親子時間

2010/07/16 08:43:17 網誌分類: 生活

16 Jul

        甩毛怪米米愛煞了底毛梳，平日梳毛郁身郁勢的牠，現在乖乖坐定定給我梳，梳到後來，已沒太多底毛可以梳了。

        於是找來同樣毛多的小襪和骰仔，牠們在股邊的底毛也真不少，看着一捆捆脫下的毛球，快意得很，心想如果不處理，被牠們Lam進肚子裏真的不得了！

        短毛貓小甘和阿寶都參與了遊戲，沒有多少給梳出來，卻很享受，也許梳毛的感覺，就像被人撫摸一樣的舒適吧。牠們也奇怪，怎麼這幾天常常被我攬住，梳毛變成親子時間，大家都很愉快。

        可能梳出癮來的，其實是我，十貓甩毛的Quota，都給我超額完成了。不過忠告各位貓奴，別梳得太頻密，也別太大力，否則可能傷到貓貓的皮膚。

        關慧玲

回應 (23)

我要發表

2010/07/22 18:21:41 回覆

Black Cow ,

我想呢度個個都都視佢哋一家人一樣 , 大家今生有緣相遇 , 同一屋簷下 , 自當善待佢哋 , 而佢哋亦需要我哋照顧 , 人要懂得珍惜你所擁有的 , 活在當下 , 才算不枉此生 .

事實上疼愛佢哋嘅 , 又何只我一個呢 ? 你咪一樣出盡法寶想佢哋舒適 d !

2010/07/21 17:15:07 回覆

sinsinho,

你真是好痛愛佢哋,體貼又細心!

是放喺度等 d 涼氣滲出嚟 !其實, 所謂”自製冰箱” 即是一個自制保温箱, 用發泡膠做保温, 用膠樽裡面裝入濃鹽水, 平時放入冰格雪硬，出外前放入保温箱, 等D冰慢慢吸室温的熱溶, 減低室温。用發泡膠做保温, 其實用來避免溶得太快, 而且避免四周圍因温差在保温箱外面起水, 攪到周地濕淋淋, D地板更會起Mo Mo變黑。我提意D發泡膠最好黏箱內並且做低過過膠箱邊, 避免貓大爺抓悼食鬼咗, 我都考慮過用冷氣工程專用的保温板, 等我去望吓D物料再同你分享啦! 如果你唔怕貴,其實可以買個現成"旅行冰箱"平時去燒烤都用得,上網見大約$160 for 16-22Litre容量嫁! ${#icons_cat1}$

2010/07/21 16:17:38 回覆

Black Cow , 佢哋都係短毛家貓 , 而且都年紀大, 我怕梳咗佢哋 d 底毛冬天生唔切會冷親佢哋 , 一般佢哋熱會攤喺檯面或地下 , 我喺屋企會盡量引佢哋飲多 d 水 .

自制冰箱點用 ? 係俾佢哋坐入去涼 ? 還是放喺度等 d 涼氣滲出嚟 ? 發泡膠佢哋會抓架 , 怕佢哋食到 , 有冇第二種物料提供 ?

2010/07/21 14:13:16 回覆

Sinsinho,

開抽氣扇都是一個辦法,不過我唔俾佢哋入廚房同廁所, 因為佢哋嗊來嗊去, 廚房我覺得危險, 廁所又濕淋淋, 鬼叫小黑仔太長毛咩! 你有無用Furminator幫佢除底衫仔呀, 好work wor!

茶茶貓,

上網D人教自製冰箱,你可以買材料try吓自已做個:-

冰箱：買一個膠箱， 20元左右，5面都加一層 1 cm 的發泡膠，就 OK，內箱都可以不用。

雪種：用一個四方型的膠樽，因為慳位，裡面裝入濃鹽水，越濃越好結到冰為止，平時放入冰格雪硬，用時取出，唔使錢，放兩個最好。

不過我就提意D發泡膠最好黏箱內並且做低過過膠箱邊, 避免貓大爺抓悼食鬼咗, 我近日發現放落水入面, D水會溶慢D添, work嫁!

2010/07/21 12:11:25 回覆

我唔敢冇人喺屋企時開風扇，驚有意外，不過天氣越來越熱，睇黎都要偷師整番個冰山俾兩隻大爺

2010/07/20 22:58:21 回覆

有無人試過寵物店賣的金屬蓆? 話給貓仔狗仔走上去納涼. 我也想買, 貓仔不用, 我也可以坐上去......

Old-Ox

2010/07/20 16:07:30 回覆

冇人喺屋企我就會開抽氣扇 , 等間屋冇咁焗 , 都有幫助架 , 我返到去就開冷氣 , 關抽氣扇 , 冰山陣我未試過 , 可能都有效嘅 , 起碼冰山陣附近室溫會冇咁高 . 我有想過買冰墊 , 但又怕佢哋抓穿 , 裡面唔知係咩物質 , 驚佢哋抓穿會食到 .....

小米就識得瞓喺洗手盆消暑 , 隻腳重架喺水龍頭度 , 見佢都不知幾舒服 ...., 但只可以容納一個囉 !

關慧玲 2010/07/19 17:38:56 回覆

BLACK COW，

你個冰山好環保，我相信一屆貓奴如我，每到夏天都想盡辦法為佢哋搵消暑方法，我諗著天花板裝把吊扇，好過長開冷氣。

2010/07/19 13:46:07 回覆

各位貓奴,

在炎熱的天氣下，除咗幫我家兩隻貓大爺用梳除底衫仔外，我想分享一下我剛為佢哋而設的自製「冰山」。因為小黑仔是長毛波斯(仲是勁爆毛個隻），我哋返咗工只是開風扇，返到嚟佢成隻「謝咗」，試過開冷氣又好貴而且又極唔環保。今年買電器送咗個冰箱仔，我哋就入水落D膠樽到放入冰箱雪做冰，每日返工前放晒D冰樽落冰箱到（個樣好似「冰山」），等屋企無咁熱，效果都幾好又環保D，個冰山溶咗又再雪過，還掂個雪櫃是唔是都要用電。就算近日酷熱天氣下，現在都可以隔3-4個鐘開半個鐘冷氣俾佢哋，加埋把風扇，兩個大爺都好滿意，精神返哂，冰山一出就走去霸位，勁攪笑！

可唔可分享你們為貓大爺預備既消暑妙法俾我參考下？謝謝！ ${#icons_panda2}$

2010/07/19 12:06:12 回覆

Furminator (中碼65mm) - 義賣價$170
(去死毛梳)

有興趣人仕可同佢聯絡:-

http://hk.myblog.yahoo.com/olausen-lisa

是用來幫助我暫託貓貓的日常生活及醫療費，多謝支持。有些義賣物品只得一件郵費另計，郵寄風險由買家承擔，掛號另加$13.-

2010/07/19 11:31:57 回覆

而家食緊RC 普通減肥糧, 一來本身醫生配方糧成日斷貨, 以及GARFILED又會偷食, 所以最後都係平時控制佢食少啲, 當然貓爸嗰方面已經訓示咗佢, 冇下次喇, 最初減肥佢唔慣架, 成日咬我, 但我都冇加糧俾佢, 以前跳唔上枱面, 而家可以一躍而上, 佢反而比以前更八掛~ ${#icons_cat2}$