雪糕盒有機關??????

2010/05/18 12:41:36 網誌分類: 未分類

18 May

貓爺們很喜歡雪糕的味道，圍著吃完的空盒猛嗅。

${#IMG_1212eat1.jpg}$

骰仔趕走了小襪，獨霸武林，但他的食相吸引了真真。

${#IMG_1215eat2.jpg}$

有機關......

${#IMG_1216eat3.jpg}$

食得太高興，貓頭被卡住了!!!!!!

${#IMG_1217eat4.jpg}$

骰仔中招撤退，傻真真執二攤。

${#IMG_1220eat5.jpg}$

又中招!!!!!!!!!!!!!!!!!!!!!!!!!!!!!!!!!!!!!!!!!!!!!

${#IMG_1218eat6.jpg}$

回應 (70)

我要發表

2010/06/16 18:56:51 回覆

sammisp821,

咁耐冇消息嘅 ? 個孫仔點呀 ? 嫲嫲 !

洗過龍舟水 , 衰氣走晒喇 ! 搵到好工未 ?

關慧玲 2010/06/08 23:26:05 回覆

TP03,

哈哈唔緊要啦，呢啲係我等貓奴常遇到的SURPRISE呀，俾啲耐性，佢一定感受到。

2010/06/08 10:48:05 回覆

tp03,

呢 d 情況時有發生 , 如果你係關小姐嘅 fans , 你睇返之前 "禮物" 個 topic , 就知道呢 d 係一眾貓奴生活嘅 "必需品" , 你嗰d 只不過 "小禮物" , cat cat 收嘅可是 "大禮物 " 呢 ! ${#icons_cat10}$

2010/06/08 00:14:46 回覆

sinsinho

鳴鳴~~個日諗住佢開始大膽可以出下黎見人,咪試下將佢個使盤由我房移出廳 (等我唔使晚晚對住佢d便便訓覺咁慘)個衰囡早上都勉強同你去左一次便便, 咁我地又諗都ok啦~肯去便便, 點知晚上就出事喇~話說個一晚我又夜返, 我d屋企人又習慣早訓, 咁就有一個鐘時間係"冇皇管時間", 個衰囡就出黎發脾氣係我張床上而小便啊~!我返到先見到都唔知怒唔怒佢好 (又係自己移過佢d野在先架嘛~!)攪左一大輪即刻拿拿淋將個便盤放回原位.....好在佢都乖乖係返便盤呵......下次都係唔好亂黎喇~~~!

2010/06/07 18:53:04 回覆

tp03,

小寶有冇新進展 ? 開始嗲你未呀 ? 女皇 shane 都俾關小姐溶化咗 , 睇吓你幾時有好消息呢 ?

2010/05/31 14:50:59 回覆

tp03, 罐頭點包住 d 藥呢 ? D 肉一舊舊將粒藥填入去呀 ? 佢一啖食咗 ? 唔使咬咩 ? 一咬就知喇 , 而且聞到架 , 唔通 d 藥係無色無味 ? 定係佢食嘢好似餓鬼咁 ? 實在奇怪呢 ?

2010/05/31 14:16:22 回覆

關小姐, sinsinho

我尋日係寵物店買左個隻叫"PROGMXXX"嘅口服虱藥,(我搵左好多間舖問都係話得呢一隻牌子) 返到屋企開左先知佢唔係丸狀而係奶白色乳狀, 心諗:死喇!點算好!重要份量都唔係少架!

好在我地用左大約3份1個罐頭包住D藥, 佢就同我大口大口咁食左喇.....好似冇事發生過咁.....哈哈!

2010/05/31 11:21:43 回覆

tp03,

叻喎 ! 恭喜晒 ! 等我重鬼咁擔心 , 係呢 , 我都想知你點餵 ? 佢唔發覺咩 , 都唔知話佢蠢定話佢乖 , 我班大帝一聞到有唔妥就唔食喇 ${#icons_cat4}$ .

