收到特別的禮物

　　今日係太古城中心的馬戲表演最後一日，我當然沒有失場，落足三場。第二場show完了後，影全體相時，我都有份呀！

企後我身後的是表演德國巨輪的Nick，佢仲將個下巴放在我的頭頂上添！

　　好多觀眾都以為我係工作人員啊！查實，我係一個觀眾，只是加埋做義工的觀眾，Ringmaster好感激我的幫忙，做完最後一場Show後，送了一件印有他的人像的Tee比我，真係好多謝佢！因為這份禮物連攪Show的Alec都冇架！

這是最有紀念價值的禮物

團長好高好瘦啊！囡囡更說他像一隻馬騮添～

幫忙影相那位人兄手震震添～　他是陀螺高手，雖然頻頻失手，但演出一樣咁精彩架！

玩自拍影得好核突啊！他在最初表演時，用鐵頭功撞爛了牆上的燈罩，幸好沒有受傷啊！第二天商場就把表演場上的掛牆燈全部拆走了～

大家睇表演時，一定會忽略了她，但我一直也有留意她的美妙歌聲，真係唱得好好聽架！佢仲好靚女添～　真係人靚聲甜

　　其實仲有好多表演者都冇單獨影相，皆因佢地要走了，個個都拿著一大袋一細袋咁，我唔好意思再打擾他們，唯有寄望他們下年再來表演時，早一點找他們拍過夠本吧！

　　對不起大家，我現在已不能常常上來了，因為囡囡今年要升中學，我要替她揀選學校，當然要做點功課啦！兼且電腦放了在囡囡的房間內，她做功課時，我便沒有得上網了！