噩夢的第二天

　　今早踢左囡囡同老公出門口之後，我就一直上網到九時多，便準備再覺覺豬過，因為我開始聽到隔壁正準備開工了，於是我開了歌來聽，仲係有咁大聲開咁大聲，跟住就入房訓啦！臨訓前，先調較好手機鬧鈴到二時，便倒頭大睡，一直睡到二時半，突然間醒了，看看鐘，仲乜二時冇響過鬧鈴呢？？難道我又聽不到，於是查看手機，原來我只調了時間，卻沒有把原來的ａｍ調到ｐｍ啊！幸好還懂得起床，匆匆梳洗過後，便帶著囡囡的琴袋出門去，哈哈！竟然比我一到巴士站就上到車啦！平日等親都要十幾分鐘架！不過，今日大塞車，我又冇帶手機出門口，我個心好急，怕遲了囡囡找不上我呢！在巴士上，有個女乘客致電路政署投訴，得到的回覆竟是還有一個半月這個工程才完工，即係話仲要塞車個半月囉！死得啦！

　　到達北角時，幸好校車還沒有到達，我靜靜在路邊等候，就在這時，有人向我問路，於是我便告訴她，誰料這時，校車便抵達了，ｖａｎｅｓｓａ好像還沒有發現我呢！於是我便衝上前，就係呢剎那，我立即放慢腳步，只見校車駛過一個水溝，把雨水濺到仍站在路旁的學童，大家都 "哇" 聲四起，追上了ｖａｎｅｓｓａ後，我們便去ｍ記了，她說很多功課做，於是她便開始做功課，而我呢？當然吃我的午餐啦！她一直做到返琴前十五分鐘，我便給她吃點東西，再去學琴，今日老師說她彈得不錯，可惜手指還是不對，仍要改進。

　　回家後，那些裝修工人已收工了，我今天差不多沒有受到嘈音騷擾呢！因為我訓到一隻死豬咁啊！不過，聽日先係最大挑戰，因為明天囡囡不用上課，唔知我地聽日會怎樣過呢！還是聽日先諗啦！但絕不再會是做豬囉！