殭屍
美國昨日係國慶日，股市休息一天。
美股6月份最後一個星期，連日爆升。杜指五日內抽升650點，令好多投資者跌曬眼鏡。唔少交易員在6月初睇好被夾，月中轉睇淡，月底又中招，左一巴，右一巴的，損失慘重。
美股呢幾日升得勁，除了得力於希臘債務危機得到緩解，歐股及歐元反彈，美元回軟外，主要的導火線還是美國供應管理學會(ISM) 接連公佈的芝加哥地區及美國6月份製造業採購經理指數（PMI）都遠好過市場預期，反映美國製造業仍然在擴張之中，為市場帶來意外驚喜。
呢次升浪對好多分析師同交易員來說，實屬係意料之外，睇番美國其它方面的經濟數據，股市又真係無理由咁靚仔。上週四公佈的首次申領失業救濟人數有改善，減少1000人，但遠比市場預期的8000人少，失業率仍然高企於9.1%；美國5月份建築支出連跌第六個月，創將近12年來的低位；食品及燃油價格不斷向上，就業又沒改善，美國消費者對前景亦唔樂觀。6月底的消費者信心指數為71.5，低過6月初的71.8及5月底的74.3。美企第二季度業績公佈期下周展開，美股後市究竟係龍係蛇，到時至有分曉。
相對美國的PMI數字，中國及歐洲理想就大為失色，中國同期的PMI為50.9%，較去年下跌1.1%，係連續三個月下跌。歐洲更弱，已經跌到18個月以來新低。
而家老外市場的主流意見係認為中國問題好多，經濟可能硬著陸，地方債務會爆，民企全部作數，總之無樣好。但也有少數樂觀一族，例如摩根大通的環球市場主席環球市場主席Jing Ulrich 就話，投資者對中國過份悲觀，中國股票的現價已反映了「硬著陸」的可能，但她認為這件事不會發生，中國經濟今年有8至9%增長，隨著通脹行將見頂，下半年中國政府將會放鬆緊縮政府，將焦點重新放在經濟增長上。佢又認為而家中國股票的12倍估計市盈率十分便宜。
另一個中國樂觀派係摩根士丹利亞太區非執行主席羅奇，佢睇好中國，睇淡美國。佢早前接受訪問時話，美國的消費者受高失業、高債務以及金融系統「去槓桿化」影響，步履蹣跚，消費可能要3至5年才復元。佢引述自2008年起13個季度的數字，美國消費的年增長率只有0.5%，這是美國過去未見過的現象，在衰退後可以有咁長的消費疲弱時期，所以美國呢個後危機時代，仍然有大問題發生緊，消費者變成「殭屍的一代」。消費佔美國本地生產總值(GDP)70%，所以消費者變殭屍，對美國經濟影響好大。
羅奇話，亞洲如中國、印度等國的35億消費者，將可填補美國消費者的空缺。但呢個係一個好大的轉移，因為亞洲新興國家過往由蓬勃出口帶動經濟，由於出口增長太勁，所以亞洲國家內部私人消費佔GDP的比例，由2002年的55%，跌到2008年的45%，而中國消費佔GDP的比例更只有35%(不是消費實額減少，只是出口增長太快，拉低消費所佔的比例)。
羅奇特別提到他受到中國新一個五年規劃鼓舞，認為中國的消費者可以接力，因為按規劃中國會大力發展消費，包括增加就業，提升工資，並建設社會安全網，提升國人的消費意願。未來5年你會見到中國消費者的強勁推動力，令中國可以免除過份依賴出口而受美國的殭屍消費的影響。佢估計而家到2015年，中國私人消費佔GDP的比例可以上升5個百分點，這樣對部份對中國有很多出口的東亞國家如南韓、台灣、日本，特別有利。
如果羅奇睇法係啱，中國經濟問題係短暫的，美國經濟問題先至係長遠問題。中國為對抗通脹而要嚴控信貸，到通脹一受控，只要阿爺放番少少水出街，經濟就會好番，無根本性問題。而美國經濟靠消費，消費前所未有咁差，經濟亦唔會好。未來可以睇美股悲觀少少，睇中國股市樂觀少少。
陸羽仁
(我外出公幹，今天暫停答問)
Dear Luk Sir
3 questions:
1. Is it the right/good time to buy 939, 1288, 3968, 3988 now? Or, for 939, still wait for Bank of Amercia to 減持? Or, we have still to wait later to buy any Banks in China.
