建議嗎???
金曹老師
現有問題想請教你：
＃857 中石油
我有1萬股平均價18.50，我想溝貨，好嗎？
應在何價買呢？今天收市是8.50，我見他向下跌又不敢買，還是不值得買呢？
另外我有CRAB貨＃2088 共13萬股，平均價為6.50，我知道是不能見家鄉，但前些時升至2.55，最近又跌回2.09，我應在何價位沽然後在何價位再買呢？還是沽了不再買呢？ 如不再買回，那麼請指點我應在何位呢？如有空，請幫忙，給我你的意見，沒空的話，就不要理會，後果我自負，請放心。
＃2366 我買了4萬股平均價為1.82，請問我應如何處理？
在此先謝謝你的指導。
瑪嘉烈
金 sir及各位早晨！
工行：#1398
保力加通道底$5.1，如想買貨見$5有支持，反彈可分注買。如手上已有足夠現金，又唔想等，用期權short put，9月$5，收期權金約$0.15（每十萬元接二萬股，收三千元期權金），打和價$4.85等接貨。如怕$4.85依然貴要捱價，可short put 9月$4.8，收約$0.1期權金，打和價$4.7。
麟及各位網友早晨，
大市調整可能大家又會驚股災出現。
早前講過，如果手上貨多，在二萬一點減持，或用covered short call賺期權金。如果無貨，留意目標股份，在保力加通道底見陽燭就慢慢買貨，或分兩注，在50日和250日線買入。不要被氣氛影響自己，但人人的處境不同，最重要有適合自己的策略去建倉，以及一定要避免摸頂。
單看指數高低無乜用，要留意自己的目標股份。例如我早前講的蒙牛，雖然無得做期權，但跟保力加通道做，在$18邊買三注，$19邊沽兩注這個方儲貨也可以的。最緊要自己知道的性格和建立買賣策略。我識的真係好清楚咁講晒出來，「依法不依人」，要跟可靠的方法去操盤，而不是跟人的貼士出出入入。
金曹
照圖看，#2800都唔錯喎。
金兄，依閣下之見， 1398有冇機會跌到50天線呢？