補充工具
美股在2009年最後一個交易日的最後半小時跳水,三大指數下跌逾1%,杜指下挫120點至10428點;標普500指數跌11點至1115點,納指跌22點至2269點。羅素2000種小型股跌1.3%,VIX「恐慌指數」跳升8.6%至21.68。紐約證交所成交只有6.8億股,還不到全年14億股平均水平的一半。
港股美國預托證券偏軟,ADR港比指數收報21642點,比香港收市低230點或1.1%。匯控收報88.55元,比香港收市低1%;中移動收報72.01元,比香港收市低1.2%。不過今早亞洲市又好似無受美股2009年最後一個交易日急挫所影響,日股今早升1.1%,澳洲股市升0.3%。
總結上周美股,杜指跌0.9%,標普500指數挫1%,納指跌0.7%;全年計則分別漲18.8%、23.5%和43.9%,係2003年以來最大的升幅。
美股在2009年,主要由兩個市勢組成,由年初至3月9日係大跌市,主要股指下挫20至25%,其後就係大升市,杜指反彈59%,標普500指數更反彈65%,納指反彈79%。從VIX「恐慌指數」的變化,亦反映投資者情緒亦大起大落,VIX最高嘅時候係1月20日,指數去到57.39,全年計則下跌了45.8%。
金融股全年走勢強勁,杜瓊斯金融指數全年大升49.2%,跑贏大市。美國運通成為表現最好的杜指成份股,年累計漲幅高達118%,同金融股復甦有關。而最差嘅就係Exxon Mobil,全年累計逆市下跌15%,自然係受油價下跌影響。
標準普爾500指數中,有超過70%的企業的第二季業績超預期。科技類股是今年表現最好的類股。非必需消費品和材料類股今年也尤為強勁。電信和公共事業類股表現不佳。而XL Capital成為標普500指數成份股2009年的升市冠軍,升幅達到395%!
講番美股上周五市況,在經濟數據方面,勞工部報告,上周首次申請失業救濟人數下降了2.2萬人至43.2萬人,創了自2008年7月19日以來新低,更遠好過市場預期的增加3000人。上周持續領取失業救濟人數亦減少5.7萬人至490萬人。
Alan B. Lancz &Associates總裁Alan Lancz指出,許多市場人士早就預期就業市場正在改善。他表示,「市場對此早有預期,對宏觀經濟持V型反轉觀點的投資者認為牛市行情已經走了一半。但我認為如果市場進一步上揚,經濟數據必須持續好於預期。」不過好消息未能支撐美股,估計在最後一個交易日尾段,湧出一些獲利盤,大家都怕蝕底,就觸發了沽壓,並無甚麼太壞的基本因素。杜指期貨今早最新報10413點,比美國收市反彈了44點。
最後要提一提美國聯儲局主席伯南克在過年前的講話,佢出席美國經濟協會的會議時話,否認聯儲局過去的寬鬆銀根政策係呢次樓市災難的根源,佢話儲局的低息政策並非這個世紀地產泡沫產生的原因,反而更佳的監管或可以控制泡沫。
伯南克在2002年加入成為聯儲局成員,當時他還是一個學者,若果在格林斯潘主政聯儲局的年代,其低利率政策帶來美國樓市泡沫,伯南克亦責無旁貸。伯南克在演辭中解釋出問題的原因,是當時愈來愈多人用浮息按揭(以前美國人做按揭全是定息按揭)、又有好多只還息不還本的按揭,在低息環境下,這些按揭令供款大減,谷大房市泡沫。而這些按揭打包證券化後,「包銷的標準愈來愈低」(意指銀行好易把劣質按揭打包出售),催生泡沫。他認為聯儲局現在已加強對銀行的監管,以控制問題再生。
雖然伯南克咁講多多少少也有點缷責味道,但對聯儲局未來的利息政策也有啟示,雖然佢不排除貨幣政策係一種「補充工具」(Supplementary Tool)去控制泡沫風險,但佢話要小心從事,並知道這種做法有潛在困難。由此可見,伯南克未來仍然是睇住通脹和失業兩個數字做人,在通脹不高、失業率高企時,即使資產市場有出現泡沫的風險,佢都唔會加息去控制。
陸羽仁
陸先生
想請問下我想先價入23東亞得唔得? 我看好其中國發展生意, 但國浩對佢既影響係點呢而家? THANKS
陸羽仁覆網友
Muse:你有一堆陳年零碎的內房股,問重整換去世茂如何,我覺得可以,換入大股可以揸長啲。
Space ace:你話爸爸有筆110萬的退休金不會作投資,想代你還樓按,叫你供番俾佢,老人家已退休,投資保守啲係啱,你俾2厘幾佢已經唔錯,呢個安排幾好,唔好蝕錢俾銀行。
BBBeginner:以指數計,我估A股會好過港股啲。唔止話佢炒上時會高過港股,而係萬一資金外流時,防守力會好啲。
陸SIR:
手上有零碎的陳年內房IPO,合景4手,SOHO 3手,遠地2手。想重整,如果選取?或是全換到813?
