歐美磨擦
美股維持不能連升兩日的「習慣」,昨日亦無出現第二日上升。美國4月份批發庫存銷售連續第四個月增長,聯儲局最新發表嘅褐皮書亦話經濟有溫和的增長。經濟數據理想,加上聯儲局主席伯南克在國會聽證會發功唱好,美元回軟,美匯指數跌穿88水準;黃金白銀等貴價金屬價格下跌,8月份期金更即時跌價逾1%至每安士1230美元下方。
美股早上表現強勁,杜指更一度收復萬點關口,以為可以飲得杯落。但德國總理默克爾午後發表退市言論,話現在已到退出政府刺激措施的時機,德國必須從債務危機中吸取教訓,美股開始腳軟。英國石油(BP)因為漏油事件影響股價再急跌,拖累油股,令美股走勢急轉直下,杜指從高位滑水140點,萬點得而復失。
杜指收市報9899點,倒跌41點,標普500指數挫6點,收1056點,納指跌12點至2159點。杜指期貨最新報9899點,與現貨平水。大市交投暢旺,紐約証券交易所成交增至17億股。
港股美國預托證券個別發展,ADR港比指數收報19593點,比香港收低24點或0.1%。匯控收報71.4元,比香港收市低0.6%,中移動收76.37元,比香港收市高0.2%。
有交易員表示,德國總理默克爾評論令市場感到恐懼。這種言論尤其係出自德國這個歐洲最強大的經濟體的領袖之口,更加凸顯了歐元區問題的嚴重性。Madison Williams股市交易員Matt Harris表示,「這些天以來,只要有人提醒說歐洲債務問題很嚴重,哪怕它早已經是衆所周知的事,都能使市場情緒惡化。」由此可見市場人心如何虛怯,有乜風吹草動,即時起錨走人。
歐洲推出1萬億美元救市方案,出招後多個負債沉重歐洲國家的國債CDS(等如債券保險)價格都大跌,顯示市場相信這些國家在歐盟救市方案支持下,已經不會違約,所以CDS才會大跌。既然係咁,點解歐洲局面好以搞來搞去都搞唔掂? 有人話各國政府手法笨拙,所以經常搞出事。
我就話做得政客,無理由咁笨,佢地唔係笨,只係唔齊心,個個顧住自己國家,個個顧住自己選民的看法,所以要講對自己連任有利的說話,唔理呢啲說話可以引起市場恐慌,好似匈牙利新政府亂咁講,只係為咗踩上任政府,同時推卸自己對選民的承諾。又好似德國總理默克爾咁,而家大家擔心歐洲唔掂,佢就來講退市,表面睇好似好無厘頭,但你放在早前G20開會的框架去理解,就知佢想講乜。美國財長蓋特納在開G20會議時叫一些負債少的國家,如德國、日本以至中國,不要過早退市,要花多啲錢,以支持全球經濟復甦。
默克爾咁講,係講俾美國聽,你唔使旨意叫德國花多點錢買美國貨,佢地亦會反對其他歐洲國家花錢,佢地要減赤字減債,唔係增加赤字。默克爾咁想唔出奇,佢唔同意蓋特納的建議,可以唔做,但亦可以唔出聲,但佢要講出口,就唔止想講德國的立場,而係話歐盟其他國家都應該咁睇。歐盟單係歐元區國家都有10幾個,要個個步調一致,談何容易。而家美國亦的確弱咗,不但指唔郁中國,就連歐盟都唔係好聽佢枝笛。
英國石油(BP)因墨西哥灣漏油事件亦困擾著美股,BP蒙受巨大虧損,而家話美國國會議員可能支持6000宗向BP的索償,唔知點收科。BP過去股息一般都有超過10厘,係高息股,未來BP可能會用股息支付索償,變無息股。但市場在想更壞的情況,可能有人入禀申請 BP破產,佢在美國的分公司可能會摺埋。BP美國預托證券昨日被狂質,股價大瀉15%。
另外,聯儲局昨日公佈褐皮書報告,在過去兩個月時間裡,全美各地區的經濟均繼續實現了溫和增長。「所有12家地方聯儲所在地區的經濟活動都較上次報告時有所改善,但許多地區經濟增長速度是溫和的。」其它內容與4月14日公佈的上一份褐皮書沒有太大不同。雖然經濟大多數方面都顯示出了正面跡象,但聯儲局同時也警告,部分銀行家對歐元區主權債務危機對美國金融和商業狀況的影響,感到擔心。與此同時,墨西哥灣大規模原油洩漏事件,亦影響了美國南部地區的旅遊行業。
陸羽仁
陸sir,
沒有問 i-phone 呀 ??
