智商二百
2010/07/02 08:43:12
網誌分類:
生活
十貓之中,米米的頭最大,也是最蠱惑的,智商應有二百。 最近牠迷上我用來扎頭髮的白色橡筋圈,不時跳上浴室的洗手盤,在一堆髮夾裏找到它,用牙仔咬住跳到地下,撥來撥去當波踢。拿走放回原處,轉眼牠又取下來玩。 實在煩不過,將橡筋圈放上牆壁的雜物架。這隻小鬼在洗手盤嗅索了一會,再抬頭看了幾眼,竟像人一樣企高,用手拿下來!於是我再增加難度,把橡筋圈放到最高一格,這下拿不到了吧? 能猜到牠會這樣聰明嗎?站直身子都掂不到最高一格的米米,蠱惑地看了看我,索性伸長貓手,在架上來回亂撥,把面霜、眼霜其他東西都撥下來,橡筋圈也在混亂中跌下地了。 我只好投降,把橡筋圈讓給牠玩算了。 關慧玲 |
![]() | |
sinsinho,
Agree ar.![{#icons_cat1} {#icons_cat1}](http://img2.hkheadline.com/headline/blog/images/smile/cat1_50.gif)
Black cow , 唔好咁講 , 大家相遇都係緣份 , 其實我好多謝上天賜呢五個小寶貝給我 , 充實我一生 , 讓我學懂去珍惜 ! 去愛 ! 我哋係一家人 , 佢哋將一生附托給我 , 照顧佢哋 , 我係義無反顧 , 好樂意做一個快樂嘅貓奴 !
相信大家都有同感吧 !
sinsinho,
貓大帝們遇到你,真是他們的福氣. 為你依個愛心爆澎既貓奴講聲萬歲!
Old-ox, Terry 係龍貓 ? 唔似噃 !
其實係咩品種並唔重要 , 我家中班大帝全都是人家遺棄嘅普通家貓 , 有受過傷 嘅妹妹 , 有折尾嘅阿寶 , 冇尾巴嘅小米 , 曾經失聲嘅 joey , 膽小嘅仔仔 , 雖然佢哋冇討好嘅外表 , 但在我心目中無損對佢哋嘅愛 .
或者好似我咁,從前有段時間一得閒就去愛協睇貓,就有機會遇到,我家紅豆就是這樣來的,佢在愛協仲係bb貓,有少許殘障但損可愛,我都係排第三,前面兩個登記者唔要,至輪到我咋。
sinsinho:
愛護動物協會偶爾也有純種貓給大家領養, 協會網址現時就有隻龍貓Terry, 牠稱在15/6/2010街頭流浪??中獲愛護動物協會拯救. 當然, 純種貓與長毛貓在領養中心出現, 不足兩小時便會有有心人親自到協會應投領養, 到網頁出現牠們的資料時, 已打上'Hold'字, 表示已有有心人預訂. Terry現時雖仍在愛護動物協會, 但已經由某有心人預留(貓貓未能離開有很多原因, 如等貓貓接受絕育手術, 等有心人多考慮一日, 督察要家訪查看領養人家居是否適宜飼養貓貓等).
左圖是龍貓Terry 右圖是長毛家貓Austin
Old-Ox
sinsinho:
龍貓係咪成日要困係個籠入面....要睇下主人本身點wor,會唔會成日同佢地玩,除非到佢地訓覺時間啦,因為佢地係夜晚先會活動,朝早係訓覺既,6點左右就會見佢地起身出黎活動架喇,我就會一隻隻抱佢地出黎玩既,如果你要放佢落地跑,就要固定一個位置,用野圍住,唔好比佢四圍走,唔係就好難捉番,同埋佢走左去d櫃底,你真係有排都唔駛旨意捉番佢地喇,我會抱佢地啦,又會買玩具比佢地消磨下時間,餵下佢地食野咁啦,好開心架....
我記得以前問過d寵物店既人,佢地話好少用水同龍貓沖涼,因為佢地濕左就會好難乾,所以都唔會主張用水同龍貓沖涼,除非佢地中左暑,迫不得已要用水同佢地降溫囉....
