(河馬仔專欄)魚湯主題午餐餐廳評論

魚湯米線好多香港人都食過,甚至現在接近開到成行成市,魚湯煮得唔好會好難食,就算落多多胡椒粉都於事無補.但今次評論的一間位於旺角彌敦道飛達商業中心之魚米の尊,就給我不一樣之感覺.

此店標明私房菜館,雖然係樓上舖,不過店內人數在午市時都唔少,頗受食客歡迎.店內雖然裝璜唔多,但坐落都幾闊落.當然大熱天時一個人上去想食下一些有湯有菜的午餐,還是套餐較適合我.


先講第一個魚湯素翅套餐,盛惠三十八大元,睇落吸引,一來就來碟魚湯灼時蔬先,一人份都夠大碟而且油好少,夠新鮮夠份量已足夠.


再來碗薑粒炒飯,薑味唔太重,炒到夠一粒粒,雖然個飯無肉,但絕對唔覺齋.


最後有碗魚湯素翅,全個餐的靈魂,碗湯熱辣辣,真係大大碗,飲到您飽.而且香菇及素翅唔少,個湯魚味頗濃但一點都唔腥,食食下都覺幾足料,唔覺稀.


仲有杯奶茶,這個絕對要講,因為沖得出接近大排檔式奶茶之香滑,值得一題.




到到第二餐,貴點點,都係四十八元正而已.生菜魚麵餐,話低脂低鹽.....................


先來個小食拚盤,雖然一點都唔鹹而且算香口,但應該低脂低鹽唔係指呢碟啩.講番碟食物普通啦,都可以笑笑口,食番啖嘅.


都係講番個主角生菜魚麵,真係要俾好高分.魚麵感覺似魚滑,加上濃魚湯,再有大量生菜.暗覺魚滑之爽滑,美味非常.最緊要係食完後真係油都唔見多滴,真係好少油.




最後仲有個慈禧桂花榚,當然桂花榚乃慈禧太后喜歡之榚點之一,雖然食完都唔會變老佛爺,不過都落得好多桂花,口味清新又唔太甜.


當然最後仲有咖啡,不過我還是較喜歡奶茶.


整體感覺兩餐皆感覺唔錯,如想在炎炎夏日之中食有菜有湯之午餐,此處算係唔錯之選擇.