十四年
2009/10/09 08:48:33 網誌分類: 生活
| 貓的一生約有十三、四歲，十四歲的小甘，已成了貓精，終日伏在遠處，一副頣養天年的姿態。近年牠吃東西後不時會嘔，好像甚麼都不消化似的，牠的要求不多，摸摸牠的頭、喚牠幾聲已很開心。從來，牠都不是最受注意的一隻，在家裏不算活躍，沒甚麼身體毛病，吃吃睡睡，無風無浪就過了十四年。 最記得牠只得幾個月大，由愛協帶牠回家後，喜歡上另一隻貓Coffee，還要追着啜牠的點點（但Coffee可是男孩子來，直情是當年的不可思議真貓真事），Coffee幾年前走了，小甘沒了玩伴，從此靜下來，跟其他貓再也建立不到跟Coffee那樣的情誼。之後斷續來了年紀更小更調皮的貓，牠更從主人的注意力裏退出去，眼圓圓的靜觀世態。 今早，小甘突然從客廳跑到書房喚我幾聲，很怕貓咪這種突如其來的熱情，怕又有甚麼不好的將會發生，我摸摸牠，眼眶突然紅了…… 關慧玲 |
 | |
小acat，
有讀者想領養的你貓b呀，你的電郵是??把你的電郵登出來，你直接跟他們聯絡好嗎???
我要祝小甘跟其他所有貓咪身體健康，心情愉快；
也祝各貓奴們龍馬精神，體力充沛，財源豐盛，可以照顧得貓爺們無微不至，仲久不久俾佢哋讚添！
chinchin,
完全同意，牠們偷快頤養天年，是牠的福氣，我的責任呢，只是人愈大，愈易想當年，想小甘只有手掌般大已來我家，轉眼十四年，真的是時光飛逝丫。
關小姐，妳好！
我係養貓新手，得2+年經驗。所以我D貓貓好細，最大嗰隻肥貓都係5歲左右，當時獸醫估佢3歲，真實年齡就吾知啦。但我有20+年養狗經驗。每當D仔仔女女年紀越嚟越大，要走嘅時侯，真係好難受。但係近年我一路都學習點樣用正面嘅態度面對。我哋應該唸吓我地係幾好彩，可以照顧同愛護佢地嘅 " 一生一世 "，係好幸運嫁！點都好過我走咗，佢都未走呀！所以關小姐，就算有乜事，妳都吾駛吾開心呀！小甘有妳咁好嘅媽媽，妳覺得佢重有咩求呀！點都好啦，係呢度都希望小甘同所有嘅貓貓狗狗都有人鍚，開開心心，平平安安。唉！又要返埋位啦！要去招呼我嗰10隻貓大帝同埋4隻狗大王。
這是４貓ｂ的相片
http://s623.photobucket.com/albums/tt319/fourcman/
關小姐，感謝你的仗義幫忙！
有時真的希望沒有買了我的宝貝回家,因為不知道那時會出現同一情況，很害怕呀!
不要太擔心. 小甘可能突然諗起你, 想同你打個招呼.
差唔多又要打針, 順便同小甘check下.
記錄一下佢幾時嘔，次數及在吃飯前或後，嘔出來的東西是什麼，例如水、水+食物、顏色、有冇毛球等，然後告訴醫生。在五年前我一隻好愛好愛的老友貓貓走了，原因是糖尿，牠一直有嘔的情況，但我當時唔識亦唔知佢病，對於自己的疏忽到現在仍很內疚。所以千萬要多留意老貓的身體狀況，最好做1年1次body check la.
linemiao
不是吧??可能要帶小甘去檢查一下，牠的肚仔好實，又不太好動呢。
小acat，
你有相嗎?可send幾張過來，我幫你呼籲一下。
好多謝你，貓咪遇到你們，實在是太好了。你家四隻寶貝調皮嗎?我也正受貓咪到處洒尿的困擾，你有何良方??
::: ]
關小姐,
我女兒昨日在學校禮堂發現6隻小貓b，學校要通知漁農處捉走，必死無疑，女兒好心救了回家，同學已收養2隻，但仍有4隻在家裏。
本人原本養了4隻大貓，但4隻大貓相處兩年後，不知為何發生磨擦，一隻仔在家裏隨處小便，一隻安哥拉貓女離家出走，間中在家外圍通宵在叫，我們免強捉牠回家，牠還是要出走，無其他辦法，於寵物店登收養廣告，好彩有心人收養兩隻，(因同是兩兄弟，故要一同收養可以有伴，而離家出走的是最早養的，而且己經有 8 歲)，所以本人害怕再收養了，恐怕同樣事情再發生。
曾經看你的專欄，很佩服不論新貓舊貓，養了那麼多隻，還可以相處融洽，知你人際網絡較大，希望能幫忙，找找有無人可以收養。
小心你個老友有病。我隻老貓今年17歲，年前進食前後都有嘔，後來獸醫証實是慢性腎衰竭，體內排不走的毒素使佢嘔。另外老貓亦很易有糖尿病，同樣會令佢容易嘔。快帶你個老友去看醫生，嘔係可大可小，不可忽視。希望小甘冇事！
關小姐：不要傷心!妳能和小甘能夠相對共處14年,總算是一種緣份...相信小甘亦會覺得幸福
但願人長久，千里共嬋娟。
八月我姐家十四歲bobo走了. 以為從我家回歸姐家已幾年感情已淡. 可是眼淺的我像缺堤. 眼深的姐也哭得從未的厲害. 我們以白玫瑰和波蘿包作牠上路之伴.
我家大不良叮叮今年十二歲. 每逄回家牠總走來相迎, 我總給牠騷騷癢或抱抱給牠嗅嗅我頭髮或硬塞牠幾個親親才放下. 近年氣管敏感致狠心拒絕牠進入睡房. 不過週不時心癢癢做廳長抱牠入眠. 牠最愛睡在我的左臂彎.
想著有一天牠會離開. 即使明知付出越多越心痛. 我選擇和貓兒一起面對. 刻下好好生活就是了.
祝所有奴隸獸和役主貓貓們健康平安, 笑口常開.
關小姐
我絕對明白你點解會眼眶突然紅了...真係"貓照不宣",十幾年前我養左一隻龍貓急病升天了,他臨升天前十分辛苦,大力大力的呼吸著,我突然對牠說了一句: 你覺得辛苦就走啦, 唔駛掛住同擔心媽媽, 媽媽錫晒你....之後佢好似真係明白我講咩,之前一路都係我抱住佢, 但我講完呢番說話之後, "毛毛"突然回頭望左我一望, 之後就走左喇, 呢個情境, 我到今日都仲記得好清楚...我足足喊左3日3夜....不過係另一個角度去睇, 其實, 佢地都只係離開肉體, 去左天堂囉, 所以如果你咁諗, 你就唔會咁傷心....
關小姐：很多人說，貓是一種超級長情和執著的動物，正如我們不知是什麼原因，小甘就是喜歡了Coffee，像認定了牠就是此生中的伴侶吧，也許這份情操正如貓令人感動和欣賞的地方．吃吃睡睡，身體健康，祝小甘平靜的生活中，見幸福．
十四歲的貓,,
祝你身體健康.