幸福在此時
2011/05/06 08:46:40 網誌分類: 生活
很喜歡看貓睡覺,尢其是假日的午後,睡睡醒醒地,牠們絕對可以睡到日落西山。偶然手仔腳仔唞兩下,是在夢中玩耍吧;醒來睡眼惺忪,沉思一會,眼皮漸重,復又再呼呼睡去。 米米大情大性,永遠將自己肚皮打開躺在客廳最中央,一點不怕你踩到牠,也只有牠最胸無城府,不介意你任意搓牠肚子的毛。常想,牠們憑甚麼可以這樣放心過日子?天塌下來都不怕? 因為貓爺們太清楚這裏是安樂窩吧?準時有食物,貓屎有人剷,天熱了有冷氣,天涼了到處鋪毛氈,還有梳毛、剪指甲、洗澡服務,幸好牠們對食物無甚要求,不會今天法國菜明天西班牙菜的。 當然,有這種生活還是要付出一點,就是當我累透時,愛隨便撈起一隻抱在懷裏,逼牠聽我嘮嘮叨叨,米米聽着聽着會變飛機耳,然後一蹬跳走,紅豆就會睡魔急Call,邊聽邊睡去。 下一世如果身份對調,我能有這種幸福生活嗎? 關慧玲 |
我都成日同朋友講:"做貓真好啊! 由朝瞓到晚, 唔使工作, 唔使讀書,唔使做功課, 什麼壓力都沒有".
不過, 每當想到街頭巷尾的流浪貓時, 我會希望貓貓明白幸福不是必然的.
現在我立刻想做,不等下世
見到自己照顧班貓爺咁舒服、咁滿意個樣,其實都會好開心架,是嗎?
最緊要祝關小姐您工作順利,與一班貓爺都身體健康,日日笑口常開!
成日聽d老人家講,前世做好事, 今世就會有好日子過, 我相信米米佢地雖然做左小動物, 但係佢地享受既程度絕對好過做人囉, 所以米米媽你話如果下世身份對調會唔會好似米米佢地依家咁幸福, 我相信應該唔係問題, 暫且今世你要繼續對佢地好d呀....