p.s. BP 2011-Jan, $20 Put, outstanding over 30K contracts. 很多BP淡友.
陸羽仁覆網友
111:你問係唔係要趁反彈沽吓貨,例如66.65元入的平保。若你問外圍環境是否完全穩定,又唔見得,所以未能確認美股見咗底,只係有機會而矣,特別是美國經濟未睇得通,所以睇短線只是一個六比四之局,稍為睇好少少,唔係確信無事。但睇中長線仍可睇好啲,特別係平安呢類股份。佢現價62.75元,結論係若長揸可以守吓,但若本來買入係短炒,跌到超過10%時無沽,而家倉底持貨又多的話,減少少貨唔拘,只為控制風險。萬一往後大市一帆風順,旺市大把股炒,唔憂無。但若是長線就當睇唔到放埋一邊算啦。
努力中:股份分拆時有一個過渡號碼,俾新舊股同時買賣,只是一個技術安排,對股東無影響,最後都會變番正常冧巴。
花姐:達芙妮走勢都幾強,昨日差一格止唔到蝕算你好彩啦,再守止蝕位都可以望吓,博佢唔到。
達摩:美元指數雖然回落,但仍在一個上升軌中,昨收87.212,要落到跌穿85.5,才有可能破位向下,扭轉升勢。
Londonsky: 你問「由於我在香港的發展唔係咁理想, 是故打算去英國深造法律.但是, 我去的話, 又未必捨得現在的女朋友...」
首先要問你自己係唔係一個刻苦自制的人,若能捱苦,不一定要去倫敹讀Law,因為去倫敦讀書加生活費一年要40萬左右,讀三年大學加一年專業課程,順利畢業要四年,用咗160萬,假設你而家一年有20萬淨收入,四年80萬,一來一回唔見240萬,同埋見唔到女友,人地都唔一定等得你咁耐。後生的240萬,合理投資,20年後等如1000萬,好大機會成本啊,而且係唔係讀得好,畢業搵唔搵到大行做,仍然係一個未知數。
你在香港一邊做嘢一邊兼讀,一年4、5萬學費就夠,讀倫大校外課程,順利三年過關,再加兩年兼讀PCLL,共讀5年,25萬可以落樓,係去倫敦讀書10分1 成本。當然,咁樣讀好辛苦,但如果你得,成績好,大行一樣請,唔理你在香港定倫敦讀。
英倫士兵:高息股通常增長慢啲,如果你係年青人,月供唔使搵高息股供,供吓2828或2823都得。
牆頭草:蘋果隻iPhone 4G同iPad應該都得,但美國開始有對沖基金把蘋果放入沽空名單,話佢開始升過籠。所以「我的建議」是無論你買中乜嘢好股,見佢升得太顛時,都係沽番少少出街套吓利好啲(唔使沽清),唔係佢回番又好似發場夢咁咋。
小潘:發行ETF公司的網頁應有定期公布基金的資產淨值,可以上去查吓,和股價比較就知溢價,黃金呢家嘢ETF溢價唔會太多啩。
Towhitsix:講起騰訊,你話1月20号係唔係已係一個強烈出貨訊號,你絕對講得啱,不過我地事後講圖,唔想太過事後孔明咁講,而係假設在1月見到佢急跌,到2月10日好似見咗個小底,3月升番上去,假設自己揸咗,可能無咁醒在1月一穿位就走,而且呢啲強股,反應太快有反應太快的風險。假設1月無走,以為佢無事橫行,但長方型橫行底部應守150元,5月7日號和5月20日兩度跌穿150元,係兩個要沽貨的訊號,而且5月7日亦再跌穿上升軌,更是雙重出貨的訊號。有啲人會即沽,有啲人會等反彈沽(唔好假設可以沽到162元),但都有一個星期出貨機會。
