左手左腳

2010/06/25 08:43:03 網誌分類: 生活

25 Jun

        真真的步姿很有趣。我以為正常的貓行（Catwalk）應該跟人一樣，左手配合右腳，右手就跟左腳一同向前或向後擺動，形成優美的步姿。

        可是真真卻不一樣，初來的時候硬是覺得牠走路有點擺，細心的朋友卻發現了箇中玄機，「你看，他走路是左手左腳的。」我仔細看，他真的像日本相撲手一樣，左手向前移動時，左腳也跟着向前，我試着學行，發覺原來好難，這根本違反了正常的步行規律嘛。

        再仔細觀察其他貓咪，除了真真，原來Shane有時也是左手左腳貓行的，所以會左右搖擺。米米雖然肥，腳粗粗的，但走起來依然帥氣，其他本來就很瘦的唐貓，自然就更優雅了。

        究竟是我大鄉里，還是觀察得牠們太少了？

        關慧玲

回應 (21)

我要發表

2010/07/01 10:57:09 回覆

關小姐 , 如果你班大帝每日每貓要梳兩至三次毛 , 唔好講返工做嘢 , 食嘢都唔得閒 !

2010/06/30 16:21:23 回覆

關小姐，

你屋企有十隻貓大帝, 一星期梳一次已經叫我好服! 我相信十隻貓大帝已經高呼萬歲！用呢個梳可以 keep到一個星期梳1次都得 , 我相信"屋企貓毛亂飛"必會減少, 變成歷史, TRY TRY ar ^o^。

2010/06/30 15:56:42 回覆

sinsinho,我相信你都好鍚佢地，佢哋都知架 ! 所有貓奴萬歲！

關慧玲 2010/06/30 15:53:12 回覆

一日梳兩三次?唔怪得之我屋企貓毛亂飛，我一星期只梳一次咋。

2010/06/30 14:56:03 回覆

Black cow , 我自己一日都梳唔到兩 , 三次頭呢 ! 何況佢哋成身毛 , 辛苦你喇 ! 佢哋都知你鍚佢架 !

2010/06/30 14:02:15 回覆

sinsinho,

奶奶現在顧住照顧大嫂的小朋友唔是好得閒照顧佢個2隻短毛貓，用呢個梳可以
keep到一個星期梳1-2次都得。所以，連埋我隻短毛，我一個人就幫3隻梳，而老公就主打照顧隻麻煩波斯，佢就要一日梳2-3次，隻波斯又OK聽話，可能佢自知攪唔掂D毛啦，佢好攪笑，梳到肉緊就咬個梳！貓奴萬歲！ ${#icons_cat2}$

2010/06/30 13:13:16 回覆

Black cow , 日積月類 , 每次一大堆 , 嗰堆毛點止可以做飾物仔 , 做大飾物都得囉 ! "甩毛冠軍" , 勁攪笑 ! 不過每日要梳兩 , 三次 , 佢肯嗎 ? 是否得佢一個 ? 係咪個個都要咁服侍 ?

2010/06/30 10:07:10 回覆

sinsinho,

可惜我唔識織冷衫啦，不過我都有想過留去D毛去做飾物仔，等我找D資料先，多謝你的提醒！

關小姐，

隻甩毛冠軍是奶奶隻英短，叫"牛仔"。如果有個梳，米米都可以勁過佢, 都是記住upload D相分享下呀！

{#R名.JPG}

我在市面無再見到我現在用緊個梳牌子，不過在賣寵物用品店有其他牌子。剛剛在網上尋找＂超級去死毛梳＂，見到＂Furminator"呢隻專利梳好多人讚好，可以去佢地網址睇片，效果同我隻一模一樣「勁」，記住要去浴室幫佢地梳，唔是D毛飛到周圍：

http://www.furminator.com/shedless.cfm

{#FURminator.jpg}
不過，上網D價錢都幾參差，由一百元內到四百元內都有交易，我個梳就買咗大約一百元，可以去寵物鋪或者上網睇下。

2010/06/29 19:33:16 回覆

梳多幾次都可以織番件衫囉 , 人家羽絨 , 你哋就貓毛絨 , 外國都有主人將愛犬嘅毛織成一件衫 , 咁成日都可以一齊喇 !