佢咁細好似要食杜蟲藥架 , 睇吓佢幾重 , 記得要依份量食 , 唔可以太多架 ! 希望每日都有你嘅好消息 , 一日比一日進步 , 遲 d 小寶跳上你大腿瞓覺添 !

有冇相片 ? 好想睇吓你個小寶公主呢 !

關慧玲 2010/05/31 10:48:02 回覆

tp03,

咁堅?真係好消息喎，你用咩藥?點餵佢??

2010/05/30 14:49:50 回覆

哈哈~!好消息, 小寶將d杜虱藥連罐頭唔使5分鐘就同我食得乾乾淨淨~~

2010/05/29 10:34:10 回覆

tp03,

咁咪好囉 , 小寶咁乾淨 , 又唔會亂食嘢 , 唔通你想佢係污糟貓 , 垃圾貓咩 ? 好多人恨都恨唔到 , 貓有自己個性 , 你唔可以強迫佢去改 , 佢肯改當然好 , 唔肯的話就由他囉 ! 你愛佢就要包容佢 , 不過我相信你好快會甘心俾小寶俘虜 , 加入我哋嘅行列 , 做一個快樂嘅貓奴 ${#icons_cat9}$ !

"都要接受佢係我家人，只係一個比較唔合群嘅家人"，

關小姐 , 好欣賞你呢個態度 , 好藉得大家學習 ${#icons_cat10}$ .

2010/05/28 23:13:51 回覆

sinsinho;

貓貓其寶叫"小寶"...佢真係當自己係寶架~!食野識簡貴糧食....飲水要飲煲過嘅水 - 耐左有塵污染左都唔飲, 要等你換左再飲 (攪到我餐餐佢一食完就要同佢洗乾淨換過曬先得)不過乾淨d對佢身體都好d...去便便就一定要個便盤乾乾淨淨先得, 如果佢之前去左你又未幫佢清理, 而佢又急到隱唔住(例如慢慢長夜)佢就會發脾氣將d沙好用力咁撇曬出黎...

你叫佢咩靚女, 乖女, 淑女都係一樣唔理你, 我諗佢係想做"港女"多d....

咁樣唔係衰女係咩啊~?!

2010/05/28 14:46:32 回覆

tp03, 佢咁叻呀 ! 咁每次餵罐仔咪服侍大爺咁 ? 一啖食完先一啖 , 好有儀態喎 , 淑女一樣 , 但我想問, 佢真係叫 "衰女" ? 可唔可以改名 ? 佢唔睬你哋 , 可能唔鍾意呢個名噃........., 試吓淑女, 靚女, 乖女 , 睇吓會唔會好 d ?

2010/05/28 13:45:50 回覆

sinsinho

哈哈~!我個衰女都唔係話食就食架~如果你較唔岩罐頭個份量佢一樣唔同你食, 秘訣就係要佢一口可以食完, 如果一口食唔完D藥就一定同你完好無決咁係返度.....可能因為佢重係怕有人會親佢食野個時捉佢, 所以每次食罐頭野都係大口大口咁食, （我諗除左夜晚係我房食乾糧個時會慢慢黎之外）

2010/05/28 13:05:38 回覆

tp03,

祝你好運喇 , 我班大帝知道有異物混入糧食就會用手仔"爬吓爬吓" 個地走咗去 , Joey起初都係咁 , 每次餵藥打針攪足個幾鐘 , 自從我同佢解釋咗 , 氹咗好耐 , 依家好乖喇 ! 有時都有小小扭計唔肯 , 但氹吓佢 , 讚吓佢乖都勉強可以 , 畢竟日日要打兩次針, 我都心痛呢 !

只要你同佢再相處落去 , 就會發現佢更多優點 , 可以覆蓋佢所有缺點 , 放心喇 !你對佢付出愛心 , 佢一定感受得到 ${#icons_cat8}$ ! 等你好消息 !