佢跌睇嚟有綜合因素,內地網遊經營環境根本轉壞,外圍沽科技股,對沖基金沽空佢,加基金由這些高增長股轉倉至較傳統的消費股等,都係佢下跌的動力,唔止上月基金怕贖回被逼洗倉。我最擔心佢第二季開始盈利增長急促放緩,其實係有對沖基金知道消息才狙擊佢,若有巨人沽佢,好易跌過籠,短炒順勢,佢個勢向下。若然真係想撈,緊守昨日低位止蝕好重要,我睇賠率都係一博一,博中都要食糊,否則好易輸突。
To: 陸SIR
尋日你提到買黃金ETF,我想 知溢價大唔大(好似a50,溢價相當之大)???同埋邊到可以睇到呢D ETF溢價/ 折讓資料呢???
如果長keep 係米一樣有對手風險?
小潘
陸sir,
想請教一下睇走勢既方式. 你話:"騰訊呢d市值2300億的巨股,睇走勢圖有參考價值, 佢在上月7日跌穿152元之後,股價上升軌穿晒,之後一個星期彈番上163元,這是最後逃生機會,跟住就連穿大位向下。"
1. 其實上升軌跌穿既第一個強烈信號係咪20/1個下?
2. 如果20/1 冇走既人, 挨價挨到上月7日插落152. 但係o係個日又會認為走勢係長方型range ($140-$160). 如何可以有咁既警覺性係上番$163逃生? 定係有另一d指標/信號可以留意到?
3. 依你推測, 基金洗倉係早係上月中dow走勢轉差開始? 定係真係呢幾日先掟貨掟到咁大成交?
4. 700我係冇貨的. 本來想o係"前低位"$135左右投機入. 而家當然係好彩冇機會比我入. 如果而家入. 訂番昨日低位止蝕可以嗎? 定係唔值得搏?
中國公佈5月份進出口數據,一如所料非常好,按年升48.5%,接近上日流傳的50%,遠超市場預期,而中國5月份貿易順差達195億美元,較上月增52億美元,好消息面世後內地股市略為回吐,港股好似跌唔落咁,先跌後彈,平手完場。
世界盃今晚打到嚟,散戶見市弱都無心戀戰,聽經紀張話,散戶好似失咗蹤咁,經紀行內講波盤的人多過講股,世界盃今晚開鑼,下周又係端午節,國內有三日長假,淡市多數跌,本來都可以睇淡啲。
港股守住跌唔落
不過港股似乎唔想跌,周一在美股大跌之後恒指穩守19000點,然後逐少逐少炒番高。如今外圍又定番啲,昨日亞洲市歐羅上番1.20樓上,紐西蘭昨日加息後,紐幣升1.1%,澳幣更升1.4%,市場對風險貨幣有番啲興趣,歐洲債務危機有穩定下來的感覺,利好股市,港股處於一條反彈軌道中,隨着農行上市臨近,港股可能會升番啲溫。
內地5月份數據出籠,各方有不同解讀,總體來說中國公佈的數據比較利好,但經濟界對中國未來有不同估計,摩根士丹利話中國5月份的出口增長遠較市場預期強勁,雖然歐羅區出現債務問題,但數據反映在環球經濟周期性復甦的大環境下,中國的出口維持強勁,並預期今年中國的出口將繼續良好,但由於去年下半年基數較高,大摩預期今年下半年中國的出口增長率將放緩,全年增幅可達22%,這已較之前預測增幅15%的大幅上調。
