黏在一起的季節
2010/11/05 07:01:44
網誌分類:
生活
經過毛毛飛揚的夏天,忽爾又涼了起來,骰仔每早例必打三個大噴嚏,揭開冬天的序幕。 貓爺無論跟誰有甚麼過節,都會隨着冬天來臨而一筆勾消。早兩日寒意來襲,最不喜歡黏人或被人黏住的小甘,竟和兩日互打一架的小Kidd隻疊隻,捲成一圈在沙發上睡覺;不遠處,紅豆慣常施展嗲功,卻連Cool爆的女皇Shane都願意讓牠靠過來,好明顯是想取暖。 大字形坐在沙發,奇景就來了,十隻貓靜靜各自從四方八面湊上來,左右大腿各一隻,另一隻佔據了膊頭,最暖和的肚子,給米米全霸住了,小襪苦無位置落腳,貼住我的腰坐了下來,最後大家都找到安身之所,我則被釘在沙發上動彈不得,十隻貓的重量全壓了下來,又真係好暖呢!難得的親子星期日,睡午覺就睡午覺吧。 關慧玲 |
![]() | |
關小姐:
無錯, 貓貓去到貓奴家長住, 就一定可以享福!!
隻英短只會在廁所有人+無人無貓在我床的情況下, 才會在我的被子上屙屎, 一爆就臭氣沖天, 全屋都瀰漫著臭味, 所以一定會知. 為保證牠不在我被上開大, 離開房間就必須馬上關門.
Old-Ox
old ox,
每次看到這些照片,都很感動,小貓b能來到你家,真有福氣。
我家用珠沙,一星期就要換一包,都好甘吓。但都無計。
你隻衰仔咁曳在床上疴屎?有無試過瞓瞓吓至發覺???![{#icons_cat2} {#icons_cat2}](http://img2.hkheadline.com/headline/blog/images/smile/cat2_50.gif)
關小姐:
我家多了1隻貓B, 1個月零3星期大. 現時合共有3隻貓, 大中小各1. 比較麻煩的是牠們的食糧不同, 較難分開進食. 貓B吃剩的, 隻英短(常在我被上屙屎那隻)去執, 英短不吃的, 貓B又去執. 想問問你家中有10隻貓貓, 需要每日換多少次貓砂? 1個月貓貓的花費(吃和如廁)多少?
現時隻貓B交給隻中貓(其實牠都只有10個月大)玩扮貓媽媽, 照顧貓B, 幫牠洗白白...... 哈哈, 牠們似不似兩母子? 當然大小事務都係由我打理.
牠們可調較到一模一樣的睡姿!
Old-Ox
暖包是旅行那種嗎? 要用毛巾包住用, 對嗎? 有妳們 跟我份享養猫心得, 真的很開心呢![{#icons_cat1} {#icons_cat1}](http://img2.hkheadline.com/headline/blog/images/smile/cat1_50.gif)
貓貓已走了...無從說話, 可能連主人也永遠不知道, 意外是如何發生, 雖然凡事總有 "意外", 但盡力提供一個基本的安全環保(裝窗網), 卻是每個主人最責無旁貸的責任, 而其他的潛在陷阱, 祗好靠主人本身的警覺性, 否則, 再深的教訓, 再久的內疚, 也不值得賠上任何一條寶貴的生命.
bluepanda,
真係好慘的新聞,玩玩吓就死咗,我相信主人都好傷心。
bluepanda,
仲要係死唔眼閉嗰隻~
rip![{#icono_58} {#icono_58}](http://img2.hkheadline.com/headline/forum/icon_face/icon_face58.gif)
今日看新聞, 天水圍有隻唐貓跌左落街, 在白車車頂上當場身亡......點解會咁0架....? 貓主係咪無裝網呢?
hoyiu
快去看醫生天氣涼 , 整個保暖嘅地方俾佢, 唔好冷親佢 , 貓貓怕冷的
我的幾個貓竇一早已經準備好幾張棉被
貓貓高興到訓過不停
準備好暖包for winter ok bye
hoyiu,
家中還有其他寵物嗎 ? 小心會傳染呢 ! 睇醫生檢查清楚好 d , 三個月就離開咗媽媽 , 抵抗力唔夠 , 好易病 , 要好小心照顧 , 打完針可能會有副作用 , 我 d 貓打完針有時會瞓好耐 , 好疲倦咁 .
天氣漸涼 , 整一個可保暖嘅地方俾佢瞓 , 唔好冷親佢 , 祝早日康復 .
謝謝大家關心, 幸好他胃口不錯,大小便正常, 可能只打了一釘,身體抵抗力差D吧 !我估猫是怕冷的動物![{#icons_cat3} {#icons_cat3}](http://img2.hkheadline.com/headline/blog/images/smile/cat3_50.gif)
hoyiu
不過貓貓返回家, 也要快看醫生,don't worry & take care
關小姐,
您真幸運呀,佢地咁愛您,是值得高興的
很窩心,真係好想睇下將你釘係
沙發上既情景 我家兩隻少爺其中一隻特別愛我,會靠過來沙發貼住我睡!真是很窩心的!
hoyiu,
有機會貓瘟,快看醫生。通常在寵物店出售的,健康都不好。有消息知會聲丫??
pak ma,
哈,你真的很懂我丫,有機會拍一張十貓同睡梳化的相給大家看。![{#icons_cat2} {#icons_cat2}](http://img2.hkheadline.com/headline/blog/images/smile/cat2_50.gif)
我剛飼養英短猫仔, 三個月大, 回家三天流鼻水呢, 現返回猫店食藥六天, 很擔心呀!![{#icons_cat5} {#icons_cat5}](http://img2.hkheadline.com/headline/blog/images/smile/cat5_50.gif)
哈哈!關小姐,您好似係度晒命呢!您真幸運呀,佢地咁愛您,是值得高興的!
好在我家兩隻少爺其中一隻特別愛我,會睡在我的手臂一起睡呢!真是很窩心的!
關小姐,
我很明白你, 雖然我沒有你十貓之多, 但我也做到左青龍右白虎(左一舊大脂肪右一舊小一點的脂肪), 也十分窩心, 這一刻牠們會讓你感受"唯獨你一個是不可給取替"的溫暖, 有時Miu Miu會在我脾脾上"搭"竇, 成個鐘都可以唔走~
哈哈~我家小寶同樣地一見張床冇人訓佢就即刻跳上去.....重要簡最軟熟個一張被黎訓.....但係始終唔願俾我地摸下...>
不過貓貓的而且確係最佳暖床....每晚佢訓完我媽媽再上去訓覺都話佢訓過個個位張被都暖左....如果再凍D佢肯同我地同床.....今個冬夜就不難過喇~! (千萬不要再係我張被上便便就得喇~! - 收埋兩個月再用嘅被一不留意都俾佢去左一次便便啊~!真係俾佢激親!)
米米媽,我好鬼羨慕你被群貓釘係梳化,隨手都可以掂到超級貓貓暖水袋,淨係得個諗字既我,都感覺到好溫暖囉...![{#icons_cat8} {#icons_cat8}](http://img2.hkheadline.com/headline/blog/images/smile/cat8_50.gif)
關小姐,
真係好想睇下你形容既情景, 一定好溫馨. (對我黎講係好震撼架...10隻貓將你釘係沙發上
wor)