陸sir,
我住緊層樓按揭仲有110萬到, 依家過左罰息
父親退休後有畢公積金攞番, 佢想話幫我還左層樓D錢, 然後我每個用改為供款給他
我話供樓得2.x厘, 不如買股票; 佢就話有D錢已經買左收租股, 呢舊錢(我估佢資產30%到)就算唔幫我還樓錢都唔會攞黎投資
唔知陸sir你有對呢個做法點睇?
謝謝
SpadeAce
陸sir,
1. 想請問你點睇今年A股既走勢?港股升得勁d定A股升得勁d?
2. 你覺得未來半年到一年應該投資系A股定港股呢?
thx
3800 保利協鑫能源 04/01/2010 收2.39 升0.07
保利協鑫能源於21/12見近期低位2.00回升,至29/12最高見2.42調整,今天為破腳穿頭轉勢訊號,圖形利好,量度上升目標約為2.84,及可能補回7/8下跌裂口3.2.
各位 早安!
1186 中國鐵建 04/01/2009 收10.16 升0.21
中國鐵建於18/12最低見9.5以破腳穿頭轉勢訊號回升,今天突破多月來高位所連上升阻力線,配合成交量增加,圖形利好,上升阻力為10.5,目標約為10.9.
踏入2010年,香港和內地股市都開唔到紅盤,結果下跌收場,內地更是5年以來首次新年收黑盤,雖然睇唔到乜嘢重大負面消息,不過感覺唔多「老嚟」。
港股2010年首個交易日缺乏方向,恒指收市報21823點,微跌49點或0.2%,成交只有485億元。
內地股市主要是金融股唔掂,尾段在保險、券商等金融股下挫帶領下,股指下挫,上證綜指收報3243點,跌33點,跌幅1%。
下午打電話俾經紀張,佢竟然瞓着咗,俾我個電話嘈醒,市況之靜可見一斑。經紀張抱怨「一月效應」未出現,佢望到頸都長,話如果有此效應,大市升吓,散戶自然有興趣入場,佢生意都旺啲。
基金佬年初再炒過
佢講開我又醒起股市傳統有「一月效應」的說法,呢個講法源於美國,因為美國投資買股有虧損可以扣稅,好多投資者會在12月沽出蝕本貨,以獲得扣稅額,在1月先至買番,所以會推動股市在一月上升。而且現代股市基金經理要交數,好似上一年升咗好多,基金經理到年尾就會放軟手腳,甚至借勢隊吓,望個市回番少少,因為佢哋已經收夠籌,唔想個市升得太高,到明年難交數。但到了年初後,又係一條好漢,頭幾個月炒番一轉造好上半年業績,這種心態亦造就一月效應的出現。至於今年係唔係咁,就要走着瞧啦。
不過睇番隻中石化(386) 就點講都無一月效應啦,的士大哥、小巴大佬話在中石化氣站入完氣後架車會死火,中石化話自己驗過無事,政府又驗唔出有乜問題,而家幾方面同意要搵幾架車做吓試驗咁話。查實咁多架的士、小巴話有事,點睇都似乎有啲問題,只不過𠵱家未搵到原因而已,雖然一般人相信係「劣質氣」問題,但工程界就懷疑係輸氣過程受汚染所致,只是局部問題,唔係專門出產劣質氣。
中石化昨日挫2.6%,收6.73元,成交8.8億元;中石化旗下的上石化(338) 亦跌1%。同屬石油石化類巨企的中石油(857) 卻只跌0.3%,可見中石化之跌多數同死火事件有關。雖然我覺得中石化的公關危機處理做得麻麻哋,但係佢單計H股上市部份都有1129億市值,昨日一跌已經唔見咗4.4億元市值,以中石化咁大家公司計,呢單「死火風潮」又係唔係咁大鑊,應唔應該對公司盤數有咁大影響呢?
