咖啡味

2011/02/18 08:45:56 網誌分類: 生活

18 Feb

        很冷的天氣下，買來一部咖啡機，希望心情振奮一點。這個機器很有趣，放一個Capsule進去，就會有熱辣辣的咖啡沖出來。

        突然有新鮮的香氣瀰漫一室，貓咪們的鼻子亦忙碌起來，仰起頭來猛嗅。但很奇怪，對於人覺得香的氣味，牠們可不太熱衷，嗅了一陣，表現出一副沒有興趣的表清，繼續各自玩去，只有紅豆跳上來研究一番，索了一下，嘴巴微張，像是聞到臭屁一樣，就躍走了。

        貓的鼻子比人靈敏百倍，人覺得香的氣味，對牠們是否太濃烈呢？見牠們失去了興趣，便放棄了逗牠們，自顧拿起杯子進了房。才五分鐘，聽到外面貓聲鼎沸，原來是牠們發現了放在垃圾桶旁、包裹咖啡機的紙盒，幾隻衰仔合力把紙盒扯出來玩過不亦樂乎，搞到一地紙碎，歎咖啡最終又變成執屋。

        人和貓的氣味喜好畢竟不同呀，但貓大爺無時無刻給你製造混亂場景，慌死你忘記了，人才是屋子裏的工人。

        關慧玲

回應 (32)

我要發表

2011/04/26 10:36:26 回覆

關小姐:

我知紅豆這個張開口的動作是"菲林明反應". 當貓貓嗅到些牠認為很特別的味道, 便會張開口定格十數秒, 好似傻了一樣.

Old-Ox ${#icons_cat1}$

2011/02/25 16:10:02 回覆

肥雞藍藍Lucy蕃薯

你咁樣一講...小寶又好似中曬啊~!之前有俾三文魚刺身佢食過 (我地人食嘅都應該唔會有蟲啊?)佢超like架~!其他野佢臭下就走, 由其係貓貓零食, 佢臭都唔臭啊>

2011/02/25 13:08:02 回覆

tp03,
我朋友的貓貓試過吃了未熟透的魚, 結果嘔吐物裡有蟲, 小寶會否吃了未熟透的魚/肉, 甚至開了太久的濕糧呢 (也會有蟲)? 好了點沒有? 我家貓貓可能之前在街上給餵食了不潔的肉/水而便便有線型蟲, 吃了獸醫給的特強杜蟲葯後(成$65一粒, 啡色長型), 痾了兩晚蟲蟲, 便再未發現, 獸醫說兩星期後仍有才再要吃. 祝小寶早日無事. ${#icono_64}$

關慧玲 2011/02/24 15:19:09 回覆

聽有些超音波的都有效，我不敢用殺虫葯，驚貓食到呵。其實有貓有不會有昆蟲了，絕晒跡。

2011/02/24 13:32:43 回覆

各位貓友 , 講開殺蟲劑 , 請問各位覺得邊隻安全呢 ? bxo kill 可以嗎 ? 話對人畜都無害嗰隻呢 , 有冇人用緊 ? 定係滅蟲器好 d , 甚麼超聲波呀 .... 諸如此類嘅產品 ?

2011/02/24 10:20:45 回覆

tp03,

除了要注意昆蟲的細菌外, 最驚係小強身上帶有殺蟲劑(小強從鄰居處避難走入屋),小寶又誤吞了就不知不覺中毒了, 所以一定要多加留意~ ${#icons_cat6}$

2011/02/23 22:27:23 回覆

唉~~我都唔想俾小寶食到啊~~係佢自己成日係廚房d去水位啊~!我房有時都有簷蛇俾佢搵到...>

關慧玲 2011/02/23 12:39:01 回覆

tp03,

唉，我家一樣，無生物可以生存，但都好，我好驚小強呢。

2011/02/22 20:01:06 回覆

tp03, 小寶鍾意食野味 ? 小強同四腳蛇好污糟 ! 有細菌架 !唔好俾佢再食到喇 !