騰訊穿大位幾兇險
昨日大市雖然較平穩,但科技股騰訊(700) 和汽車股吉利(175) 仍跌到七個一皮。呢兩隻都係基金最愛的巨型概念股,但吉利自早前公佈業績不如理想後,已逐步走弱,剛公佈5月份汽車銷量按月減少4.3%,市場擔心中國汽車銷量高增長期已過,吉利昨日大插7.8%,收2.39元,走勢甚弱。
昨日成交最多同沽空盤最多嘅都係騰訊,佢受環球科技股弱勢和內地競爭雙重影響。美國科技股走勢的納斯特克指數連續4天跑輸大市,呢股沽貨潮蔓延到騰訊身上,佢連續幾日俾基金洗倉,繼上日沽空金額達8.82億元,昨日再居沽空榜首。三星證券憂慮騰訊收入增長放緩,以及內地網上遊戲競爭上升,據估計,騰訊今年有47%收入來自遊戲項目,相信其會跑輸,因此下調騰訊今年每股盈測,評級維持「沽售」,目標價由129元下調至115元。騰訊昨日連續第五日下挫,再勁跌10元或7.3%至127.4元,創了8個月以來新低。成交近39億元,佔大市成交8.2%。
騰訊呢啲市值2300億的巨股,睇走勢圖有參考價值,佢在上月7日跌穿152元之後,股價上升軌穿晒,之後一個星期彈番上163元,這是最後逃生機會,跟住就連穿大位向下。現在雖然股價跌咗咁多會有反彈,但幾時見底未知。聽聞不少散戶想撈底,但話晒佢現價仲有39倍PE,在外圍科技股地動山搖的大環境下,撈底風險不低,記住要定止蝕位防身呀!
陸羽仁
先斬一半再說
陸 sir
今次反彈會去到邊要唔要係今次反彈沽吓貨,壞消息出完未..平保係66.65入貨要否先行走貨定可以守吓
天涯兄: 噢...熊仔平左好多噢. 要睇今日成交呢
天涯:
我佛門戶廣大 世上無不可渡之人 噢!
大師
少室山還有沒有位置啊
陸 sir ,早
我想問下, 為何股票拆后會有另一個新號碼, 用新和 舊 來分別. e.g 2314 以前不是此號碼
我見拆後原來的number 依然可以買賣. 已我存倉的股票一定要會自動轉. 我可以要求不轉嗎?
子龍
我的熊有一半先陣亡
貓咪心情如此暢快, 難道有狂牛在手
佢等緊萬9呀
fly仔, 今日大升市呀!
快d出來, 睇睇你個friend出不出來?.....
幫你叫o左先呀!
災喇! 沽 喇!
完 完了
我有一個好消息, 同一個壞消息~~
好係有狂牛, 壞係今天月供要入貴貨
大師: 你一入貨, 大市就升喇~呢噢.......
貓咪永遠唔令我生氣,好得人錫添!怪唔得係你公司附近,
女朋友一大堆等你請食飯呢!
達摩咁就係朋友,好壞都回應吓,多謝您噢!
花姐, 不好嬲啦!
最多, 我請妳飲茶!
花姐 :
止蝕唔止賺 噢!
只有你自己先可以救到自己 呢噢!
大師,
達摩我指名請教你,竟然扮失明,我佛慈悲,真係激到起火!
伯仁:
達摩唔搵你化緣
你搵達摩化緣 噢?
能否在股海之中化緣
就要看施主的造化 了噢!
大師! // 股海無情 人間有愛 呢噢!//
我要 愛呀!
借5舊水來呀!
花姐 :
阿彌陀佛!
