舒服方程式
2010/03/05 09:42:39 網誌分類: 生活
| 貓貓在舒適的狀態下會舔身體，朋友的丁丁，卻喜歡舔自己手掌的肉球，舔到啜啜聲。 有母貓照顧過的貓B，都愛舔其他貓的肚子，丁丁是流浪貓，當牠大刺刺躺在人的臂彎時，就會伸直前掌，再放到嘴裏舔舔，之後再用力啜，彷彿在吃甚麼美食一般，整個肉球按實在嘴巴裏，連貓面都蓋住了。這一啜，可以啜上十分鐘，啜完左手再啜右手，直至舒服到眼神失去焦點，再悠悠睡去。 被牠躺住的人，自然也動彈不得。 每隻貓的舒服方程式都不同，我家紅豆愛舔人的手指，女皇Shane就愛人搔牠的頭，不過搔到最舒服處，卻會反過來Bite你一口。常幻想牠前世一定是隻黑寡婦，會把伴侶吃下肚子裏。 關慧玲 |
 | |
cat cat,
"相反要讚美佢及及鼓勵佢, 而我哋只可以做佢哋嘅跟得主人....善後"
" 如果你返到屋企一片平靜你先要擔心~~"
我覺得你實在超可愛 ! 將佢哋搗蛋嘅事美化得天衣無縫 !
在下實在自愧不如 ! 佩服 ! 佩服 !
bluepanda,
哈哈唔緊要啦，咁至獨特嘛?有無得睇吓幅作品丫??有幾多個貓腳印??
各位貓友﹐Hill's有個"管理貓狗體重防疾病"講座呀﹐大家有時間和興趣的話﹐可以去聽聽丫﹗
Cat Cat, 如果睇相口既話﹐蕃薯口既身形又唔似口窩﹐我唔會話佢知你講口左俾我知道佢口既秘密口既﹐放心啦。
cat cat, 9KG 可能真係重咗 d , 但都要睇返佢嘅體形同骨架比例 , 有冇問吓醫生蕃薯嘅身形幾重先至標準 ? 咁其他貓呢 ? 有冇超重 ?
你有冇買貓車 ? 如果冇 , 帶佢出街就辛苦 d 喇
關小姐and cat cat:
謝謝你們的回覆.因為先前沒見過他玩廁紙,所以我以為他一隻貓在家裡悶壞了.這幾天回家後都要善後......不過,可憐我的水墨畢業作品,被他弄得傷痕累累.........
bluepanda,
玩廁紙係每隻貓嘅強項, 我家Miu Miu試過走入廁所, 將成卷廁紙玩晒出廳, 然後當床咁瞓,因為佢覺得自己已經徵服了廁紙, 但你又唔可以因為咁樣而打佢鬧佢, 佢會唔開心而自閉, 相反要讚美佢及及鼓勵佢, 而我哋只可以做佢哋嘅跟得主人....善後, 有時我會喺廁所搵返唔屬於廁所嘅物品, 我知道又係Miu Miu所為, 所以你唔駛擔心, 如果你返到屋企一片平靜你先要擔心~~
Hi, Joe,
我唔介意話比你知佢有幾重, 但你唔好比佢知話你我講, 佢係一隻小貓嘅標準體重, 不過係.........熊貓....9KG, 醫生都過話What is this??? I say this is bear~~ &%#$#!*, 以上係蕃薯仔知道我爆佢大鑊之後, 對我所做嘅一切, 所以唔出得街~~
bluepanda,
廁紙或紙是貓心愛的玩具，我都試過成卷廁紙散落一地並碎成片片的壯觀情況，唯有跟在後頭善後囉。
Cat Cat﹐好耐無見過蕃薯口勒﹐睇口黎佢健碩口左唔少﹐如果唔介意口既話﹐我想知佢現在多重呀﹗我家貓豬唔經唔覺都升呢到 7 kg了。
請問各位貓友，我的貓貓一連兩日都嘔出貓糧和一些水，其他方面沒有異樣，要帶他去看醫生嗎？另外，不知怎的，他最近總是咬抓廁紙或卷筒裝的東西，如畫卷，我回到家一看，成地都係廁紙．請問是什麼原因呢？是不是太悶了？
Cat cat , 真係好襯噃 !