2011/02/22 18:39:12 回覆

CAT CAT

我諗小寶嘔同D藥味冇關, 可能係D藥效令佢嘔, 因為佢都食左12個鐘有多先黎嘔, 咩藥都消化曬啦~!

我家小寶都好LIKE乾淨, 洗手間呢D濕地佢都唔去架~~!我懷疑佢係係廚房同屋企搵到D小強同簷蛇玩個時, 玩過龍食埋落肚先出事 (我之前成日都見到係佢貓糧入面有半隻屍骸......依家我屋企除貓同人之前, 係再冇其他生物出現喇~!)

2011/02/22 12:19:48 回覆

tp03,

小寶嘔能係佢唔鍾意藥味, 少少唔緊要嘅, 我家嗡嗡細個醫生同佢餵藥, 返到屋企嘔返出嚟, 大拿拿成舊水一粒藥咁就冇咗喇, 對付蟲蟲係要時間嘅, 趁成段時間留意吓佢有冇去過啲污穢嘅地方玩, 如:花園 / 花盆泥等等, 嗰啲地方就係蟲卵生長嘅地方, 祝小寶無蟲健康~ ${#icons_cat9}$

2011/02/22 11:23:02 回覆

小寶尋晚都有嘔啊~~!但便便就唔多覺有蟲蟲....可能係我睇唔到啦~!而由尋晚開始都唔見有蟲蟲痴全係佢pet pet外面...可能都要觀察多幾日...兩個星期後再食多之

2011/02/22 09:38:06 回覆

${#icons_cat8}$ tp03,

杜蟲藥一般係3個月或半年一次, 試乎情況而定, 嚴重嘅係2個星期一次再慢慢減次數, 有啲杜蟲藥食完會痾軟便便, 都係正常嘅, 只要唔係持續都冇問題, 有懷疑可以問醫生~

噚晚小寶有冇便便蟲呀?? 記得share比全世界人知!!

2011/02/21 18:22:57 回覆

關小姐

小寶唔出街架~!佢返黎個時有食過一次, 都成十個月前嘅事喇! 杜蟲藥一般幾耐食一次架?

關慧玲 2011/02/21 17:56:19 回覆

tp03,

你家貓貓會出街嗎?細個時有杜過蟲?按道理家貓較少有蟲患。但唔緊要，藥食了嗎?請告之最新情況。

2011/02/21 17:46:38 回覆

我尋日買左杜蟲藥 (成$32一粒架 - 店主話係勁野), 尋晚餓左小寶一晚(因為個店主話要餓埋d蟲蟲, 等d藥效發展得好d) 我地都好心痛佢一晚冇野食, 好在小寶超乖一晚落黎都冇叫我地, 係一天光就叫我起身, 我見都差唔多咪早d俾罐仔同藥佢食, 佢又係一隻蠢貓, 只要你搵d罐仔包住粒藥就一定厄到佢食 ^^! 今晚返去睇下d便便有冇蟲蟲就知隻藥得唔得喇~!

cat cat: 我家得一隻寶貝咋, 所以佢都幾似寵生矯架~~!

2011/02/21 16:54:32 回覆

tp03, 小寶係好可愛嘅貓貓 , 你要對佢加倍愛護 , 才能獲得他信任呢 ! 加油呀 !

但杜蟲藥都係藥 , 小心 d 好 , 抱住佢一齊磅再計可以嗎 ? 用條大毛巾包住佢 , 快手 d 應該磅到掛 .

2011/02/21 16:20:02 回覆

TP03,

除了小寶, 家中還有其他貓嗎, 蟲卵會互相傳染的(因牠們會互相lam 屁屁, 然後吃到肚肚), 小蟲會吸收牠們其他有用的營養, 以及破壞牠身體的免疫能力, 嚴重的是傳染給你或小朋友, 可想而知後果嚴重, 所以你用甚麼方法都要給牠吃杜蟲藥,包括由媽媽負責餵食(因牠比較信任媽媽)以及撈落罐罐裡, 有一個牌子是我長期使用的, 叫和x達, 黃色長型盒, 約HK$60.00內有8粒, 你見我家蕃薯就知是WORK的, ${#icons_cat10}$ 希望你成功餵藥~ ${#icons_cat1}$

2011/02/19 15:27:29 回覆

sinsinho

我諗小寶都有5磅掛~我地都唔知點捉佢磅好~~除非又要有掛彩心理準備啦~! 我都曾經捉起過佢一下咁大把, 唔算重啦~!

