安全使用LCD電視
2009/09/19 12:39:25 網誌分類: 娛樂
我家有二部 LCD HDMI 電視機
電視應該要放喺平坦同穩固嘅位置,唔可以將電視機放喺潮濕、陽光直接照射同靠近爐具嘅地方。
LCD電視機身嵌入櫃裏, 一定要留番啲位畀部機散熱,就算掛牆都要有隙縫散一散熱,唔係就會機件過熱,甚至着火。
得閒仲要清吓電視機嘅積塵,但唔好用濕布、汽油或稀釋劑抹喎。電源線同訊號線唔好扭曲太犀利,破壞電線絕緣體會導致漏電。
LCD電視雖然比傳統顯像管電視慳電,但都唔好長時間以備用狀態開住,咁樣會令內部組件過熱,所以冇人睇時應該熄咗佢;如果長時間冇人用,就索性熄埋總掣或者拔除插頭。
若果部電視機有怪聲、異味同無啦啦跳掣,就要快啲熄總掣,搵個合資格技師睇睇,定時定候都要做檢查同維修。最後都喺嗰句,唔好以為 LCD電視係新一代產品就唔易着火,用不得其法部機都會發火 o架。
好多人家裡的電視機, 長期都是處於備用狀態, 而有些電腦更嚴重, 長開!
其實真的很危險呢!