流浪貓之歌
2011/03/11 08:46:05 網誌分類: 生活
牠是烏嘴,一隻養在藥房的雄貓,三星期前走失了,店主和街坊都很焦急,擔心牠被車撞倒或遇上貓殺手。街坊在facebook貼上烏嘴的照片,請更多人幫忙找尋,facebook果然神通廣大,貼出不到幾天,烏嘴被好心人發現,並在十萬八千里以外送了回來。 三星期的流浪生涯,烏嘴應該吃盡了苦頭。渾身是虱外,鼻頭、嘴角、手腳都有皮外傷,耳朵嚴重發炎,似打架時被咬傷。後腳被磨至幾乎見骨,像被拖行過造成磨損一樣。由於烏嘴的脷也損了,吃不下東西,所以非常消瘦。朋友急急抱牠去醫生處打了抗生素,醫生已囑咐一定要讓牠靜養一段長時間。 烏嘴不是第一次走上街,街坊常見牠穿街過巷,只是今次離奇地走得遠,店主很錫牠,只是舖頭打開門做生意的,很難把牠留在室內,試過用繩子拴住牠,一樣會逃走,非常難搞。 暫時安置牠的朋友,正考慮跟店主商量找人領養烏嘴,不過,首要先替烏嘴做絕育手術,免得牠再發情而偷走啦! 關慧玲 |
嘩 ! 關小姐 , 對鞋俾貓尿浸過都著得咩 ? 點清理呀 ? 教吓我吖 , 成二仟幾蚊嘅鞋就放好 d 喇 , 唉 ! 唔係次次都咁好彩架 .
sinsinho,
係丫我都記得,真係經典。 早兩星期我日日都夜放工,某晚衰米就在我常穿的鞋子內撒了尿,唔俾我再出街唔理佢掛??但對鞋二千幾蚊架,好彩清理完著到咋。
Blue panda, 如果你係 關小姐fans , 一定知道冇人比 cat cat 更有經驗幫你 , 佢試過帶埋禮物出街添呀 !
bluepanda,
唓...好少事姐, 我屋企成日發生啦!!
我家Garfield仔如果佢之前俾蕃薯仔蝦, 咁嗰朝一定會"有寶", 床呀, 地呀, 枱呀咁, 所以每見蕃薯仔蝦佢盲要教訓佢, 否則佢會覺得我哋偏袒蕃薯仔而報復, 唔好奇怪, 正常架, 又或者係真係想係關心佢多啲呢!! 最普遍係便盆唔乾淨都四圍便便, 再唔係佢只係想"BB有便便, 開心到要share俾全世界人知"~
bluepanda
貓貓D便便味係你同我都聞唔到, 但佢就可以聞到, 所以絕不能掉以輕心....
我家小寶就係一個貓版啦~~你太緊張日日煩住佢....佢又會板起個貓面俾你睇, 同你係夜晚攪作對; 你唔理佢...佢又會時時刻刻貓你, 搵你幫佢抓背脊...(我尋晚就俾佢煩左我一晚冇覺好訓...佢夜晚唔訓早上你地返左工佢就可以訓足一日...>
bluepanda,
可先用漂白水洗被袋表面,再拿去乾洗,萬無一失。
貓唔聲唔聲,其實很要主人關注的呢,再唔得閒,都要摸吓頭仔架。
tp03: 但係係無臭味喎,,,奇怪啦. 我那張是羽絨被, 拿去乾洗, 能洗得乾淨嗎?
bluepanda
哈哈~!真係恭喜曬~~!我之前都有咁經驗......你要搵漂白水洗被先得架!
貓貓會咁樣便便一定係非常想吸引你注意......佢食得呵得會有病病嘅機會好低...
不過貓腦諗緊咩...我地估到至奇.....^^
關小姐:
謝謝回覆. 最近都在家裡, 可能要工作, 較少跟牠玩或摸牠.
我昨晚清理時, 奇怪竟然沒臭味? 如有臭味, 我一早已發覺, 不會待睡覺時才知道中獎. 便便都是一粒粒的, 跟平日的顏色一樣.牠只拉大便, 沒有在床上小便, 已經好比面了.貓貓是不是生病了?
期待你的回覆.
bluepanda,
貓改變上廁習慣,是一種徵狀,你最近不常陪牠? 還是廁所不清潔?
不過未找到原因前,快快手把床上氣味除去,否則佢聞到陣味,以後有可能將你的床當成廁所啦。
關小姐及各位貓友:
昨天太幸運了? 昨天我臨睡前竟然在被窩裡發現貓大便. 我是第一次遇到這情況啊. 為什麼會這樣呢? 牠一直都乖乖的在貓廁所裡大便, 我看到網上有人說貓貓覺得主人不常陪牠, 故意這樣子.是不是真的?
怎麼辦啊?
關小姐 , 烏咀休養成點 ? 好返晒未 ?
其實如果佢主人一早同佢絕育 , 可以避免好多不必要嘅麻煩 , 或者唔需要送佢走 , 可以繼續留低 , 畢竟貓貓要換主人對佢嚟講是一件可悲的事 , 好無奈 , 但他有選擇的權利嗎? 動物唔同人 , 特別係貓貓 , 要重新適應 新環境 , 係需要一段時間 .
只希望新主人會更加愛佢 , 可以盡快重新開始吧 !
佢個樣好似我屋企街口獸醫診所內, 而家有 2隻等待領養嘅小貓其中一隻, 個嘴仔又係有小小黑, 好得意嫁, 如果有人喜歡貓不防去睇睇!!
人們要好好保護小動物 人類建造的城市對小動物來說太危險了
sinsinho,
就是有主人認為絕育不一定要做囉。
又一個幸福既小朋友! 主人一定好唔捨得! 不過新主一定更錫佢,祝烏嘴早日康復。
真係開心呀! 烏嘴有人收養喇! happy ending!!!!
可以入屋住 , 有人照顧就好喇 ! 畢竟 "自由" 代價太大 , 分分鐘賠上性命呢 !愛佢就要保護佢免受傷害 , 但我唔明前主人咁錫佢 , 點解唔一早同佢絕育呢 ?
臭蕃薯,
個主人都知道keep住在鋪頭佢或者會再走,擔心佢終有一日遇到不測,況且領養者係街坊,可以說是朝見口晚見面嘅,帶住佢去玩囉。
佢主人咁錫佢咪會好唔捨得佢囉!!!
最新消息,在fb發貼尋找烏嘴、又將牠安置在家裡養傷的的街坊決定收養牠,烏嘴以後有好日子過啦。 希望更多街貓有像烏嘴般遇到好心人啦。
@@太好啦!XD
但係我衷心希望烏嘴唔好再偷走去玩啦...攪到自己傷痕累累又令到主人擔心哦^_*
乖乖聽話囉~~烏嘴^3^
搵番就好喇...^^