貓城堡
2010/08/27 08:43:37
網誌分類:
生活
為了真真,終於買來一座貓城堡,讓真真可以企高抓牆,才幾日,已抓到傷痕纍纍。 從前不買,是因為阻礙地方,毛毛表面也很易藏污垢,清理很麻煩。可是原來貓真的喜歡玩這個。米米特別享受一躍跳到最頂,在僅容一貓的小方塊盤踞,覺得自己居高臨下。有時遇上紅豆阻住牠,牠會發出「嗄」一聲,把牠趕走,施施然霸住,怎也不再讓給人,虧牠的肥屁股卻穩穩坐好睡覺,怎也不會中途跌下來。 至於紅豆和真真,老愛鑽進鑽出下面的窄小空間,看來很安樂舒適,幾隻貓久不久就會為輪到誰玩而追來打去。 這些玩具,看來還是少不了的,本已塞滿貓用品的客廳,就快走不動了。 關慧玲 |
關小姐:謝謝你. 你說, 請問是否仍然放在籠裡? 還是讓他出籠子並在房間裡活動?
bluepanda,
執拾前,最好將貓放籠子或安靜的房,貓預感到會有變化,會驚。
搬家當日,放籠子裡,放在房裡,別驚動牠或任由牠亂跑,太多陌生人,會驚而生意外
到新家後,先安置到房間生活幾日,連貓兜貓廁所一起,帶一件你穿過的衫陪牠,讓牠感到安全。
到一切安頓後,才放牠到處走動。
頭一段日子,要小心觀察牠,牠可能驚會躲起來,由牠自己適應吧。
Blue panda , 呢樣嘢你就搵啱人問喇 , 關小姐正係呢方面嘅專家 , 皆因見佢差不多一年至兩年就搬一次屋 , 成班關家貓也樂在其中 , 難為關小姐搬到死死吓 !
D貓貓有咁好既主人真係幸福!
cat cat: 咁嚴重?死啦,我真係好擔心。貓貓王子好細膽0架!係咪應該放响貓籠度先,等佢熟悉了周圍的氣味和聲音後,才放他出來?但我又不忍心困著他啊!
Bluepanda,
呢樣嘢你問關小姐最啱, 佢搬過幾次屋, 我上次搬屋嗡嗡幾日不吃不渴不痾, 呢埋咗幾日, 最後要去醫生處攞開胃藥迫佢食嘢, 嚇死~
所以要視乎你隻係啲咩貓, 會唔會容易受驚嚇, 或者神經緊張嘅貓~~
各位貓奴:
我快要搬家啦!第一次和貓貓王子一起搬家,我有點擔心。請問要注意什麼事情呢?請大家給我意見啦。謝謝!
Old ox , 唔該晒 , 會記住同通知其他貓友作參考 .
不過你家主子都好厲害 , 不到三個月就報銷咗一個貓城堡 ! 變咗甩毛腳城堡 .
Old-Ox,
有用資料, Thank you~~
OLD OX,
謝謝你,非常有用,我都唔知原來貓不抓橫樑。
關小姐:
如要添置體積大些的貓城堡, 千萬不要購這類型:
原來貓貓係不愛抓橫柱, 只會抓直柱, 於是不足三個月, 個城堡兩條柱墩就變成......
但預設俾貓抓的底橫柱和波波卻原封不動.
Old-Ox
米米個樣好威咁wor....成個大爺咁款,邊個夠佢黎....
關小姐 , 肥雞藍藍 , 真架 , 上重下輕 , 一推就跌喇 , '貓仰城堡翻'一幕 , 真係指日可待 ......
肥雞藍藍,
哈哈,我都驚,你睇米米僅僅夠位企咋。我會記得映佢一個餅咁瞓嘅相俾大家睇架啦。
嘩!簡直係合家歡時間啦!
米米輕功了得,霸到個【荀】位,個樣幾得戚!威威哥!
關小姐,您冇入錯貨,睇班貓爺幾滿意
※另外,寶寶的霹靂舞片段,在準備中!哈哈!
三個都好乖,好有model台型播.....
關小姐:米米爺咁'健碩', 恐怕好快會出現一幕'貓仰城堡翻', 到時希望唔好累及貓街坊啦. 我0地都好想睇吓佢呢個瞓覺'絕技', 仲有無相呀?