各位，這是女皇shane的新皇位，牠一個人霸住，心裡面只容得下一個豹紋袋，因為似佢。
關小姐 , cat cat
關小姐講得啱 , 要佢哋減肥談何容易呢 ? 就算 joey 依家有糖尿病 , 之前佢因為血糖未受控制暴瘦 , 擔心到死 , 但後來控制到又開始肥番 , 剛剛見佢長番 d 肉開心 d , 又話佢超重 , 又要減肥 , 你知佢唔舒服 , 梗係想佢有胃口食多 d 嘢 喇 , 驚佢唔夠營養嗎 , 佢肯食又唔俾佢食 , 好殘忍 , 有時見佢想攞食個樣好可憐 , 點忍心呢 ? 照顧佢哋係我心甘情願 , 佢哋帶俾我歡樂 , 我都想佢哋開心地過每一天 ....
所以 CAT CAT 幫貓貓撲糧係義無反顧 , 佢肯食就得喇 , 最怕佢哋唔食啫 , 有時會諗 , 佢哋生命中食嘢同瞓覺大過天 , 見佢哋開懷大吃 , 食完嘢洗面清潔跟住瞓覺 , 真係百看不厭 , 覺得完成咗當日嘅工作 , 其實我覺得只管盡量做 , 今日唔知明日會點 , 若果見佢終日愁眉苦臉 , 想食又冇得食 , 生活如此 , 活得開心嗎 ? 唉 ! 唯有好似關小姐咁講 , 睇緊 d 喇 !
catcat，
貓貓肥係會衍生好多問題，唯有睇緊啲。要貓減肥，又真係談何容易?
mtleung,
又真係十分麻甩喎，失禮失禮。佢應該好食好住囉，致會失咗儀態。
Hi, Joe
醫生話主要有機會係佢肥致令佢氣管收窄, 如果佢平時冇咩影響都唔會同佢醫, 因為醫氣管嘅類固醇會令佢越來越肥, 即係話如果佢玩得食得瞓得飲得各樣嘅話都冇問題, 首要條件係同佢減咗肥先, 最近迫佢食少咗嘢, 的而且確係少咗"ee聲", 至於能否達到醫生要求個level就唔會諗喇, 而家只會盡量即制佢食嘢就算喇, 而且佢算多運動量, 畢竟, 佢哋只有十多歲命, 佢已經六歲, 最後嗰十年我都想佢開開心心咁過埋~~
Hi! Cat Cat﹐我記得你早前提及蕃薯仔有"ee聲咁咳"和氣喘﹐看過醫生怎樣呀﹐無聽你再提及﹐所以慰問一嚇。
見到丁丁好自得其樂~! 其實每隻貓都有特別舔毛o既姿態, 我隻金金就比較麻甩咗dd
關小姐 ,
你估骰仔大定未呢 ? 個頭重大過米米 ? 身形重會唔會一路一路長大呢 ? 有冇 d 相係佢同米米一齊映架 , 我想睇吓邊個大隻 d , 佢隻手仔粗到做得我個仔隻手隻半 , 會唔會好快代替寶爺做貓王呢 ?
Cat cat,
貓選 ? 選咩呢 ? 鬥大個頭 ? 鬥大隻 ? 鬥多毛 ? 鬥大食 ? 呢 d 係佢強項 , win 梗喇 !罐罐金重要加 ?你要搵多兩份工先得喇 ! 終生貓奴制唔使要求喇 , 你已經係一個超級貓奴 , 不過都好嘅 , 推己及人 , 蕃薯自己好都希望大家好 , 啱嘅 !
虐貓嘅人點對 d 貓就點對番佢 , 斬貓貓嘅手就斬番佢 , 死 ? 太便宜佢喇 ! 貓貓一生冇咗雙手 , 要施虐者身同感受 !
sinsinho,
骰仔真係好大隻，貓頭比米米仲大，四隻手仔腳仔好粗壯，見佢咁健康，我等貓奴自心花怒放。
Sinsinho,
蕃薯仔最近出門口玩遊行, 想攪咩貓選喎, 又話要實行一屋兩貓制, 增加每月罐罐金, 貓貓沖涼非合法化, 加重刑罰至終生貓奴, 取消貓奴退休年齡, 每個貓主必需為終生貓奴, 回復死刑給虐貓人仕等...
關小姐 , 女王SHANE 同邊個 friend d 呢 ? 骰仔會同其他貓爺打架嗎 ? 佢咁大隻 , 好厲害 ! 不過佢好靚仔 , 紅豆喜歡他嗎 ? 其實黑色貓是否都比較大隻同強悍呢 ? 我想起芝麻糊呢 . 當然 , cat cat 嘅蕃薯就例外 .
caroline , 芝麻糊 , 魚魚 , 旦旦 好嗎 ?