2010/05/28 12:45:30 回覆

係冇辦法之下我諗都要暫時試下口服杜虱, 因為好難得佢依家"自由行"得咁過隱, 我都唔想影響佢......我惊佢又唔出黎啊~! 不過佢就真係好大食, 但又唔為食喎, 正一"高逗貓" 哈哈

關慧玲 2010/05/27 23:44:19 回覆

貓人對貓的百態都上心，又難怪tp03咁擔心，不過如果佢無出過街，之前又杜過一次，都應該ok嘅。試吓同佢有距離地相處一排，佢見你唔緊張捉佢，會慢慢建立對人的信心，話晒係街貓，戒備心強係必然的，俾啲耐性。

我養咗miumiu都有好幾年，佢依然係唔俾我捉住，剪指甲食藥都俾佢抓花晒，但點呢，都要接受佢係我家人，只係一個比較唔合群嘅家人，當佢心情好時，會自己送上門來挨一陣，想摸吓佢佢又走咗，係咁架啦，我哋一介貓奴主人，要接受佢哋係咁有性格囉。你的貓貓一定會感受你愛佢嘅。

2010/05/27 19:12:17 回覆

Caroline , 好耐冇你消息喇 ! 好掛住芝麻糊 , 魚魚 , 旦旦呀 ! 佢哋好嗎 ? 芝麻糊減肥成功嗎 ? 有冇相呀 ?

你講得啱 , 每個貓性格都唔一樣 , 我小米細個都唔鍾意人摸佢 , 心情好咪俾你摸一陣 , 心情唔好你千萬唔好攪佢 , 又抓 , 又咬 , 隻手有條疤痕7 , 8 年都唔退呢 , 都唔係講笑 , 佢個樣蠢蠢哋 , 好 cute 架 , 睇佢唔出 , 但佢係完全唔認人 , 唔 like 就開拖 , 阿媽都冇面俾 .

tp03 , Caroline 都有道理架 , 其實貓嘅神經線比較少 , 所以有小小傷都好忍得痛 , 所以你話佢痛到成晚叫佢已經係好痛喇 ! 咁大個女都未試過咁痛 , 你話佢會唔會對你哋有介心吖 ? 佢唔識架 , 只知道俾你哋捉到又要再痛多次 , 唔驚就奇 ! 不過你話佢肯食藥係病嘅時候 "矇矇哋" , 但佢依家唔係噃 , 咁精伶 , 會唔會上當呢 ?

2010/05/27 18:25:44 回覆

Hi !! 大家好, 好耐無上黎探大家喇 !!

關小姐, catcat, sinsinho 等等貓友好嗎 ??

tp03, 我睇過大家既留言, 我反而覺得依家唔係諗貓貓有無虱既問題, 而係貓貓同你 & 你屋企人既關係問題 !!! 話晒人地响街生活開, 自由自在(响好方面諗!!), 點知一黎到床都未瞓暖就要捱咗11兩刀, 依家仲日日夜夜有人想捉自己添 ......, 比我都收埋自己啦, 況且貓貓根本就係怕生的動物, 點都要比 d 時間大家既, 你睇吓關小姐收咗新貓返黎都要比大擔心機出黎架啦 .........當然, 有 d 貓貓係天生孤獨精, 唔係個個都係米米咁 open mind, 咪由佢囉 !!! 到咗大家關係好咗既時候, 再諗杜虱果陣都易話為吖 !!!

2010/05/27 18:16:25 回覆

sinsinho:

同個衰女相處咁耐我完全同意架~!不過佢好乖, 重未同我屋企"大返新", 係去便便個時將d沙大大力咁正曬出個便盤要我成日掃~~

有一樣抵讚佢, 就係佢好病個時好蠢咁只要用罐包住粒藥佢就會一口唔覺唔覺就食左架喇~

2010/05/27 17:36:53 回覆

tp03,

唔好咁喇 , 你都係一個大好人嚟 , 唔係你都唔會收留佢喇 , 佢咁細個 , 俾多 d 時間佢 , 慢慢教 , 佢會知你對佢好架 ! 我等一眾貓奴也不是每日都等待主子寵幸呢 ? 試問邊個未試過貓砂 , 貓糧缺貨四圍撲 , 班大帝抓爛沙發 , 傢俬 ..., 各式 "大" , " 小" 禮物 , 重有唔肯食嘢時開到雪櫃一罐 , 二罐貓罐仔呢 ?

