(河馬仔專欄)12月27日賽馬日分析

是日河馬仔十場心水選擇及賽果由看板娘---馬場樂子為大家報導:

第一場:

5.大情大勝-上場雖然贏落並唔係太過出色,但在此群中現時有進步之馬的確寥寥可數,隻馬晨操冇再搶口確係可喜現象,跑直路賽仍可兼顧

是場心水:
5.大情大勝-9.永勝馬-3.時時有機-12.開心假日

第二場:

7.智勇雙全-雖然上場走勢麻麻而且對手比今仗差,但晨操眼見進步良多,快踱步輕爽而且冇再出現郁身郁勢之鏡頭.草閘能交出唔錯之反應,有前速跑泥地必定較後上安全

是場心水:
7.智勇雙全-2.聖迪達-4.幸運精英-3.勁辣椒

第三場:

10.信賴-能夠衝到如蓋世子牙之衝勁算好,上場際遇實際都唔好.今次抽一檔食老本跑番以往OK之田草,老馬跑短較好,晨操老馬仲有啖火,今場對手水到震都係揀D安安全全之馬較好

是場心水:
10.信賴-6.豪情拍檔-14.好歌-1.聚有盈

第四場:

7.雄心馬主-上場之發揮可以用四隻字形容哂,就係不知所謂.今次苗廐副練親操此馬多課神態好番好多,強叔一來已經騎過此駒,二來此馬泥閘在外疊按住都自動撲前,不容睇小

是場心水:
7.雄心馬主-8.中華英雄-5.心歡笑-1.兄弟齊心

第五場:

13.常盈-此馬始終仍有上升空間,晨操快跳兩段步爽力雄,今場對手睇來睇去都談唔上個穩字.此駒能居中守好位實際上可頂住同樣跑法之神風先驅,今場揀到冇野揀都可博

是場心水:
13.常盈-4.怒火優勢-10.勝利福星-14.足球大師

第六場:

10.壽比南山-講真隻馬單講實力一定唔係四班可留,上場走蝕位都走得唔差,今場對手其實已唔見一些超班份子,照計都係出頭時

是場心水:
10.壽比南山-3.驕陽飛駒-2.曉勝駒-13.好旺財

第七場:

4.新強勁-此馬去到現在跑1650泥地都差唔多見盡哂,縮程應是在港唯一出路,講真晨操神情集中仍冇見疲勞,抽好檔有望守到自家威之後,今場如可等長勝福將燒乾對手又係可爭之時

是場心水:
4.新強勁-2.人緣好馬-12.長勝-7.聖河
(連贏派$216.0)

第八場:

8.星際雄師-雖然又延遲報名又第二選擇都冇乜人會理佢,但上場轉彎時本想慳位但可惜被前面後退之馬所擋之下其實施為唔多.前仗能以全場最佳後勁衝前實際吸引,同場對手如多馬快放而本身此馬評分已急降之下,確有一爭之本錢

是場心水:
8.星際雄師-10.同心同德-5.不言而喻-12.衝勁直前

第九場:

8.喜威寶-此馬應該係越長越好,上場只嫌太心急爭先走位才敗,可以說係敗不足據.晨操此馬力度有增而有神有氣,希望今場在冇乜真正快放馬之下可拖慢前段,咁就有望趁機走入,亦希望成為仕哥送行馬

是場心水:
8.喜威寶-14.駿綵-6.至勇威龍-5.賞惑

第十場:

3.金碧亮馬-其實此馬上場對住一堆超班對手,在三百米處搵一陣位後再衝刺,基本上走勢頗為厲害.今仗對手三班下風馬多,贏面高得多

是場心水:
3.金碧亮馬-7.綠色駿駒-14.馬來之光-9.極速之星