工作夥伴
2009/09/18 09:16:39 網誌分類: 生活
你家的貓會讓你抱嗎? 紅豆前世一定是嗲精,嗲到人失暈。每朝早打開房門,牠立即跑上來要爬上我腳,遞起兩隻手仔要抱抱,不理牠?牠會仰起頭追着我大叫,直至抱起牠為止,狗仔一樣。 除了嗲,紅豆還很黏人,有時在書房工作,牠就在在門外敲門兼大叫,要你開門,之後施施然跳上電腦枱,踩着你的「老鼠」,你移過一點,牠得寸進尺,直至霸佔半張書枱面積,令你不得不為遷就牠而把鍵盤改放到膝頭上為止。有時實在煩不過,把牠推下地,牠轉個圈再跳上來,這次索性踩到鍵盤上,人和貓如是者來來回回,就過了一晚。 牠不認為是干擾你工作,牠只想靜靜地陪着你,到你做完工作走出房,牠又跟着來。有時真的趕工,狠心把牠關在門外,牠有本事叫足半小時,最後我還是會不忍心。母親對子女,都是忍無可忍都會再忍,對着貓,有時我也有這種感覺。 關慧玲 |
關小姐,
我寄本書去頭條好唔好?你會收到嗎?
小儀, 我想是她 "生暗瘡" , 因為以前我亞 B 都試過出黑頭, 之後重生埋 "暗瘡" 添, 第一粒我試過唔理佢, 過多兩日粒 "暗瘡" 便露出白頭, 情況跟人 "生暗瘡" 無分別, 咁我咪幫佢唧啦, 又唧度 D 膿出嚟喎, 之後粒 "暗瘡" 謝咗, 個位自然又會生番 D 毛毛, 咁就無事啦
小儀,
會不會是貓抓導致甩毛?持續了幾耐?睇睇醫生穩陣噃?
你好呀, 我有問題想問, 貓貓本身下巴會生一d黑色一粒粒的東西, 我聽你講過其實就好似我地生既黑頭, 只要定時清理就無問題. 但係近排發現貓貓下巴有一個位毛全甩了, 過多幾日呢個位還有少少腫, 妳d貓貓有無試過呢d情況呀, 需唔需要帶佢睇醫生 @@
關小姐,
信不信由你,親戚因工作關係,曾常要四圍飛,她其中一隻貓兒也老是舔毛,舔的部份,毛全掉光了,後來她找動物傳心師,從傳心師中得知因為她老不在家,所以貓兒不開心,就用舔毛來發洩,後來親戚工作模式改變了,留多了時間在家,舔毛情況就消失了。
另有一說是主人自己有生活、感情上有難題,情緒受困擾,或是有重大問題出現,寵物會因而吸收主人的負面能量,久而久之,有可能生腫瘤。
JMAMOMO,
唔係掛?阿寶經常神經緊張,咬自己條尾噃。唔通佢唔開心?
我仔仔貓都係咁. 只係為左想靜靜咁陪住我, 只要係晌我身邊, 佢就好滿足.
TY
我記得bb時屋企黎左隻自來貓,佢可以話係同我一齊,好記得細個時俾父母打之後會好硬頸坐響度唔郁唔出聲咁喊,我家寶寶就會行埋黎挨住我舐我d眼淚,跟住我仲邊喊得出? 全家人佢係痴我,只要我一嗌佢,就算我響碌架床上層,佢都會翻山越嶺咁經過電視機,衣櫃,hifi爬上黎 .
最記得o個陣時我都好鍾意同屋村d野貓玩,逐隻逐隻令到佢地肯俾我摸到以後我一落到樓下佢地就自動行埋黎,用左大概半年啦,最高dump到十幾隻,有次其中一隻居然跟住我返屋企,響走廊俾我家寶寶見到,o胡左一聲就嚇到人地走左,之後個衰妹仲追埋出去,幾日後至返,真係俾佢嚇死,自此之後,我每次走私完都要肯定無其他貓貓跟住至返去,免得八妹又呷醋~
啊,又想起一件事,不知大家信否。
有說寵物是會吸收主人的情緒,即是若主人有問題,動物會有相對反應,例如會不停舔毛,生病,生腫瘤等,如果你太注重工作(又冇話係咪 '太' 嘅,但喺小朋友眼中就可能係),佢哋真係會唔開心到有情緒病架。
呵唷,羡慕死人囉,以前家人工作的地方,亦常有一隻流浪貓走進,可能貓貓很小便已認得家人,家人工作時,牠會坐在家人大脾上一動不動架。想起都Sweet爆。
如果我對住電腦做嘢唔理佢, Miu Miu會抓我pat pat囉~~