(河馬仔專欄)10月24日賽馬分析

河馬仔第二,四,八,十場心水選擇:
(馬場樂子代筆)

第二場 :

8. 威水福星 -雖然本身父系來港稍稍麻麻,來港大多都是中下班份子,但多數係跑兩三場便可見可人走勢,當然如果好似麗晶豪情咁就冇乜野講.晨操雖然仲有汗濕但19快跳 過步其實都步大力雄,唔可以同上場之惡劣狀態所比較.此駒一路以來在暑假後都有密密做工夫,上場大敗其實沿途食沙之餘仲要個馬頭馬尾一路跑一路週圍搖.只 要看看今季的草閘咁大汗但走勢扣住
都吸引的話,大冷不明物體.

是場心水 :
8. 威水福星 - 6. 風雲武士 - 2. 大地王者 - 13. 當旺

第四場 :

3. 實業英雄 -此駒韋達繼續騎番都需要留意的,上次谷草蝕住位走對此大長途馬來說其實進步好多.今場21號韋達快跳兩段明顯唔同,隻馬韋達HOLD到之餘但對腳係好似飛出去咁,四蹄盡展,馬身又收得比上場紮實,全場晨操最好此駒,隻馬仲要唔知仲有幾多分在手的話要吼實

是場心水 :
3. 實業英雄 - 5. 真係寶 - 10. 歡樂寶寶 - 6. 金剛驃

第八場 :

3. 友誼至上 -上場隻馬晨操毛又暗又冇神冇氣,仲要起步守在包尾內欄位,入直路後左塞右塞就到終點,真正望空時間真係寥寥無幾,講真上次當係一個草閘算了.今次20號踱步隻馬D毛色有番唔少光澤,仲要唔駛頂磅對住一批唔夠班甚至唔在狀態之對手,跑番千六又真係幾穩陣.

是場心水 :
3. 友誼至上 - 6. 自由好 - 11. 威利旺旺 - 13. 金獅威將

第十場 :

5. 包裝選擇 - 同一言為定比較,上場佢可在一個接近冇可能的位置風捲殘雲般輕勝.雖然今次要讓一言為定磅兼加程,但如計對手實力而言包裝選擇上場之對手其實唔弱得過一言為定上場之對手,包裝選擇晨操踱步乖巧好定,就算有難度都難言放棄.

是場心水 :
5. 包裝選擇 - 1. 一言為定 - 14. 名人 - 7. 豪情拍檔



是日三場全餐博冷門Q膽 :
(馬場彩珠代筆)

第二場 : 8. 威水福星

第四場 : 3. 實業英雄

第八場 : 3. 友誼至上



9月5日馬季開鑼,各位馬迷又要迎接密鑼緊鼓的賽事了.

今次的WALLPAPER三位看板娘及馬馬都變成了Q版,以亮相圈作背景.希望大家馬迷喜歡.在此祝願各位馬迷今季開開心心,歡歡喜喜,馬到功成!

今次由河馬仔出品、由同人組織天空音匣之畫師Mineko繪製而成。以發放。