熱鬧的新年
2011/02/11 08:45:55 網誌分類: 生活
農曆新年一般比較喧鬧,日日人來人往,這天一大夥人又殺到,個個拿着飲管、小紙皮等米米平日愛玩的玩具逗牠玩。米米很亢奮,在人群中追來逐去,走到尾都直,表演了幾次「肥貓彈跳神功」,看到個個嘩嘩聲。 玩到成頭大汗,米米再被好多人抱起來,誰知人人都說:「你好肥美呀,去年都無咁重嘅?」再將牠摸頭摸面摸手摸腳,亂摷一通。 貓的耐力和集中力通常都比較短,玩了半日的米米夠累了,自己坐到一旁舔毛準備休息,可是人的聲浪實在太大,多次幾乎睡了復被吵醒,只見牠抬頭茫然四圍望,很慘情的樣子,之後又被抱來抱去拍照,一直玩到晚上,才回復清靜。 米米平日精力過盛,每次回到家總是纏住我來玩,或者自己喪跑將東西全掃到地下。這幾天米米終於玩到夠晒皮,乖乖睡覺;我呢,終於可以安安靜靜在沙發攤開肚皮。 關慧玲 |
好想推介給關小姐&各貓友知道:就是暖水了,,,,最近天氣好凍,,,水也變了冰水,,我將凍沸水加入好少量的熱水........當然要用自己的手指測試水溫啦,,,不是凍水便可以了,,,,記住,,,,不是要大家比熱飲愛貓,,,咪攪錯........然後再叫貓咪飲,,,,,,,,,,,,我的貓是喜歡的,,,,,,,,,而且飲好耐,好似欣賞,,,,,,,因飲水是好好的對貓咪,,,,,希望大家啱用
關小姐 , 如果有人同你爭 , 米米 d 鬍鬚都唔夠分囉 , 到時可能連眼眉毛都遭殃.......
祝大家和家中的貓貓情人節快樂!
sinsinho,
我丫我丫,佢俾我抱著玩佢啲鬚。
關小姐 , 米米豁出去點知一鋪輸晒 , 咁邊位係庄家 , 奪得美男歸呢 ?
哈哈,米米佢瞓身買蝦,不過輸晒啦。
judith1213
佢都無買魚同蟹,分分鐘中o個2個
米米瞓曬身投注落魚蝦蟹度,贏左點賠呀!!!
臻淇貞子,
哈哈,你同我有同一個嗜好,鐘意嗰個人或嗰樣嘢,都想交佢一口。我成日都扮咬佢哋耳仔架,不過係無用力嘅。
枫叶飘飘,
我都想丫,但係日間要為口奔馳丫。
咁睇肥米好似好可口咁,好想咬一啖!
關小姐:你家的米米真是見得大場面,我家的胖胖如果有外人來嚇到......可能因為胖胖以前是流浪貓,怕我又將它丟掉吧,呵呵,每個星期五我都迫不及待的想看到你的文章,一個星期一次太少了吧,可以寫多幾次嗎?
關小姐:新年妳有無喺 "米米" 肥大嘅心口上面掛個袋袋抖利是呀? "娛樂費"或當係益吓關家十貓買零食都好呀, 佢一定大豐收啦, 其他貓爺仲有無邊隻出過場呢? "米米" 雖然咁鬼死可愛, 但成日都做 "破壞王"(最難頂係尿尿嘛..), 妳都咁包容佢, 證明妳對佢嘅愛真係好大好大, "米米", 珍惜好主人啦! 祝十貓兔年食得玩得, "米米" 減肥成功!
pak ma,
哈哈,不是呀,是因為那張角蝦蟹是新的,有陣米米好鍾意的紙味,一打開佢自己就霸住,玩玩吓瞓著咗咋。
仲有,咁多人同佢玩,佢不知幾高興。
早晨,,,,關小姐
我都很想做可以去您家的朋友呢,,,,,,,,因為可以見米米
您今日就要開罐罐比米米享用啦,,佢咁落力招呼好朋友.........您班朋友簡直係抽米米水啦,,,,,,,摸頭摸面摸手摸腳,亂摷一通,,,,,,,,,,男仔都可以說No架
冇陰功,,,,,仲好似當佢係籌碼咁樣??.......放米米係枱上買'魚 '蝦 '蟹
哈哈,,,,,關小姐..要再錫米米多d....米米咁乖仔 我愛您米米