貓生日會
2009/11/20 09:46:10 網誌分類: 生活
貓不輕易接受陌生的人和貓,要跟牠們做朋友,有點難度。 米米收到邀請,參加朋友愛貓波仔大王的一歲生日會,米米自然打起領帶,盛裝出席。兩貓相遇,波仔大王好驚慌,霸氣盡失,躲到枱底下,米米跳到人家睡的沙發上,大爺般攤開四肢。 當大家稱讚米米出得大場面之際,半小時後,波仔大王安定下來,反而米米近距離嗅到牠的氣味,發現波仔大王的頭比牠大,手腳又比牠長,加上還未做絕育手術,米公公自然再比下去,一時間接受不了有貓比牠威猛,竟發脾氣出手打了波仔大王一巴掌。 雙方對峙一輪,勉強拍了合照,生日罐頭也無心享用,便匆匆打道回府。回到家,米米餘怒未消,整晚屎面,所以要搞貓聚會,真的很難呢。 關慧玲 |
花*王,
唉,貓性難測,難為貓奴們瞎緊張囉。
關小姐二號點樣牙.....好的未.....老貓真叫人擔心
咁當其時眾貓奴點呀?尷尬到爆定笑到碌地?
米米竟然返到屋企仲屎面,睇黎佢真係好得嬲wor,不過點都好,米米係我地心目中,係最man最可愛既一個黎架...
米公公離宮後,我家契貓波王又跳跳紮,好像甚麼也沒發生過似的,還擺post影fashion相,真是傻波!待遲些波王變做波公公,再與米公公等貓見面,做個好朋友吧!
祝波王生辰快樂,萬歲萬歲萬萬歲!
真係替 '波仔大王' 難過, 明明係自己生日, 又無做過啲咩錯事, 竟然仲要俾 '來賓 '醒' 一嘢, 悲哀... 但兩貓對峙嘅生日會埸面, 真係笑爆哂貓奴個嘴呀