城市獵人
2009/09/25 09:17:45
網誌分類:
生活
某夜放了骰仔在房裏睡,清早就被牠吵醒了,只聽到劈劈拍拍的聲音,和骰仔厚重的呼吸聲,起來一看,牠在滿室狂跑,搞乜鬼? 原來有隻儍蒼蠅找死,闖了入十貓之家,激起骰仔的狩獵本性,只見牠耳仔豎得高高的,貓鬚全部伸向前,手仔腳仔在撲來撲去,發出打鼓似的聲音,可憐儍蒼蠅逃來竄去,終於被骰仔一手按住。 四周頓時靜了下來,只有骰仔大力的呼吸聲,牠小心翼翼,把按住蒼蠅的手拖向自己,忽然放開,讓蒼蠅飛出來,再撲住…… 在牠張口想咬時,我急急用紙巾把它搶過來包走,獵物忽然消失,骰仔很不甘心,搜索了好一會,悻悻然地,才靜下來。 搞完了這一場小龍鳳,我當然完全清醒了啦。不過好處是養貓多年,從來沒有貓類以外的生物可以在我家生存,怕昆蟲的我,當然好囉。 關慧玲 |
Hi
Mtleung .唔該哂
Hi, cccat想買三角貓廁, 你試下打去66231689梁小姐聯絡。
HI : mtleung 妳好
我都想買三角貓砂盤,可否給我電話呀!唔該哂!!!!!!
關小姐: 不好意思, 借BLOG一用, 急!
急尋長沙灣順寧道想救走貓女的兩名女義工My e-mail address is fatcat081031@yahoo.com.hk
momotau,
我都驚佢哋追雀仔,所以不敢開窗呀,我不想見到牠們的這一面。
mtleung,
多謝呀,我已經買咗,好好用呀。
關小姐:三角貓砂盤有貨喇,你可以打去訂貨啦!
佢哋真係會將獵物奉獻俾主人o架!我隻毛毛試過將被咬斷了頸o既雀仔放在梳化中央送比主人。小朋友的捕獵能力真不可小窺。但願雀雀能在天堂活得快樂,小雀不記大貓過。
骰仔咪玩得斯文囉. 試過有一次, 見肥仔向牆角落玩得好開心, 唔知佢攪咩, 叫吓佢啦, 點知佢令個頭過黎見到... 向佢咀角露出半隻壁虎呀! 經過連番追逐爭奪戰之後, 至好好彩咁搶哂條屍!
弊在有時佢哋會將獵物奉獻俾主人,[你睇吓我幾叻?],我個親戚住在離島村屋時,放工時就成日收到呢啲祭品嘞,一隻大大隻嘅曱甴反肚在廳中央,死未。
對呀 : " 從來沒有貓類以外的生物可以在我家生存 " 正是自開始養貓後的寫照, 以前亞 B 會負責圍剿獵物, 而芝麻糊則會乘我們未來得切收拾殘局之前迅速享用 "野味餐", 可能正因為這樣, 她才會有現在的身形罷