關於貓
2010/02/26 09:42:26 網誌分類: 生活
貓經常被拿來形容人的行為,但有的其實跟貓性格南轅北轍。 小時候在外面玩到渾身泥巴回家,阿媽會笑我是花面貓,拉着我去洗面,可是貓極愛乾淨,食完飯、無聊曬太陽都會自我清潔,說牠污穢,確是有辱貓格。 被人鬧,就是請人食貓麵,但貓根本就不吃麵,只愛偷腥。為食貓就較準確,事實上貓罐頭一出現,貓就失去儀態。 考試作弊叫做出貓?拿出一隻貓來,有用嗎?食死貓就是被冤枉了,可能是死貓一點不好吃,逼我吃,我也會叫屈。 樣衰衰時,人家會說:「睇吓你個貓樣。」貓樣不知幾靚,歡迎大家說我像貓。 關慧玲 |
catcat,
哈哈,貓晒,真係好好嘅形容,我學!!!
我都係wor...我直頭好想似隻貓貓咁,撻係度唔郁...
我返工時, 就會"貓晒"~~