放不出的屁
2011/03/18 08:46:09 網誌分類: 生活
阿寶的PatPat附近,突然多出一個小傷口,好像被刀子拮出一個缺口一樣,神經質阿寶有追咬自己尾巴的「嗜好」,擔心牠弄傷自己,立即帶牠看醫生。 醫生很冷靜,檢查一番後說,阿寶是肛門腺爆了。原來貓PatPat附近充滿着肛門腺,作用是面對敵人避無可避時,排放出來干擾對方再伺機逃走,等於放出一個大臭屁,膽小鬼小Miu被醫生助手捉着打針時,就經常使出這一招,真係臭到眼都睜不開。 如果貓玩得太過興奮的話,一樣會自己排出來,他估計阿寶是想放屁時肛門腺塞了,所以逼爆了皮膚。 醫生說這狀況對貓來說十分常見,可是我養貓十多年,還真是第一次遇上,一臉疑惑下,讓他替阿寶打了止痛針和消炎針,再吃一星期的抗生素,盛惠六百八十元。 就是要醫治一個放不出的臭屁,竟然要付上天文診費。 |
old ox,
呢隻砂係不時斷貨的,但一番貨,間鋪就會打電話通知我,才入了一箱八包。
關小姐:
先幾日電話訂購石x牌貓砂, 昨晚寵物用品公司打來又話無貨!!
Old-Ox
ROLE PLAY: 一 LIFT 都係人, "BULL" 一聲之後, 個個都鬥快掩鼻 + 眼碌碌扮搵 "真兇"(當然兇手有時可能唔祗一個TIM! ), 當然包括 "行兇者" 啦...
關小姐 : 證明 "扮天真" 乃 動物 之天生本領, 好嘢.
"小寶" 好可憐, 祝你早日康復.
Old ox , 邊有咁多日本貨吖 , 全部都係國產 , 加幾個日文, 寫個日本牌子就當日本貨喇. 真正日本貨價錢嚇死你
祝阿寶早日痊癒!
old ox,
無問題噃,有貨,已訂咗,你訂到嗎??
我都有點擔心食開果隻金裝貓罐仔會否斷貨......
old ox,
我吾想拎,所以所有貓食用品都係電話訂送上門嘅。石x碎砂斷貨?真係問問先。
關小姐:
知不知日本大災難之後, 石x牌破碎珠砂有無因日本海港全面封鎖而斷貨?
有無其它經濟實惠的破碎珠砂介紹? 現時正試用惠x超市的FIRST CHOICE, 以前亦有試過某個來自北歐的產品(係送1個貓砂袋那款), 因為沒有送貨而需要由老遠的寵物用品店抬回家.
Old-Ox
看慧玲的網誌,真係學到好多野!增廣見<聞>啊! +2
old ox, 咁你冇咩就唔好刺激佢喇 , 小動物唔 "襟" 嚇 架 .
以前隻大灰熊面對另一隻有敵意的巨型家貓時, 不只放臭屁伺機逃走, 還要拉埋屎!!
Old-Ox
我家隻貓B都有放臭屁. 家父話在大廳看電視, 隻貓B走過他身旁後, 便聞到一陣臭屁味, 不過貓B放的不是響屁!!
Old-Ox
bluepanda,
佢同人一樣,都識唔好意思???
cat cat: 我都試過呀.....屋內只有人貓, 貓貓坐响我隔離, 忽然梳化bull一聲, 跟住有臭味, 我懷疑地望住貓貓....佢竟然躲我視線呀! 哈....
原來貓真係識放屁架, 有次屋企得我同Ball Ball, 而佢企響我面前, 突然聽到一聲好細"bull", 之後一陣貓屎味, 咁好明顯唔係我一定係佢啦, 佢事後仲要攞個頭仔撞我~~
關小姐:
醫藥費咁貴,只因阿寶不同凡響嘛....肉痛都要啦.
希望阿寶個屁股快D痊癒啦.
bluepanda,
哈,你真幽默。 他的傷口仍未好番丫。
哈....阿寶放屁.....下一句是什麼呢?
呵.....不同凡響!