死火潮危中有機
中石化是香港油氣市場的大戶,相信事件過後,的士、小巴大佬都係要返番去中石化入石油氣,所以唔易對中石化在港生意有持續影響;而且香港生意佔佢全年200幾億盈利好細部份,即使今次要賠錢,好誇張咁預計,1萬架車的士小巴每架賠1000元都只係講緊1000萬(我估就唔多似有得賠),亦係好細數目,點講都左右唔到中石化業績。所以呢個死火潮可謂危中有機,如果中石化股價再插深啲,不妨揸番少少短炒吓,博走一轉搵吓錢派利是都好噃。
全球最大的氧化鋁生產商俄羅斯聯合鋁業終於在去年底公佈了初步招股詳情。俄鋁計劃發行16.1億股,招股價為9.1至12.5元,集資額最高達201億元,並將於本月27日在港交所掛牌上市。俄鋁集資全部用於償還債務,可能未來三年將不會派息,證監會設置咗門檻趕走散戶,入場費要100萬元以上或被界定為「專業投資者」,才可認購。由於每手股數達24000股,即使以下限定價,上市後每手都要近22萬才有交易。我就話咁搞法貨源更集中,大戶仲易圍埋自己玩,小心佢哋掃高先至引大散戶入場接貨呀!
陸羽仁
769 中國稀土 04/01/2010 收2.2 升0.62
從週線圖看,中國稀土為大形頭肩底形態,今天以巨大成交量突破頸線阻力,圖形利好,如有調整亦為入市機會,量度上升目標約為3.42.
袋鼠都算係鼠呀?呵呵… 早晨噢,鼠鼠…
坐飛機可以攤平瞓覺,其實已經好好運啦!
Auramancer :細期1點$10,恆指現值21830 x $10 = $218,300,廿萬本都係無槓桿+低手續費買2800姐.
東邪
mkm兄,新年快樂,大家咁話 但有股票就新年快上噢!
(PS 你唔好屬鼠噢 )
飛哥:
鼠:肖鼠者本年運勢無吉星護持,不論財運及整體運氣均屬平平之列,尤其命局受到凶星「災煞」的影響,令肖鼠男女均容易因意外失財,女性更要小心血光之災,應盡量避免探病問喪,以免進一步影響命局,令運氣低落。
係咪要改名做 大鑊袋鼠 去化解佢呢?
照貓貓講,改做 大笨袋熊 都無得救…
Kenlai,考起我囉… 以下係我理解 - 始終唔在行,有好多嘢都係平時睇過評論再自己炒埋一碟,未必講得好清楚、詳細
息口應該要睇好多嘢,雖然短錢睇央行放水(有了利率目標,再按市場對資金需求而買入銀行資產派銀紙,及在銀行之間隔夜錢結算),長息用政府債券(指政局穩定而又信得過嘅政府),呢啲都可以用基本供求關係去解釋;只不過又要睇埋通脹預期 (同央行放水及政府發債有互動關係) - 尤其是長息。而且又有利息掉期衍生工具應該都會有影響。
上一段係講市場息率 (但細分幾多個/種資金市場就唔知),聽聞有啲經濟師同銀行打工賺好多錢就係練成水晶球齋睇息率。
有咗市場息率做基準,個別銀行又會再按自己資金需求,而再釐定息率,細銀行通常要比多一點息去吸引資金(包括存款)留低。當然,大銀行可能會利用存戶嘅信心有一個利潤溢價 (所以海嘯前好多年都話買滙豐股票好過存錢去佢度),但當然亦間唔中大銀行之間會競爭搶生意,對個別借貸、個別存款有優惠。
好似無答你問題… 所以在某程度上,銀行係按自己情況而釐定顧客存款、借貸息率,但會係和市場息率有掛勾 (- 所以在blog經常有網友問陸sir,按歇做Hibor抑或prime加或減幾多點子,加減幾多點就係睇銀行本身情況(與及個客嘅本身信譽和銀行關係))。
Obiwan, 請問你那資料在哪裡找的? 好像很方便查看
大笨袋鼠
謝 !!!
[Kenlai,正常計,假設銀行跟央行加息,一來對銀行來說應該係短錢資金成本增加,二來亦會減低借貸意欲做少咗生意,應該對銀行股不利。
只不過還有好多因素要考慮,例如加息亦可能係因為經濟好轉、趨強,即係加完息都仲有大把生意做。
可能還有其他考慮,但暫時係諗到咁多…]
這個我亦同意, 成本就算高亦可更貴借給人.