2010/05/27 16:13:15 回覆

sinsinho;

我地真係好可憐架, 我地供佢食供佢住但就連毛都未摸過啊~~依家能見佢全相已經係萬幸喇~

2010/05/27 16:01:02 回覆

關小姐:

我諗唔得喇~~之前佢受傷個時我地已經放籠放左成十幾日喇~佢開始都OK架~但之後就唔得喇~佢已經好唔開心成日想搵方法出籠, 我重因為要幫佢楂藥水而攪到到睇急診洗傷口而家成個月D巴痕都重係度啊~~

而且自重放左佢自由行之後就跟本捉佢唔到.....點算?

我諗可能重未有虱掛, 因為埋唔到身睇唔到啊,所以先好擔心.....

關慧玲 2010/05/27 15:16:29 回覆

tp03,

如果係咁，不如先放籠裡，限制牠的活動空間，待牠習慣被熟悉的人照顧，再想方法在頸滴藥(用p***gr*m啦唔錯)，一係找朋友幫手，用毛巾包實手腳，再滴，看看如何?當然你有可能掛彩，但如果係擔心，都無計，牠現在身上可有見到"室"????

2010/05/27 14:25:09 回覆

sinsinho:

個"衰女"個名一出世就已經有人咁叫佢架喇~都聽左6個月喇~依家先黎扮唔識?!打佢pet pet 啦~

2010/05/27 14:22:31 回覆

tp03,

咁佢真係摸一吓都唔得 ? 如果襯佢食罐仔時摸佢條頸同佢滴頸就最好 , 如果唔得就試口服藥先 , 唔肯食先再諗 , 屋企還有其他貓嗎 ?

2010/05/27 14:03:38 回覆

sinsinho;

我都知道, 但依家就係煩緊杜虱問題啊~我重唔可以由佢正到成屋都係貓啊~而且對佢都唔好啊~

2010/05/27 14:02:41 回覆

tp03, 原來只係相處咗一個月咋 ! 好難怪佢 ! 可能未習慣 , 未識聽自己個名 , 佢自己會出嚟行已經好叻 !

照顧佢哋要有無比愛心 , 好有耐性 , 重要包容 , 你如果你係關小姐嘅 fans 就知喇 , cat cat 重不時會收到 "大" 禮物添 ${#icons_cat2}$ .......

2010/05/27 13:42:43 回覆

tp03, 唔好咁話佢喇 , 佢係自我保護意識強啫 , 好多街貓都會 , 一定要俾耐性 , 我小米養咗 9年, 一樣咬我 , 抓我 , 佢最乖就係佢唔舒服嘅時候 , 所以我情願佢惡 , 見佢肯食 , 肯痾 , 肯瞓就得喇 , 只要佢身體健康 , 行得走得 , 其他都唔重要 .

有經驗嘅貓友有咩問題 ?

2010/05/27 13:30:21 回覆

sinsinho:

貓貓黎左屋企一個月咋~~岩岩開始個時除冇人/ 全家訓曬覺, 佢先會出黎食野同去便便, 依家好d有人個時都會做下"路人甲", 但我地無論點叫佢, 佢都當我地無到, 又唔會出聲叫下 - 但絕對唔係啞巴, 之前因為傷口痛, 可以叫足一晚唔停架!

2010/05/27 13:22:41 回覆

sinsinho:

貓貓之前係我屋村嘅街貓, 我有d朋友睇住佢出世同一直都有餵開佢, 所以都知佢係好細膽.....

之前做手術因為爆線同有感染情況出現所以要做多次手術切左d壞肉....我係因為貓貓出左事先識有經驗嘅貓朋友....可惜.....如果一早識, 我諗我都唔會收養一隻咁惡嘅"衰女".....

