守護神

2010/05/28 10:42:30 網誌分類: 生活

28 May

        都說阿寶對紅豆小姐最好，好得會以為我對紅豆不利時，奮不顧身保護牠。

        紅豆由於有一隻指甲內生，不定時剪的話會陷入甲肉裏導致發炎，但每次剪指甲，都像劏了牠一樣又抓又叫。為免身上掛彩，我會先用毛巾把紅豆成隻包着，再小心翼翼逐隻小手剪，可是牠鬼殺咁嘈的聲音，依然驚動了阿寶。

        只見牠跑過來，對着我叫了幾聲，再繞着我和紅豆行了一圈，似是警告我「好放手啦」，眼見紅豆仍在求救，牠忽然張口咬了我的手肘一口，不算很大力，但足夠令我手鬆一鬆，紅豆即從毛巾包裏逃出來。

        阿寶在貓之中只錫紅豆，每次牠認為老友有難，總是赴湯蹈火。當然，牠「襲擊」我的後果，是被我捉個正着，用毛巾包成木乃伊模樣，紅豆小姐卻在遠處施施然Lam手，沒打算來解圍；從來只有英雄拼死救紅顏，幾曾見過調轉的呢？

        關慧玲

回應 (9)

我要發表

關慧玲 2010/06/02 00:39:11 回覆

bluepanda，

從前我都有幫貓沖澡，用盆盛住溫水，貓會無咁驚，而且沖慣了會適應些，不過依家就會乾洗粉，順便幫牠們梳毛，佢哋好鐘意的。

2010/06/01 17:47:58 回覆

Bluepanda, 貓貓係可以洗澡的呢﹐不過真係要睇嚇自己隻貓是否怕水先得呀。我

口既貓豬係可以用水洗澡的﹐因我會帶牠會去街的﹐所以牠約三﹑四星期便幫佢洗澡一次呢。像我們自己洗澡一樣﹐用花洒沖身﹑搽沐浴露﹑再沖乾淨水就得

口勒。不過最好有兩個人一齊幫貓貓洗澡好D﹐因為一個人hold住貓貓﹐一個人就負責沖﹐如果得一個人口既話﹐就要輕輕綁住貓貓以防逃走嘛。

2010/05/31 13:48:04 回覆

Bluepanda,

如果水洗唔Work. 試吓用沖涼粉末呀. 不過記得要盡量擦走粉末. ${#icons_cat9}$

2010/05/31 12:44:07 回覆

紅頭小姐對阿寶有難以抗拒的吸引力啊!

阿寶真有義氣呢!

請問各位, 貓貓可以洗澡的嗎? 怎樣洗呢? 我用濕毛巾同貓貓抹身咋, 佢已經鬼殺咁嘈啦.......

關慧玲 2010/05/29 12:45:54 回覆

littleduck,

係丫，好似我殺佢全家一樣，每次都似打仗。哈哈。

2010/05/29 09:42:28 回覆

關小姐,

想起同貓剪指甲, 要做好多事前功夫先至剪到兩三隻指甲, 還要兩人合力一個抱一個剪, 兩隻貓都要分開兩日剪, 重慘過奏仔。

2010/05/28 16:18:22 回覆

以前只有亞 B會為剪緊指甲既芝麻糊打氣加油, 因亞 B 從來剪指甲都不會亂動, 好定的, 但芝麻糊就由頭叫到尾, 仲會出爪出口 .... 呢個時候亞 B 就會二話不說咁坐响我地隔離望住, 有時仲會對住芝麻糊講兩聲話添, 果陣時芝麻糊就會定少少架喇 !!!

不過依家雖然無亞 B 係度打氣, 芝麻糊反而仲定咗, 但都要你快手先得, 仲要你一路同佢剪一路同佢講 : 你依家係大家姐喇, 要乖 d, 唔係細妹(魚魚 & 蛋蛋)會學你架喇 ..... 但當然, 都會有掛彩既時候 !!!!

輪到同魚魚蛋蛋剪既時候, 芝麻糊一陣風咁 ..... 走先 !!!! ${#icons_cat10}$

關慧玲 2010/05/28 15:56:18 回覆

sinsinho 28/5/2010 11:07:50

關小姐 , 呢個情境令我想起我家阿寶同妹妹 , 一樣嘅情況 , 一樣嘅情境 , 可惜的是 , 此情不再.... , 現在只剩下寶寶一個孤伶伶 , 我有時在想 , 他還記得妹妹嗎 ? 一個曾經寸步不離 , 日夕相對 , 與他一起成長嘅伴侶 ...... ${#icons_cat5}$ .

可惡嘅庸醫 ! 殺人兇手 ! 我永遠忘不了...... ${#icons_panda27}$

2010/05/28 10:58:17 回覆

米米媽:

雖然從來只有英雄拼死救紅顏,無話會掉番轉,不過咁都睇得出,動物都有動物既義氣,雖然你比阿寶咬左一啖,不過佢之後都比你捉住左,無得走,算係打個和啦...haha

守護神

網誌分類

已關注

最新網誌

最新回應

月曆