有狗味
2009/09/11 09:18:08
網誌分類:
生活
貓是否最怕不熟悉的氣味? 那天帶米米到朋友家吃飯,朋友家有狗,米米竟膽敢和牠打招呼,玩了半天,不知是否沾了狗狗的氣味回家,阿寶率先上前嗅索,未幾竟目露凶光,沉聲叫起來,把米米撥開,阿寶再追上前,米米怕起上來,一邊退後一邊嗚嗚的叫了幾聲,阿寶突撲上前,兩隻就扭打起來。 米、寶旋風由客廳捲到電視櫃底,骰仔和Shane亦慘被捲進打交的漩渦裏,我狼狽地拿起垃圾筒蓋做盾牌,好不艱難才將牠們四隻分開,阿寶的額頭損了,Shane則扭到貓手。之後兩天,被隔離的阿寶一放出廳,就不停再搜索那種令牠發狂的氣味。 一直隔開牠們不是辦法,為消滅所有氣味,狂用乾洗粉替牠們洗澡,阿寶又像從沒發生過事一般,一家又回復平靜的日子,奇呢?! 關慧玲 |
![]() | |
關小姐, 乜女皇 shane 扭親手仔 ? 我既蛋蛋都係呀, 有日見佢突然行路一跛一跛咁, 又成身打晒震, 一抱佢就大聲大聲咁叫痛, 嚇死我呀, 即刻帶佢睇醫生, check 過佢既骨就無事, 應該係同魚魚玩 (打) 得激烈得制, 先扭親隻手仔, 同佢打咗消炎針止痛, 依家要比佢食一星期藥囉![{#icon28} {#icon28}](http://img2.stheadline.com/headline/forum/icon_face/icon_face29.gif)
肥雞媽咪,
唉,寶爺額頭損咗,好在依家好番。至於shane,她扭親隻手仔,跛咗幾日都未好,走路一拐一拐,醫生建議不要被牠走動得太多,讓牠自然好番,所以這幾天要隔離在企缸內。
碟上面是蟹柳,佢哋好瘋狂的,但食得太多會消化不來嘔番晒出來,所以都係俾少少佢哋試就算。
提醒養貓人士
一定要小心家中窗戶及門隙(安裝窗網)
特別是貓仔(轉載自HKCATS)
請各位準備養貓者, 必須要安裝窗網~~
貓貓兩個月既SIZE, 跟一本快週差不多, 而且都唔算瘦~~ (片段可跳到1:32秒)
http://www.youtube.com/watch?v=zC74PwCVOAk
關小姐:
亞寶嘅額頭同Shane女皇嘅貓手沒事吧, 貓手手駛唔駛睇跌打呀
, 米米咁論盡, 無理由大戰中'走得甩', 個衰仔係咪'盲拳打死老亞寶' 呀? ![{#icon8} {#icon8}](http://img2.stheadline.com/headline/forum/icon_face/icon_face6.gif)
到底碟上面係咩, 可以令貓0地目定口呆,大家都想知道啲嘢食嘅下場係.....
mtleung,
係丫,是阿寶,佢樣子較惡,對貓亦惡,但對人就好純,精神分裂嘅。
ccat,
好久沒你消息囉。隻貓b有人收留就好了,多得你這好心人呀。
我以前對乾洗粉有些疑惑,但我沒為牠們用水洗澡好多年了,皆因非常大工程,牠們又不開心。乾洗粉有點類似爽身粉,揸少少在貓身搓勻就得了,仲有少少香味,so far都ok,可以一試。
實情係阿寶唔妥左米米好耐, 借啲意揼佢就真啦, 哈哈哈........
![{#icon8} {#icon8}](http://img2.stheadline.com/headline/forum/icon_face/icon_face6.gif)
TY
係呀,較早前在寵物店買了一個坐墊回家,諗住新屎坑實多人吼,點知無人理,家人話可能個墊有狗味,搞咗好耐,比較大膽的阿仔肯坐上去,但阿女就點都唔制。
Hi : 關小姐
好久沒和妳交談了.那隻惡 BB 已交給朋友暫養了.我在文章看見妳同亞寶
用乾洗粉替牠們洗澡,妳是否無用濕水同它們沖洗的嗎?用乾洗粉代替水沖洗 OK
嗎?
我想問中間個隻係咪阿寶呀? 唔似貢惡喎 (睇住d野食個樣)![{#icon1} {#icon1}](http://img2.stheadline.com/headline/forum/icon_face/icon_face10.gif)