老掉了牙
2011/04/29 08:46:38
網誌分類:
生活
平日甚少機會能仔細端詳小Miu的長相,皆因牠怕人又怕貓,常常神龍見首不見尾。之前乍見牠打呵欠,才發現牠斷掉了一隻虎牙,貓樣好似失去平衡一樣很好笑。昨天打算捉着牠拍照,一看才知大件事,牠的另一隻虎牙,又不知在何時也甩掉了,變成名副其實的無牙婆婆! 牠無蛀牙,牙齦沒有發炎,搖搖牠其他牙齒,也很堅固,最大可能是咬到硬物,或者是年紀大了,老得掉了牙。 貓在五個月大時,會像人一樣換牙,但這情景我從未見過,可能家中一直不止一隻貓,看不到太仔細。醫生說要常替貓隻擦牙,才能有健康的口腔,可是說時容易,有些貓是可以的,但把牙擦放進小Miu貓口,牠會同你死過。 從前襪仔和黑雪都甩過上下排幾隻小牙,都是因為年紀大了,小Miu雖已過十歲,但十歲不算很老,而虎牙是最堅硬的,怎可能兩隻齊口斷掉?更合理的猜想,是牠不知哪一次又受驚了,到處亂竄躲避撞崩了牙! 這倒也好,下次牠發惡咬我時,會減少兩個傷口,殺傷力大減呢! 關慧玲 |
關小姐:
越睇小MIU, 越覺得她似"俏皮扮嘢貓"的"嘉德里奧",米米就似"米高", 咁......阿寶就似"波波"!!
Old-Ox
antydorothy,
我都覺得小miu係因為咁撞斷了牙,因為佢驚青時蠻力好驚人。
cat cat
我其中一隻大貓虎牙都斷咗一半, I saw the doctor he said don't worry ar可能是咬到硬物 又或者到處亂竄躲避撞崩了牙
所以作為一個負責任的主人,經常要關注一下自己的寵物身體&身心,最近我的小白仔非常嗲我,牠是隻7歲大的男黑貓,,像骰仔一樣的,最近好多嘢同我講,又跟出跟入,食嘢&飲水都要嗲下,比平時多,我也在關注中,,,,,,為什麼?
Garfield仔幾歲大佢其中一隻虎牙已經斷咗一半, 之後一兩年到Borgee又係咁, 我都唔知點解??
嘩! 得返2個窿? 小miu個look都好全城戒備喎~
原來沒有了上面的兩隻虎牙是會有兩個小孔的﹐我都是第一次見呀。
不過我亞豬最近唔知點解常常喜歡咬人呢﹗