小食派對
2010/08/20 08:43:51 網誌分類: 生活
貓爺太有性格,不喜歡被人呼來喚去,十貓之中,一半是聽到我有異動都會跟着來,另一半卻睬你都儍,像小襪,聽到我叫只是耳朵抖一抖,斜望你一眼,不似真真、骰仔、紅豆等,老遠跑過來;曳仔米米多數先應付你一下,嗅嗅有無好玩的,無着數就走開。 要十貓立即集合到面前,唯一方法是零食,最近每晚臨睡前,都會從抽屜裏拿出貓零食來逗貓,一聽到開抽屜聲音,零點一秒間已有十個貓頭跑到跟前大叫,試了幾次之後,每當行近抽屜,後面都跟來一隊貓,好好笑。 某晚忘了開小食派對,翌日抽屜竟神秘被打開,零食都一掃光了,最大嫌疑犯米米,大刺刺趴在地上Lam手……食咁多零食,肥死你呀! 關慧玲 |
sinsinho,
呃唔到添,佢地那麼醒,你唯存繼續狠心落去,限住份量啦!無計!
Black cow , 好多謝你嘅意見 , 我試過喇 , 我唔止分兩餐添 , 等佢哋少食多餐 , 但佢哋個肚仔好似有個磅咁 , 食少咗佢哋知架 , 呃得一日 , 兩日 , 第三日就唔上當 , 搞到個糧盒一日開幾拾次 , 個蓋都鬆晒 .
pakma,
見到佢地玩得好開心,看來帶氧減磅好快有成績,到時記得share減磅前後的相! 我兩隻大帝都好喜歡玩鐳射筆,但是佢地鍾意玩羽毛同將踢紙球(超市收據)多D,昨晚用超市收據整咗個紙球俾佢地,兩隻寶貝足足當球踢咗超過半個鐘,小黑好似狗仔更將紙球咬回來要我拋出去,玩到累就大字型休息及飲食,好似人一樣好攪笑,你都試吓呀!
sinsinho,
我家小黑都成日問攞食架,但又要限住份量,唔可以俾佢太重,最後我將一餐的份量分開兩餐食,又俾我騙到佢,令大帝覺得個肚仔飽飽肯瞓,你都試吓呀!
雷射筆真係好好玩呀:
http://www.youtube.com/watch?v=yDnrzsi6VMc
pak ma,
好想睇丫,有拍片嗎?等我又試吓先。
pak ma , 你就好喇 , 我家 joey 成日問攞食架 , 但又要限住份量 , 唔可以俾佢太重 , 驚影響到血糖指素 , 佢只要見你喺屋企就會成日扭計要食嘢 , 要個肚仔飽飽先肯瞓 , 唔係佢個樣會冇晒心機 , 好可憐架 !
sinsinho ,
寶寶非常合作!比咩食咩,比幾多就食幾多,冇咋型,乖到陣,所以最近我成日
咀佢, 好低錫!
Pak ma , 咁就好喇 , 肯玩肯食肯瞓就係健康指標 , 有冇試過乒乓球 ? 佢哋都鍾意玩架 , 不過就會嘈 d , 有時 d 乒乓球會走到 窿位 , 佢哋拚命抓嘅時侯好好笑架 , 依家食緊邊隻糧 ? 小寶肯食嗎 ? 祝早日減肥成功 !
sinsinho,
真不錯,寶寶很歡喜這個鐳射筆運動,玩得很激動,動作也很大,(當鐳射燈在梳化時),牠好像在跳霹靂舞咁精彩的!超正的帶氧運動!
各位貓好友,我是在石板街的小板檔買的,成為$28元!
pak ma , 支鐳射筆好玩嗎 ?
關小姐:
百X現時做貓小食特價, 甭$60有4包, 有無入貨?
Old-Ox
Oh!真是人間有情,好感動您們的回應和關心!
我會努力架啦!
講個小秘密,我常常和小寶和小白(叻一位貓爺)說話的,我有同白、寶講,要開始減磅,寶好似同意咗,昨晚也很合作食少咗!小白也同樣合作,沒有大聲叫我比濕糧佢地食,真係好生性、好乖仔呀!
至於玩具:今日剛用了午飯時間,去買了支鐳射筆,哈哈,今晚好玩了!
好!請各位等我好消息!
pakma,
除咗減食量外,試吓同佢玩玩具,等佢增加少少運動量,加速燃燒脂肪,我兩隻寶貝最鍾意玩羽毛同將踢紙球(超市收據),你同小寶都要努力啦,等你好消息!加油加油!
安一些按一下會自動彈開既櫃門 or 一些要由門頂反手拉出來的 !!
以前曾裝過只是一粒 "的" 的門抽, 果陣亞 B 都係會開到架 !
pakma,
撐撐撐!!!!
Pak ma , 你努力都要小寶合作先得架 , 幫佢哋減肥辛苦過自己減呀 ! 你忍心見佢問你攞食嘅樣 , 好可憐架 ! 到時你就知 !
關小姐,
做貓奴也真不容易,前天是我的貓爺(小寶)做每年bodycheck,doctor話小寶每年重幾磅,唔係辦法,因到5-6歲,容易有心臟病,糖尿病,叫我要注意下啦!好驚呀!
小寶少爺:是一隻極可愛的灰色英國短毛,現體重: 7kg............個樣粗壯過米爺
我要做一個負責任的貓奴,昨日我買了個小型磅($19咋),開始跟進牠的食量,(7kg)貓可以食的份量,我會努力架啦!
您會支持我嗎?
米米說:有咁多零食,主人肥死你呀我幫您一掃而空吧
CAROLINE,
沒有把手?那怎開啊???請賜教。
就係因為 d 貓貓太叻, 連一小粒圓形既把手櫃桶都識開, 所以依家我家的所有櫃都不會有把手的 !!!
一有零食係手,後面就會出現成隊貓隊...超攪笑...不過米米竟然可以開到櫃桶,仲要將d野一掃而空...唔怪之得佢肥到腩生毛啦...
如果想貓貓親近你或你身邊的人, 用零食賄賂佢地啦!
一講到食嘢 , 佢哋個腦仔轉數會加倍架 ! 低能都變超人 , 你計吓10個貓即係再乘10 , 關小姐你區區一個人腦 , 點夠佢哋嚟呢 !
pak ma,
佢真係好厲害,無論是拉的還是推的門,牠都有本事打開,零食之前是放在旁邊長形的婑櫃,但好快揣摩到怎樣打開了,改放小抽屜,兩個月都相安無事,但最近又被牠成功爆破,拉開了。激死人。
我家小朋友每晚都會好準時集合 唔可以唔記得喔...... hehe
蕃薯仔 : 關小姐, 小食派對幾時對外開放呀?? 邊樹有表格DL???
米米說:主人,您忘記開小食派對嗎?那我幫您主持吧!