關慧玲 2010/06/29 17:14:32 回覆

black cow,

嘩，你隻仔真係甩毛冠軍喎，隻梳乜名堂?在哪買?

2010/06/29 14:54:54 回覆

Leung,

是呀，＂小黑＂初初來屋企都有小小皮膚病，當時幫佢＂查＂藥膏就煩死我，是關多毛呀！好番後，現在用獸醫的皮膚藥水洗白白就再無皮膚病啦，你可以考慮下！佢個面型好靚，個夏天樣好攪笑呀，有機會分享下佢冬天的靚仔相呀！

長毛貓唔是甩毛怪，短毛先至是冠軍，我都有一隻英短貓女，D毛短短地又輕，甩到周圍都是，轉季就更大煲，屋企好似西部牛仔片，周地毛球波！小黑冼白白嘅寵物屋介紹我用一個好似＂耕田的泥把＂梳短毛貓，果然勁有用，佢嘅原理好似梳羊毛一樣，只梳走底層死毛，等佢地唔會週圍甩，以下是我幫奶奶兩隻短毛貓的戰績，我哋六隻家族成員貓都誠意推介，你和「關小姐」都可以考慮下！

${#IMG_0255_r1.jpg}$

2010/06/29 13:06:47 回覆

Black Cow,

我哋一到夏天就會幫佢來一個土炮自家理髮, 一來我哋驚岀街會惹到皮膚病, 二來又唔駛錢! 反正佢啲毛好快生番出來, 冬天又變番靚靚! 初初我哋以為波斯甩毛多, 到後來養咗異短先知異短先係我家嘅超級甩毛怪!!

我隻波斯仔好怪, 乜都唔食, 只係食乾糧戓蒸鷄肉, 最多只係食吐毛同營養膏, 當初我哋重以為隻隻貓都唔爲食, 後來先知唔係!!

2010/06/29 11:43:08 回覆

Leung,

你隻波斯仔是唔是好多毛呀，我隻勁＂爆毛＂，已經keep住一個月左右帶佢剪下毛，有時見到佢多毛，都＂鄧＂佢辛苦，所以唯有辛苦我同老公，每日幫佢梳2~3次毛啦！你有無餵佢食吐毛膏？同埋你隻胃唔胃食，我隻super胃食？那是佢冬天look，夏天少D~D~毛啦！

{#1.jpg}

2010/06/28 15:06:04 回覆

其實我隻波斯仔一向都肥肥頓頓,行路柺吓柺吓, 後來我養多一隻異短女,一拼之下就知有分別, 呀女就鬼咁優雅, 呀仔就頓吓頓吓!!

關慧玲 2010/06/28 12:04:21 回覆

leung,

原來幾多貓都係咁行，真係奇聞丫。你又係幾時發現嘅呢??

2010/06/28 08:56:11 回覆

關小姐:

我屋企隻八歲波斯仔仔都係咁行路! 初初無爲意只係覺得佢好"論盡", 後來睇清楚就覺得佢好攪笑!!

關慧玲 2010/06/26 00:13:39 回覆

sammisp821.

佢真係愈來愈壯健，就快個肚大過個頭。

2010/06/25 17:35:13 回覆

如果係左手左腳咁行咪會好易失平衡囉 ! 係咪會行唔穩 ? 有冇得醫 ?

2010/06/25 14:34:58 回覆

或者可能係我地見識少都未定...不過真真愈黎愈壯健喇,淨係睇張相,見唔到佢既步姿都可以感受到佢幾咁elegant... ${#icons_cat2}$

關慧玲 2010/06/25 11:56:16 回覆

black cow,

哈哈，我都唔知，但shane是美短，佢都係咁行，會唔會是因基問題呢??? ${#icons_cat9}$

2010/06/25 10:15:01 回覆

關小姐，

我隻牛女都是這樣行路，會唔會因為大家都是摺耳貓呀?左手左腳會唔會加重骨骼的負擔呢? ${#icons_cat6}$

左手左腳

網誌分類

已關注

最新網誌

最新回應

月曆