偷聽貓貓心

2011/04/15 08:46:30 網誌分類: 生活

15 Apr

        很多朋友都試過動物傳心術，見效與否眾說紛紜，人與動物之間，是否需要第三者？有些傳心術不是沒有根據的，但有的卻搞得太似神棍，可是大家總又會為知多了貓的一點點而雀躍萬分。

        其實，人對於貓的眉頭眼額也不是完全沒把握的，牠們的喜怒全寫在臉上，餓了會在你腳邊團團轉；不搭理牠，或會再輕輕咬你的手一下；高興時打開肚皮，不高興用屁股向住你，被激怒了就狠狠啤你一眼；當目光沒有了焦點，尾巴左右輕輕擺動，就是百無聊賴，連貓也不知自己在想甚麼。

        養貓養久了，自會懂得，不需要第三者告訴我。

        不過有些舉動，又不是能簡單地一言兩語可以解釋，例如米米玩到亢奮會撒尿、阿寶會無端端打貓、小襪上街會流眼淚等等，當人很想偷聽牠們的心聲時，便造就了傳心術這門生意。對我來說，這就跟貓友討論湊貓經一樣，當作心理輔導好了。

        關慧玲

回應 (12)

我要發表

2011/04/21 12:58:01 回覆

關小姐 , 係呀 ! 我都唔明 , 明明有兩個兜 , 其中一個已經瞓咗一個 , 冇位喇 , 另外嗰個係都要一齊瞓 , 瞓喺上面 , 攪到下面嗰個只見到個頭同隻脚 , 奇在下面嘅又唔走 , 由得佢瞓住 . 佢哋天生鍾意迫架 ?

關慧玲 2011/04/20 18:05:15 回覆

catcat，

貓係咁，愈細愈窄的東西，愈想迫入去架。

2011/04/20 14:32:01 回覆

其實我想講呢, 響隔離有個大紙箱, 又有張靚靚貓床, 足夠兩隻貓瞓有餘, 偏偏對呢個紙箱情有獨鍾, 我諗係因為可以兜口兜面望住我哋睇電視~ ${#icons_cat9}$

2011/04/20 11:09:35 回覆

cat cat , 佢好似直情 '塞唔入" 個紙箱 , 只係坐喺上面咁 , 好無奈嘅表情 ${#icons_cat3}$ !

2011/04/19 10:10:19 回覆

關小姐,

個紙箱, 佢同傻Miu輪流爭住瞓, 傻Miu瞓就啱啱好~

關慧玲 2011/04/18 13:40:26 回覆

catcat,

哈哈哈哈哈。

真係好好笑丫，你睇埋佢個表情!!!!!

2011/04/18 12:24:36 回覆

唔係我大份, 係個紙箱細咗啲姐~

2011/04/16 10:21:06 回覆

我都同意 bluepanda 話 "如果要透過第三者才能跟貓貓溝通...總好像隔了一堵牆", 但係有時佢哋無拉拉大叫時, 真係好想知佢哋叫咩架, 又唔係肚仔餓, 你去搵佢佢又唔理你, 真係唔知佢想點架

2011/04/15 16:03:55 回覆

如果要透過第三者才能跟貓貓溝通...總好像隔了一堵牆啊.

關慧玲 2011/04/15 12:21:50 回覆

係丫，今朝早入廚房餵食時，米米施施然從其中一個櫃推門出來應我，好像人仔被人叫醒一樣傻傻吓，睇見就笑。人與動物的互動，真的好簡單。

2011/04/15 12:15:35 回覆

其實貓係一種無時無刻都會真情流露的小動物, 只要時刻觀察了解, 代入牠們的角色, 其實不難知道牠們在想甚麼, 多花時間精神去陪伴牠們已可以治療心病了, 同樣地我們亦希望我們愛或愛我們的人多些陪伴了解自己一樣, 一樣能醫百病, 何需花一大筆無謂金錢給一些所謂"治療師", 他們最後了解小動物的結論是 : 希望主人多陪伴我陪我玩, 不要天天不理我等....... 不是麼?? ${#icons_cat1}$

2011/04/15 11:45:17 回覆

其實只要對小動物照顧周到,肯付出愛同真心去對待佢地,彼此都有交流,就算有時一個眼神都好,大家都會收到大家既信息... ${#icons_cat1}$

偷聽貓貓心

網誌分類

已關注

最新網誌

最新回應

月曆