2010/05/27 12:50:47 回覆

tp03,

你講到佢咁惡 , 實滴唔到頸喇 , 養咗幾耐呀 ? 係咪流浪貓 ? 就算放藥入 d 糧度 , 佢都要肯食先得架 , 俾 d 耐性 , 佢知你對佢好就唔會咁惡喇 , 不如你試吓一, 兩日唔擺長糧 , 或者放少 d , 放工返嚟先再餵佢 , 等佢知道你返嚟就會有嘢食 , 佢哋係好膽小嘅動物 , 但只要佢對你放下介心 , 就會好嗲 , 好乖 , 俾心機 , 唔好放棄呀 ! 試一, 兩日吖 , 如果佢咁都唔肯出嚟先再算 , 但水就一定要長放 .

點解絕育要捱兩刀咁慘 ? 你唔請教你嗰位有經驗嘅貓朋友點照顧佢 ?

2010/05/27 01:07:04 回覆

關小姐:

可能之前我唔係好識養, 一返黎就帶左貓貓去做絕育(貓貓已經6個月係女仔黎架), 但點知又搵著個唔好嘅醫生結果貓貓要捱左兩刀先好, (因為到最後我同屋企人都攪佢唔店, 要俾有經驗嘅朋友照顧左一段時間,到佢傷好返先接返黎屋企)就係咁佢由本生已經好惡, 到依家都係對人好惡, 只要你行近佢就會出手打你,同露曬牙仔咁.....好惡死, 所以我地都只可放長糧同一見有屎尿就清理...其他咩都做唔到啊~所以帶唔到佢去睇醫生架~!

我有見到市面有口服杜虱藥,但唔知會唔會對貓貓有害?同有冇效?邊一隻牌子好?

關慧玲 2010/05/26 23:57:27 回覆

tp03，

有隻滴在貓頸的杜室藥，都幾有效，一般寵物店有售，但如果年紀太細的貓b，就不建議用，牠可以帶出街睇醫生嗎?俾啲耐性佢，你每日餵佢食嘢幫佢剷屎，佢會知道你對佢好，總會俾你接近架。

關慧玲 2010/05/26 23:54:33 回覆

咁，大家鍾意我叫米米媽?真真媽定骰仔媽好???哈哈。

2010/05/26 22:03:10 回覆

sinsinho:

係wor,米米媽個全名,真係長過萬里長城... ${#icons_cat2}$

2010/05/26 19:11:08 回覆

sammisp821,

關小姐又點止係米米媽 ? 紅豆媽 , kidd媽 , 骰仔媽 ...... 厲害哩 ! 萬里長城咁長. ${#icons_panda23}$

2010/05/26 17:54:17 回覆

關小姐:

我想問有冇一d俾貓貓嘅口服杜虱藥可以介紹啊~因為本人岩岩收養左一隻街貓一個月, 之前岩岩返黎個時就有朋友幫忙杜左虱, 但依家因為放左佢係屋企自由行就完全冇法行近貓貓, 夾硬捉佢又怕會出事 (因為貓貓超細膽),但又怕d虱藥藥效已過,所以都一直煩緊唔知點算...請問如何是好, thx!~

關慧玲 2010/05/26 15:51:08 回覆

sammi821,

哈哈，米米媽，呢個名都幾好。

2010/05/26 12:20:23 回覆

sinsinho:

係呀,我依家都係慢慢搵梗,我今朝早出左去搵d短期course睇下,因為如果岩既話就讀下先,急都急唔黎...財不入急門,我當然明白啦...haha, 岩岩我先揍完孫,不過日頭佢地要訓覺,我都係抱左佢一陣咋,佢一上手就係我掌心訓覺...好似仲舒服過攬住阿媽囉...

我都有休息,唔會攞自己健康黎開玩笑既..放心啦

2010/05/26 11:09:54 回覆

sammisp821,

身體要緊 , 唔係點作戰呢 ? 揍吓孫仔先喇 , 財不入急門 , 急亦不在一時 , 祝早日康復 ${#icons_cat1}$ ! 再戰江湖 ${#icons_cat9}$ !