多謝Andy回應,依處好怪,有時候想來坐下,傾股問股,互相交流,但因你生客,就當你過路,唔鬼SO你,好嬲!
老美報復式反彈 門徒兄, 一個字---準. 高手即係高手
熊仔又要挾
大笨袋鼠兄:
PS3就無,XBOX就有....其實如果止止都係機械式操作,可能我WIN的機會大過輸。。。數學上,如果升同跌的機會同開大少一樣係50/50(唔計3%圍骰,圍骰當牛皮),如果本身係經紀唔先同買賣手續費的話,次次輸1%就止蝕,WIN 3%就止賺,咁長線理應係贏唔輸gwa...
Ton Ton
袋鼠,
請傳授用程式踩程式的秘訣!
我享記要發逹,我要做億萬富豪...
貓貓早~~~
花姐,
美股又升, ADR升了成400點, 港股應高開, 你的貨可能會走倒, 唔好咁擔心 !
達摩早,我又衰左,好好地忽然見達芙連(210)跌過上次低入價,拿拿林入,點知愈來愈低價,常向虎山行,終於又成了老虎點心,點好?昨日止蝕,差一格做唔到,教我如何去插死它!
不雨花猶落 無風絮自飛
美元指數 好似見頂回落 了噢!
不要給股市影響心情 噢!
股海無情
人間有愛 呢噢!
貓, 早晨
Kathleen,架過山車好醒晨
//等我都用十部386去組一部超級 電腦 打低大戶!//
Ton Ton、亨記,(年多前睇嘅書,因為印象模糊,可能細節上會略有記錯),據聞有條靚,在1987年下半年,問清楚銀行炒房同事,佢哋係咪用電腦程式在期貨市場自動操作,了解情況之後,瞓身入爆認沽期權… 最後見佢未夠三十,退休去咗瑞士日日滑雪。
PS. 同一時期有乜人跳樓,就無乜人提…
我估2009年3月,菁姐落淚大笨象競假一役,都係大戶用方法去程式踩程式。
PS. Ton Ton,你似會有打機… 舊版未升級嘅PS3,都有8個cells俾你用嚟反擊大戶噢!
大笨袋鼠,
大家早晨!
扮豬,你睇到嘅係牛腩扮貓呀!
//扮豬, 我真正面目是 可愛: //
早
陸 sir,
你好, 我有個問題想問呀, 唔知你可否給小弟一些個人觀點呢...
由於我在香港的發展唔係咁理想, 是故打算去英國深造法律.
但是, 我去的話, 又未必捨得現在的女朋友...
當初(2年前)也是因為她而放棄去英國讀書的....間學校的排名在英國係3甲之內....
唔通真係情(學)業兩難全 ?
謝謝你.
謝謝, fly師兄...
英倫士兵: 我只知e家o的元朗樓尺價貴過上海同北京市中心
bro stephen: nothing, nothing
Brother fly:
Why you ?
亨兄:
等我都用十部386去組一部超級電腦 打低大戶!
Ton Ton
謝謝, fly 兄 ......
內房風險高但上升空間大D ...
資源板塊冇乜心水
Ton,
原來如此,咁我知點樣對付大戶la
尋日美股先升又後回,今晚唔知又係唔係咁...
小弟有一奇想...其實所謂大戶,其實會唔會係一部或幾部超級電腦一齊control股滙貨巿場,24小時世界性等咁用AI自動買賣,因為佢地係電腦無emotion,只要做到個巿大上大落,人類操作員會因為有emotion所以亂沽或亂追,咁只要贏到呢八成人,佢地已經天下無敵啦...
Ton Ton
秋: 我兩者都睇, 但比較著重過去週息率同市盈率~ 預測既野最容易比人利用~
英倫士兵: 3隻都是內銀, 可以考慮下壽險, 內房, 資源板塊架bor~
bro stephen: bear bear tomorrow?