擘大口

2009/09/04 08:48:01 網誌分類: 生活

04 Sep

        有讀者因為替貓擦牙而絞盡腦筋，她的貓有牙石，醫生建議日日用紙巾抹牙，但牠的貓不喜歡別人碰牠的嘴，於是人追貓的大戰日日上演。貓的確很挑剔，不喜歡的絕不會忍受，做主人的一是投其所好，一是用軟功。每一隻貓在小時候，我都愛和牠們玩「擘大口」的遊戲，待牠們躺得舒舒服服時，用手指撥弄貓嘴，先放在嘴邊，慢慢掀開嘴皮，觸碰牠們的牙齒，這時多數貓都會掙脫走掉的了；別追，待下一次牠再躺得舒舒服服時再試。如是者反覆多次，讓貓知道被掀開嘴巴是安全的，有時我會整蠱牠們，趁貓爺打呵欠時把手指伸進貓口裏去，牠們會悻悻然望着我，嘀咕幾聲走開，好好笑的。

        在「嚴格」訓練下，貓爺會接受被扳開口的感覺，到牠們生病要餵藥或擦牙時，就不用太狼狽。這方法，是某動物學家教的，有點像親子遊戲。說到替貓擦牙，最好的工具還是人的手指，沾點牙Gel和牠們玩遊戲般，貓的反感會少很多。

        關慧玲

回應 (17)

我要發表

2009/09/11 13:09:48 回覆

轉動速度好慢, 如果有貓走上去, 佢會即刻停

http://www.youtube.com/watch?v=9BKvuGHrhGk&feature=related

真貓示範

http://www.youtube.com/watch?v=e1dxrFcxYeA&feature=related

2009/09/11 13:02:48 回覆

Catcat佢話保用兩年,重話如果d貓唔用, 重可以退款, 不過就要支付有關運費. 我d貓都唔係經常用, 所以最日都唔算太多, 味道亦唔大 (比起個三角貓廁所). 一般都係三日至掉一次垃圾袋, 一星期換新砂. 算方便同慳砂架喇.對我呢d懶人就好正囉. {#icon9}

2009/09/11 12:04:22 回覆

三位主人誓死反抗, 我投降了, 而家棄用紙巾, 改用棉花棒, 情況都幾好, 唔需要擘大口又可以慢慢將棉花棒伸入少少抺, 雖然我都知用棉花棒唔會抺得好乾淨, 都好過唔抺啦. 叮叮大小姐雖然仍然唔多合作, 但情況已經好過用紙巾抺了.
不過大小姐呢排好慘呀, 平時飲得太少水導致便便太硬, 結果令到肛門損了, 醫生開了消炎葯給她, 結果.......反抗指數爆燈＝＝" 我都知d葯好苦, 但係無辦法啦＞＜

P.S. 買左部飲水機希望大小姐可以飲多d水, 但因為太細膽到而家都唔敢行埋去試, 點算／３＼

2009/09/11 09:56:37 回覆

mtleung, 保養幾耐?? 有冇大小便味?? 轉動得緊唔緊要?? 有冇試過幾日唔換袋?? 方便主人出trip嗎?? 麻煩你解答~~謝謝!! {#icon0}

2009/09/11 09:01:15 回覆

http://www.youtube.com/watch?v=TNrARLJ7GNE 示範

2009/09/11 08:57:45 回覆

我向亞馬遜買架, 不過好似已經加咗價, 比我兩個月前買貴咗! (亦有可能我記錯價錢, us$250=>$350, 是關俾錢唔係我!) 我6隻貓得5隻用咋, 而且佢地有時都會用番舊砂兜, 要考慮清楚啊 {#icon56}

2009/09/10 19:50:11 回覆

mtleung,

嘩 !!! 外型好前衛, 好似個太空艙咁呀 !!!

睇黎好勁咁呀, 有無間公司條 link 等我地參考吓吖 !!!

仲有, 係咪用乜類型既貓砂都得架 ? 咁好用, 我都想買番個呀 !!

2009/09/10 16:34:33 回覆

補充一點, 我依家只係朝早起身開一次, 放工返到屋企開一次, 訓覺前再開一次, 一日清三次. 是關班衰豬一見佢轉就走入去八卦, 部機感應到重量就即刻停, 如是者又開又停... 驚遲早俾佢地玩壞, 所以依家只係一日清三次. {#icon24}

2009/09/10 14:22:07 回覆

都ok架, 6隻有5隻都用, 剩低個隻好堅持用個三角廁. 成績都算唔錯 {#icon8} 最好就係佢地用完, 大約十分鐘, 上面個波波就會自動咁轉轉轉, 將d固體轉到活門, 跌落下面. 我地依家淨係三四日至拎下面個垃圾袋去掉! 好開心囉, 唔使你推我讓咁去鏟便便啊! {#icon45} 佢話適合5-18磅o既貓貓用, 是關要有貢上下重量, 個感應器至知貓貓用過, 跟住就去清理.

關慧玲 2009/09/10 13:54:46 回覆

小儀，

你的抹牙工程如何啦?有進展嗎?

關慧玲 2009/09/10 13:53:35 回覆

mtleung,

嘩嘩嘩，究竟好不好用?好心急，你隻貓慣不慣?十隻貓唔知得唔得呢?

2009/09/10 11:23:31 回覆

關小姐, 還記得你之前提及個自動貓廁嗎? 免鏟便便, 自動清潔, 嘩太好喇... 我最近搬屋, 都忍唔住買咗呢個. 只係要人手加砂同拎個垃圾袋去掉. {#icon9}

關慧玲 2009/09/07 15:17:03 回覆

candy,

吓.........那狗狗........ {#icon57}

則卷小雲 2009/09/07 08:01:13 回覆

想起牙石, 當年我大家姐替狗狗挖牙石時, 牠害怕得向後躲, 不小心躲出露台欄杆外, 翻下八層樓了! {#icon7}

2009/09/04 12:50:03 回覆

人，尤其貓奴系列人類，真係易被支配又不記仇的動物 {#icon8}

2009/09/04 12:17:35 回覆

嘻嘻, 等我今晚返去試試先, 不過真是很困難, 特別是叮叮呢個大小姐最不聽話, 態度越來越差 >< 尋晚只是幫她抺門牙已瓜瓜叫, 手腳併用極力反抗, 想再抺入少少, 她的手指甲已在等待我們 - -" 無奈下又是"係咁二"抺一抺就放她走, 她用很鄙視的眼神超一超我們就跑回她的地盤, 一副[唔好死過黎]的嘴臉, 為了安撫大小姐的心情, 唯有出絶招 -- 牛奶餅, 大小姐立刻眼睛發亮, 在我腳下來回摩擦貓貓叫.

貓真是一種沒有記性又不記仇的動物 >v

2009/09/04 10:35:29 回覆

哈哈 !! 我都時常趁貓貓打呵欠時把手指伸進貓口掂佢地條脷架, 佢地比人整估個樣真係好可愛架 {#icon8}

擘大口

網誌分類

已關注

最新網誌

最新回應

月曆