2010/05/25 22:54:43 回覆

sinsinho:

好開心呀,多謝你地...我有d作感冒,真係唔想休息都唔得...我都有揍孫,佢應該對我既氣味熟悉左,我依家打開個籠抱佢,佢都無閃開,真係安慰... ${#icons_cat2}$

2010/05/25 16:10:25 回覆

sammisp821,

正如關小姐話 , 祝早日搵到好工 ! 俾自己休息一, 兩日 , 揍吓孫仔先 , 再全力出擊 , 希望你一擊即中 ${#icons_boy9}$ !

2010/05/25 15:56:54 回覆

多謝你既支持呀,米米媽...即係關小姐,..haha

關慧玲 2010/05/25 15:45:13 回覆

sammi821,

加油加油，好快就有好工。 ${#icons_cat4}$

2010/05/25 14:55:27 回覆

sinsinho:

龍貓仔有幾種叫聲,我唔識形容你聽,不過好多時佢地o傑o傑叫,我問過寵物店呢d叫聲代表咩,佢地話呢d係話比人知佢地好悶...haha...笑死...

佢地好似狗狗貓貓咁,你只要用野食黎引佢地,好似訓練狗狗貓貓咁,比佢食之前就叫佢個名,叫得多,佢地就會知你地叫佢架喇...

係呀sinsin,我今日比人郁左喇,我依家係屋企,雖然我預左,我仲以為下星期一添,放心啦,我無唔開心,因為心理準備一早有,仲一早執晒野走,同事們都認為我係光榮引退,haha....

關慧玲 2010/05/25 14:40:49 回覆

sinsinho,

哈哈，貓係傻的。

2010/05/25 13:34:26 回覆

關小姐 , 唔知重有冇第三個中招呢 ? 其實真真已經見到骰仔係咁 , 唔明點解重會 " 椿 " 個頭入去咁攪鬼 !

sammisp821, 龍貓仔點叫架 ? 我未聽過呢 ! 原來龍貓都識聽自己個名 , 我依家先知 , 我見親佢哋都縮喺個冬菇度瞓覺 .

2010/05/24 22:12:07 回覆

sinsinho:

我屋企無養貓貓,不過就有2隻龜龜,依家多左個新成員,仲3代同堂添呀...我(麻麻),tiger仔同佢阿爸阿媽...haha..其實我之前未諗得通,都滿口怨氣,覺得唔公平,不過依家得你地支持,我又開心左好多,如果我唔開心,反而中左d衰人計添啦,咁點解我要唔開心o者....放心啦,我會努力面對,一有好消息話你地知...

龍貓仔不論大隻定bb,佢地d毛都好滑架,不過就隻隻既性格都同人一樣唔同,有d嗲d,有d貪玩d,由細細個叫佢地個名,好似叫狗狗貓貓咁,佢地真係會知你叫佢地,每日放工返屋企,佢地一見到我行過,就會好似啦啦隊咁企晒係度,知唔知點解? 因為佢地知我會餵佢地食野先囉...haha,佢地真係好得意架!

2010/05/24 19:05:47 回覆

sammisp821,

Tiger 仔好得意 ! 咁細個真係要好小心呢 ! 我之前有個朋友養過 , d 毛好似皮草咁滑 ! 在此祝佢身體健康 , 快高長大 !

好開心你可以明白到呢個道理 , 好多人只會滿口怨氣 ${#icons_panda27}$ , 開心又一日 , 唔開心又一日 , 我相信你嘅選擇係正確嘅 ${#icons_cat9}$ . 凡事退一步 , 海闊天空 , 大家都等你嘅好消息 !

你家裡有貓嗎 ? 若果有 , 佢哋點對 tiger 仔 ?

瀏覽更多回應正在載入...

雪糕盒有機關??????

網誌分類

已關注

最新網誌

最新回應

月曆