Sammisp821, 原來養龍貓要咁多學問 , 佢哋日日都要困籠架 ? 可唔可以出嚟玩 ? 咁即係可唔可以用水沖涼 呢 ?
sinsinho:
多謝你咁支持我呀,其實我就係唔想整懶自己,亦都知道搵工急唔黎,無謂浪費時間,咁不如一邊讀書,一邊搵野做,搵到既,大家相就下,無話解決唔到既,我有一有消息,馬上上黎話比你知...
龍貓係好怕熱架,佢地係外國既雪山上面生活,係好多年前引入香港生活,對佢地黎講係一個好大既挑戰,由於佢地身上既毛又密又厚,每一個毛孔都有n咁多條毛毛生長(我唔記得左幾多條),所以基本上佢地既毛孔係散唔到熱,就係因為咁,佢地唔會有小動物寄居係身上,但由於佢地難散熱,所以養佢地時,要為佢地準備一個好通風同乾爽既環境,不過你知啦,香港d天氣好潮濕,所以有d主人會長期開住冷氣,但我就唔會囉,但我會保持空氣流通,萬一真係太熱既話,會較定時間開風扇吹下間屋,等佢地會舒服d,同埋佢地係唔可以受到騷擾,如果唔係佢地好容易會甩毛,或者自己咬毛,所以佢地個私竇要放係陽光照唔到既地方,我就將佢地放左係大廳既牆角,出出入入都會好細聲開關門之餘,果個位,係夜晚開燈先會好光,平時好似呢個時候,佢地都會走左入去自己既屋仔入面訓覺,黃昏訓醒喇先會走出黎活動,3隻企晒係同一個位置望住你,叫你開飯比佢地食架...至於你問佢地沖涼係唔係一定要用沙,其實d沙有粗有幼,我就鍾意用幼身既沙囉,因為係可以吸到佢地身上既油脂,粗果隻就唔得囉,有時見到d人話龍貓太熱會中暑,如果真係中左暑,最快既方法係用水用佢地濕下個身散熱囉,不過養得龍貓仔既主人,一定會知道以上既要點架..
sammisp821, 慢慢嚟 , 唔使心急 , 咪當放暑假囉 ! 你都好積極充實自己噃 ! 你有實力嘅 , 努力 ! 加油 ! 等你好消息 !
我想問吓 , 龍貓怕唔怕熱架 ? 佢哋係咪只可以用砂沖涼 ? 可唔可以用水架 ? 佢哋熱嘅時侯會點架 ?
sinsinho:
我仲未搵到野做呀,不過我最近報左個船務既course讀,想轉營唔想成日都做埋d什麼admin之類,實行一邊繼續搵工,一邊讀住書先,當然你話如果我咁岩搵到工咁點,無架,搵到工既,就會同人地講要返學囉,一個星期半日,總共上8堂,過埋下星期就返學,既然唔知幾時搵到工,都唔想浪費時間....
我粒孫大隻左好多,仲惡左好多添呀,佢有鋪搶野癮,有野自己唔會去食,鍾意係個阿媽口入面搶,有時佢阿媽會發惡鬧鬼佢架,好攪笑....
嘩! 米米咪變成貓管家 ? 厲害 ! 有管家看屋同開門 , 以後關小姐可以安心做夜歸人囉 !
sammisp821,
係呢 , 有新工作未 ? 孫仔好大個喇 , 係咪 !
米米媽:
如果你將條橡筋圈放入櫃,你估米米會唔會自己識得打開櫃黎拎去玩? 我覺得應該難佢唔到,甚至乎可能你"萬一"有日無帶鎖匙返屋企, 你係門口"喵"一聲, 米米會即刻開到門比你都未定....
....米米實在十分聰明星可愛呢...
pakboma,
牠搞亂擋的殘局,都是我收拾的呀,但這麼聰明的貓,牠喵你兩聲,氣就消了啦。
橡筋圈是粗的那種,不會咁輕易吃下肚吧???希望啦,但佢已經玩到唔見咗......
哈哈!米米的本領已經超越了(主人)關小姐的估計,再加上您這幅相,我在巴士上看倒也即時笑出來,很羨慕關小姐呀!無論乖巧或是頑皮的時間,都帶給您樂趣,是一隻好貓!我有D鈡意咗佢!
.....................................但要小心唔好比米米
食咗條橡皮圈落肚呀!