不過,我們在銀行的存款利率是否決定在銀行手中的呢? ie.多人存款或無人借錢就降利息呢 ?
fly:
不能說的秘密,只夠錢買一隻股﹗
henry
henry屍兄: 訓身買了什麼? 我都訓身買了廿隻股
成也槓桿, 敗也槓桿
Auramancer
學不到....
henry
Auramancer
已訓身買入個股,目標翻一番﹗
henry
Auramancer
我和你一樣,真失敗
回報100%
爽啊!可惜不是我
貓咪
coolgirl不記得了,可愛嗎
貓咪: 我都想, 不過牛一機會唔係成日有, 其實2009年, 只要敢買+敢揸到底, 勁過我既, 大有人在............
今年....有50%已經非常滿足了.....其實我今年只有信心賺20% only, 因市場上抵買既股票已很少了
loss_confidence(回歸股神),
2009年回報100%以上,
2009年回報100%以上, 2010年目標---> 50%
fly: 重生當然是舊人才能重生噢..
重生: 屍兄似乎是舊人
貓咪:
fly仔, 你自己 唱 得啦!
Push ...
貓咪: 來, 一齊唱...
我命犯天煞沽星 血本終無 放貨必升
老友有既貼士都不敢過問
橫財從來沒我份
龍頭橫行望隻Call輪有運
回頭又試插落無痕
再去買隻沽輪心中充滿恨
然而又轉好氣氛
為何明明像我這一個人
說我太蠢 想我愚笨
天煞弄人買親即是窮
頭上那顆沽星心上種
全部貨是滿江紅
全是遭被沽空
中國銀行為麼總是紅
全賴我這沽星手又碰
看了轉紅 斬了升龍
一買必紅
獨白: 呢輪又見業績近
問完阿沈問股神
點知又黎供股信
收到我知輸到暈
天涯身體重於一切...保重. 記得早前coolgirl 都因病少於在網上提供好資訊. 真有點可惜
天涯: 噢!
牛:09年經歷「太歲」星的影響,令肖牛者運勢起伏不定,閣下踏入虎年後運氣將明顯好轉,當中尤以一眾從事經常與人接觸的工作者財運特佳,其次籌辦婚事亦有助肖牛者提升運勢,因為2010將是閣下紅鸞星動之年!
熊: 踏入虎年後運氣將明顯好轉壞, 當中尤以一眾從事經常與人接觸的工作者財運特差, 其次籌辦婚事亦有助肖熊者降低運勢(離婚便可以轉勢.... ) !
重生兄
我也有破產的危機,疾病帶來的
屬熊: 閣下踏入虎年後運氣明顯轉壞,當中尤以一眾經常買入投機者財運特差 .重生是屬熊
貓咪
屬熊就是屬牛的相反,你參考一下
fly仔, 屬 熊呢?
Hi Myself
之前BBC曾調查過,發現較保守的人會唸two thousand and ten,但大多數人覺得twenty ten最好唸
btw, 美國人喜歡把twenty唸為twennie :)
myself: 2 thousand and ten
我命犯天煞孤星.........
虎年12生肖財運(上)
楊天命
鼠:肖鼠者本年運勢無吉星護持,不論財運及整體運氣均屬平平之列,尤其命局受到凶星「災煞」的影響,令肖鼠男女均容易因意外失財,女性更要小心血光之災,應盡量避免探病問喪,以免進一步影響命局,令運氣低落。
牛:09年經歷「太歲」星的影響,令肖牛者運勢起伏不定,閣下踏入虎年後運氣將明顯好轉,當中尤以一眾從事經常與人接觸的工作者財運特佳,其次籌辦婚事亦有助肖牛者提升運勢,因為2010將是閣下紅鸞星動之年!
