(河馬仔專欄)2月14日賽馬日分析

是日河馬仔心水選擇及賽果由看板娘---馬場樂子為大家報導:
(中第七場三重彩及第六,十,十一場連贏...)

第一場:

6.時時有機-上場起步唔夠快怒打之下仲要怒蝕位之下,雖然輸俾超到可能三班都有得贏之驍騎無敵,但佢都可壓住高鳴華忠寶之五班頂馬.今場雖然抽檔更劣,但講真其表現開始更加穩定,開季都係揀番隻好意頭的,睇下有冇機會配合一下2010國泰航空新春國際匯演出擊啦

是場心水:
6.時時有機-4.開心財星-7.算得妙-3.精靈拍檔

第二場:

1.永利多-雖然此馬唔多蝕得起位,亦都今次排檔都差.不過如果跑急彎排檔差就一定惡跑.而今次跑A跑道好多時排檔差都唔太驚.此馬總覺得留少少追會較跟前來得好.狀態在做完一個月之工夫後仍能保持,的確未能忽視

是場心水:
1.永利多-7.奇葩-2.雙辣-6.電子金麟

第三場:

12.名人-卓利先生騎此馬咁多場,總覺得係發揮欠佳.上次見此馬入直路後騎師推騎時食唔到力之餘仲要彊疆繩鬆,三百米一想打之下條鞭都唔知飛左去邊.當加速時又比智友撞到散,不過最後恢復過後追勢唔差.加程對此大大步之馬必定啱,獨驚騎者而已.

是場心水:
12.名人-2.芙蓉威龍-5.勁惑-7.包裝好友

第四場:

9.歡樂繽紛-上次初出仲係好肥之下蝕盡位之下都跑到對手都冇得跑,今次晨操踱步見爽,升班點計都唔多驚

是場心水:
9.歡樂繽紛-7.匯名燈-8.開心好多-1.六六精英

第五場:

5.強中傲-上仗一千明顯縑短之餘加上上次晨操時火氣仍有進步空間.結果此馬最後幾步才撲上來應證明到此馬會有一定實力.今戰跳上千四雖然有點嚇人,但睇此馬踱步順暢輕身而且充滿生氣,做首選都不為過.

是場心水:
5.強中傲-10.強駒-9.賞心樂事-1.確威星

第六場:

2.金津好-此馬上場留得後了點點,見到騎得有心意的但奈何只係發力較遲而已.晨操上次只是麻麻而已但今次再用柏寶發表揮應有保證,仲要今次快馬極多之下補中機高

是場心水:
2.金津好-1.雅雪-7.海王子-5.安御
(中連贏派$48.5)

第七場:

8.卓爾非凡-呢隻轉左倉,舊倉都算冇陰公.上仗直路起初唔太順,最後趕上來真係有如風捲殘雲.晨操拍飛躍王子真係話過就過,進步咁得人驚的話確是贏面高唱

是場心水:
8.卓爾非凡-3.勇敢小子-5.精彩-11.笑談中
(中三重彩派$1760.0,單T派$610.0,連贏派$45.5)

第八場:

8.魄力寶-上次同廐侶好日子一起狂追之下輸個SHORT HEAD而已,但及後好日子真係補得中,足證此馬真係跑得番.今仗仲要排檔好仲要晨操冇瘦到,都係好大機會補得中.

是場心水:
8.魄力寶-1.點心-4.君皇鷹-6.鐵拳

第九場:

7.美麗傳奇-雖然同主個隻會係擂台躉,但此馬上場冇遮檔轉彎走左一段最後百米才散尚算可以接受.雖然今場快馬都唔慌多,但排檔變好之下又可以有得遮,爭打比之路接近尾聲一擊有望博盡入圍

是場心水:
7.美麗傳奇-4.極品絲綢-1.締造美麗-3.金獅威將

第十場:

6.醉味-冇啦,上次狀態嚴重不足之下都能夠單憑本身實力走近虎虎生輝確係犀利.今次跑完一場十二號快跳兩段毛色深,鮮而且步大力雄.上次走左寶今次追寶尾都冇得唔要啦

是場心水:
6.醉味-7.加州滿意-12.富高勝-8.鼓浪天風
(中連贏派$67.0)

第十一場:

10.天瞳-此馬季初睇落細細粒真係唔多鐘意,但跑過幾場後真係慢慢變成大隻,的確上次在負重落確之下交出不錯之水準,但始終增程到千六更合.今仗強手實際唔多,狀態亦慢慢見到進步,應有唔少馬擺前走的話應是一路奇兵

是場心水:
10.天瞳-6.心中有程-14.國寶-9.大家開心
(中連贏派$104.5)