小寶返黎個時有打過兩針咁大把, 因為之後跟本捉佢唔到, 依家因為我有清潔過pet pet 一見我望佢pet pet佢就走貓, 都近我少左......

2011/02/19 10:34:34 回覆

"是我變得貓化了吧?還是自己本來就是貓???" ${#icono_31}$

關小姐 , 你好可愛 ! 連到底自己是人是貓都混淆了 ${#icons_panda2}$ 各位貓友 , 可有同感 ?

2011/02/19 10:28:08 回覆

tp03, 杜蟲藥要依重量食架 , 你小寶幾重 ? 坊間同診所都有唔同牌子嘅杜蟲藥賣 , 可以問獸醫診所或者寵物店 , 問清楚食法 , 你有帶小寶去打針嗎 ?

2011/02/18 23:12:38 回覆

sinsinho

個衰女一早就識咁做喇~~就算未俾我地摸都識迎接人 (因為媽媽返黎, 我地就係時候卷起床...佢就係食罐仔時間...>

2011/02/18 23:09:06 回覆

有冇人知道係貓貓pet pet度成日都見到一粒米咁大嘅蟲蟲係咩原因啊~!? (我近排差唔多日日都留意到有一粒, 幫佢整出黎先見到係會伸長,同動架 !先知係蟲蟲 , 因為好細粒唔係咁留意都見唔到, 好嘔心架~!)點算~~help!

依家隻衰野一見我攞住張紙巾就唔行埋黎添啊~~!

貓貓度蟲藥幾耐食一次啊?

2011/02/18 19:23:38 回覆

tp03, 小寶依家咁叻 , 識得歡迎媽媽返嚟 ! 恭喜晒 !

2011/02/18 18:36:34 回覆

我媽每朝返黎, 一出電梯佢就認到腳部聲啦~! (有時見到佢唔知顧得邊樣, 唔捨得好味罐仔 / 跑去門口接媽媽扮乖女) 個個樣都幾好笑架~!

關慧玲 2011/02/18 18:18:25 回覆

bluepanda (法號熊仁--升不亢跌不慌--修煉中) ,

其實.....我都喜歡....由細到大都好鍾意新書的書味，是我變得貓化了吧?還是自己本來就是貓???

2011/02/18 17:10:05 回覆

貓真係好喜歡玩紙....難道他們喜歡紙的氣味?

關慧玲 2011/02/18 12:40:06 回覆

mtleung，

哈哈，你的貓都係鍾意紙盒丫!!!!! ${#icons_cat9}$

關慧玲 2011/02/18 12:11:59 回覆

sinsinho,

係丫，貓好像有未知能力一樣，唔嚇死就笑死。

2011/02/18 11:24:49 回覆

tp03, 小寶係咁可能佢係聞吓邊個瞓過 / 咗佢個位 , 佢哋嘅嗅覺同聽覺比較靈敏啫 , 點會係睇唔到 ? 你冇試過佢哋會突然間望住一個方向 , 好耐我哋先知原來係有人朝呢個方向嚟緊 !

2011/02/18 11:10:05 回覆

我有時都會懷疑貓貓係唔係盲架~~!走到好近用個鼻鼻聞一聞先知道原來有人訓左佢個位.....即刻走貓

2011/02/18 09:05:44 回覆

過年前我也買了這部咖啡機(顏色不同), 貪佢唔使洗同可以出凍啡&檸茶(個Sales話遲d出架). 買咗返屋企, 玩咗一陣, 就趕住出街吃飯. 點知吃飽飯返屋企, 班貓大帝已經拆開哂d紙盒, 攪到成地capsule... ${#icons_boy6}$ 都怪自己無手尾, 佢地又太快手了 ${#icons_cat2}$

網誌分類

已關注

關慧玲

咖啡味

網誌分類

已關注

最新網誌

最新回應

月曆