虎:閣下來年「值太歲」,生活中的難關及挑戰難免較多,尤以36歲及48歲的肖虎者特別容易在虎年期間萌起創業及投資等等事業及經濟上的求變之心,閣下務必多向可信賴的人士請教意見,切莫作出鹵莽決定,另外亦可藉着貼肉佩戴「豬」形的肖像飾物,以達化太歲之效。
兔:肖兔者得到吉星「太陽」之助,男性事業得心應手,女性則易得男性貴人的幫助及正財之利,在虎年間宜攻不宜守!不過,由於受到凶星「天空」的困擾,令閣下易因投資、賭博及遺失財物而破財,奉勸肖兔者隨時打醒精神。
龍:肖龍者本年並無吉星護持,加上受到「天哭」及「月煞」兩顆主情緒波動的凶星影響,令閣下在虎年容易情緒低落,應提醒自己保持心境開朗,自然可以「運隨心轉」!由於運勢平平再輔以凶星「地喪」的影響,肖龍者本年應極力避免在家中動土,否則將招致破財及疾病等令家宅不安的意外。
蛇:肖蛇者今年「刑太歲」,不過根據天命個人研究,認為對運勢的影響不太,不過閣下仍可貼肉佩戴「馬」形的肖像飾物,以減輕太歲的影響。得到「太陰」星的護持,肖蛇女性在虎年的運勢特佳,男性則易得女貴人相助,不過由於受到凶星「貫索」的影響,令閣下命局容易犯上錢財不歸的問題,故應盡量婉拒別人的借貸要求,自然能減低破財機會。 (逢周一見報)
馬
肖馬者於虎年間得「三台」、「金匱」及「將星」三顆同主權力提升及貴人相助的吉星護持,雖無財星高照,但仍有望憑藉事業上的更上一層樓,繼而增進正財進帳,又或可從異性身上獲得有利投資的好機會。不過,由於命局同時受到是非及官非星纏繞,凡事宜忍讓。
羊
經歷09年「沖太歲」,肖羊者在虎年的運勢將明顯提升,同時更得大吉星「月德」之助,事業得心應手,身邊貴人亦能助你事事如虎添翼!財運雖受主破財的凶星「小耗」所影響,但與09年困擾閣下的「大耗」相比,前者實不足為患。
猴
肖猴者虎年「沖太歲」,同時更受到「大耗」及「歲破」兩顆主破財的凶星困擾,閣下務必小心因健康、家事煩惱及事業上的轉變或阻滯而招致大量的金錢損失,不妨在年頭及早接受洗牙或抽血驗身,應去災劫,或貼肉佩戴「豬」形的肖像飾物,以達「化太歲」之效。
雞
財運不俗,有望從「多勞」中獲取「多得」的進帳。命局雖受凶星「的煞」及「破碎」等等主是非、爭執及官非的凶星影響,但幸得「龍德」及「紫微」兩顆吉星高照,使問題最終也能迎刃而解,令肖雞者能享有運勢平穩的一年。
狗
受到「白虎」星的影響,肖狗者命局隱透破財的徵兆,其中尤要小心因疾病纏身而招致金錢耗費,也要提防在工作後勞而無功,甚或遇上欠薪的困擾。受到「華蓋」的破壞,閣下本年容易多愁善感,應多提醒自己要放開懷抱。
豬
肖豬者在虎年間得到「歲合」及「天德」兩顆同主藉耕耘換來收穫的吉星照耀,有望從事業上得到正財收入的提升,但由於命局受到凶星「劫煞」的破壞,閣下務必小心受到是非纏繞及破財,特別是單數月份,它的影響將更為張狂。
To myself,
應念twenty-ten
老一輩的人大多傾向念成two thousand and ten。
BBC發言人說:「節目錄製之前,大家一致認為twenty-ten是最容易發音的念法,但用其他方式來念也不算違規。」
source:http://hk.news.yahoo.com/article/091229/4/fvmh.html
其實今日曹sir 話microsoft 出左win7, 大獲好評
估計今年將多人換機
但好老實...我而家仲有好多客買機,係要求downgrade xp...
加上出面公司都無乜見話year plan換機...
究竟2010英文點讀?
Twenty and ten?
Two thousand and ten?
two-O-one-O ?
Twenty ten ?
這裡很靜的噢.....
2010新年快樂
新一年,新開始,努力了!!!
各位 2010 早噢!
陸sir & 各位, 新年快樂!!
各位博美早晨 & 新年快樂!!
大仙本周預測, 唔知中唔中呢?
本周二為「小寒」,周三已是「丁丑」月,此月天干屬火,地支屬土,火生土之局,乃對股市有利的月份,相信大市有望重展升浪。
本周的每日預測如下:
周一(甲寅日):天干地支皆屬木,全木之局對股市較不利,是日市況反覆向淡。
周二(乙卯日):天干地支也屬木,也是全木之局,大市仍有震盪,但卻是入市撈底之時。
周三(丙辰日):天干屬火地支屬土,火生土之局,丙火為用神,市況有望回升,走勢逐漸轉強。
周四(丁巳日):天干地支皆屬火,全火之局利好,大市出現回升之勢。
周五(戊午日):天干屬土地支屬火,火生土之局。仍是有利的日子,升浪將展開。