十五年
2010/10/08 07:00:15 網誌分類: 生活 08 Oct
很少提小甘,才突然發現,牠已經陪伴了我十五年,是十貓中的老老老大了。 來我家時,牠只有一個粉擦般大小,可是聲如洪鐘,和貓貓們狠打了幾場架,又變了老死。牠的老友近年紛紛先行離去了,曾是小霸王、貓首領的牠逐漸變得沉默,終日靜靜坐在一旁,入定似地,其他貓淘氣得很,牠依然冷眼旁觀。對我,也是客氣的冷淡。 不過牠還是有牠的王者風範,每當有貓喪玩亂跳滾打到小甘旁邊,騷擾牠入定時,牠會先乾瞪眼,之後從喉嚨發出奇怪的聲音,繼而出手快速各個貓頭拍一下,貓貓們就知驚,立即閃走。 還有最不肯讓人的小Miu霸佔牠入定的王位──就是雪櫃頂時,小甘瞪起圓眼不斷咆哮,兩貓對峙好久,結果一定是小Miu讓路。就是這種殘存的王者風範,九貓加上我,不禁向牠多敬幾分。 關慧玲
關小姐: 可能跟人一樣, 當經歷過身邊'老貓(老友)' 紛紛先行, 貓貓心裡便有份無形的不安和寂寞, 而性格變得沉默起來, 即使身邊再熱鬧, 牠也像半點沾染不來, 不過我相信祗要仍得到主人的愛錫, 便已是貓貓最大的安全感, 祝福'王者小甘'每天都有健康的身體, 繼續'聲如洪鐘', ha ha ha '小甘' 好型仔呀.
sinsinho,
佢哋年年都有打針,雖然有人同我講話三年打一次都得,但我都會俾佢哋年年打,同時檢查埋。
至於驗血,就是不隻隻都做,通常獸醫檢查過覺得可疑,或年紀大才做。有一個現象是,通常來自繁殖場、寵物店的貓,身體都較差,多病痛,反而來自街上被貓義工執走,或是從spca領養的,都健康得很,像小甘,十五歲了,傷風感冒都無,多年來睇醫生五隻手指數得完,簡直壯健如牛呀。
關小姐 , 我想問吓小甘及其他關家貓有冇每年做體檢 ? (例如抽血 , 打防疫針 ) , 其實之前我都問過有關防疫針應該每年打還是幾年先打一次 , 唔知各位貓友有何高見呢 ?
但我見佢哋身體都好好 , 佢哋係咪仍然食緊 Proplxx 嘅尿石餅 ? 高齡貓同成貓都可以繼續食嗎 ? 佢哋最大同最細嘅年紀相差十幾年 , 食埋同一款糧可以嗎 ?
在此祝各位都健康快樂 ! 正如咪嗚話 , 希望16年再加多16年就好喇 !
我想補充一句 , 小甘好 "man" 呀!
pak ma,
係,佢真係老成持重,上次家裡水浸,佢泰山崩於前面無懼色呢。
小甘輩份高,家中各成員都尊重牠的,甘爺的眼神幾有權威性 ,勁呀!
又要讚下您,關小姐的照顧無微不至,應記一功啦!
十五年是一段美好的人貓時光呢.....十五年後的我和貓貓王子會係點呢?
咪嗚,
十六年真是不簡單丫,你的貓好可愛呢,他會攤在你肚子上不肯走?或者在你的電腦前靣巡邏,趕也不走??
關於貓私語,嘻,我擔心無人買呢!!!多謝你捧場丫。
sammisp821,
無錯,不怒而威。哈哈。
我家的老貓公已相伴16年半了, 由當天回家時3個月大的小老鼠身型到今日的15磅噸位, 時間卻如昨日一樣, 而老貓公最近返老還童喜歡扮貓仔惹人注意, 又扮大聲公極力為自己爭取要求(放大喉嚨大叫), 要人俾大髀, 要人摸頭, 要人梳毛, 要人按摩, 要人掃肥肚腩, 總之不達目的就不罷休, 既不停口又在腳邊糾纏不走, 唉, 我只想這種日子再多16年...
p.s.: 關小姐, 請問幾時再出貓私語第二本呀??
就咁睇小甘呢張相,就感受到佢果份皇者既風範喇....
陪伴十五年不是一個短日子,願所有貓咪健健康康!