2. If 沽空比率 (e.g. 939) is large, it means it will ｄ ｒｏｐ or rise?
3. If HK$ is at say $7.77, it means HK$ is strong (means hot money coming in?) or weak (means hot money moving out?)?
Many thanks
rayray
K i 先生~ (阿太我搭咀), 你朋友約唔到女仔, 七成機會係女方無意思, 其餘三成就需睇女方反應, 即係女方樂意傾偈嗎? 有無記得男方曾講過既野? (女生會留意意中人講過咩, 例如:男方昨天病到七彩)見面時有無些少眉花眼笑? ....唔出來約會也許她未揀定呢!
陸sir今日做「marketing的我」
【明報專訊】近年一隻十分惹火的股票，是蒙古能源。據說，這股票的第一任莊家，是一個哨牙的人。一堆富豪奉他為首，以他為莊家，令他感到飄飄然，以為自己真是大哥了。於是，這位大哥把這股票大炒特炒，炒高了數十倍，結果是，眾位富豪分光了他的身家，而他則輸到甩褲收場。唔係咁容易做一眾富豪的大佬咩！
這故事教訓我們，永遠是有錢人賺窮人的錢容易，窮人賺有錢人的錢難。所以壞人不應該去擦有錢佬的鞋，而應該打比你「低一格」的人的主意，因為他們更容易受騙。
呢part 同陸sir 講既擂台比賽呼應, 看來事實就是如此.
子龍，又是晴朗的一天呢.
等多六年？唔好啩
buddaau
要上40,000, 先上30,000 嘛. 做人保守d好既.
二打六: 30,000點, 要等多六年?
又是晴朗的一天呢.
噢...奇哥的朋友, 港女真是太無情呢.
亨記，今次你真係塞翁失馬，焉之非福，而家咪幾好...
多謝陸sir 六年的指導, 實在一生受用. 希望下一個六年陸sir會陪我地睇HSI上30,000.
中場解籤, 呢個形容真妙.
yy,
基本上約兩三次都不出可以好確定無意思，連做普通朋友都無意思!
MonsterGary,
兩個都不是，只顧自己係公主；了解我工作的是忘恩負義跟佬走。我以後唔會再提佢兩個呢!
早晨各位 !
今早刨文, 見到 k-i朋友的問題, 我的答案是90%對佢無意思.....
恭喜頭條六嵗生日,原來陸sir 寫左6年... 勁勁勁..
Yeap ... HK quite strange ...
Telecom market ... already die cos the competition too keen ... it is really keen competition ... only the most excellent can survive ... can you find 1Gbps symmetrically fibre service less than USD25 per month in other countries ???
Property market ... still protected by the government high-land-price policy ...
SIGH ...
亨記: 係咪即係你之前講o果個係了解你工作o果個? 而唔係以前只顧自己o果個?
btw 真係要膽大心細面皮厚(係唔怕醜咋，唔好做賤o野)，不過我覺得真誠係最緊要。
k-i,
不是「新」女友，係唯一的好另一半，好伴侶...(下刪一千字)
緣份吧, 自己大膽吧, 執好自己初見成功吧 (這要多謝陸SIR和眾博美的意見, 支持, 鼓勵了!)
唱好搵食
2011年07月06日
連番反彈後，港股走勢反覆，恒指全日在250天牛熊分界線附近徘徊，全日波幅大約170點。恒指午後最低跌至22707點後跟隨內地A股反彈，跌幅收窄至23點，收22748點，仍企於250天線。國企指數跌31點，造12842點。大市成交縮減至僅609億元。
市場繼續關注內地宏觀金融政策轉變，國務院將於本月內召開常務會議，為下半年經濟政策定調。市場普遍相信通脹到7、8月以後有機會見頂回落，中央短期內雖然維持緊縮性政策，但預計中央會對包括中小企、地方融資平台及汽車業等個別行業，作出「定向寬鬆」的政策，放寬中小企的借貸，以免造成經濟大幅下滑。
市場預計央行會繼續加息，壓抑大型企業信貸需求，令資金轉移至中小企。人行最近召開第二季度例會時強調要貫徹實施穩健貨幣政策，通脹預期今個月會「破六」，所以相信人行可能會在這星期內再加息。
大行籲吸內房水泥股
外資行開始唱好番中資概念股，里昂發表報告，看好內房股。內房股表現突出，支撐大市。中海外(688)
升2.8%、華潤置地(1109) 
及富力地產(2777) 
及SOHO中國(410) 
升逾3%；世房(813) 
及遠洋地產(3377) 
升近半成。大行瑞信就唱好水泥股。
瑞信認為，內地需求前景呆滯，中資鋼鐵及鋁生產商盈利下行風險好大，將鞍鋼(347)
及馬鋼(323) 
今明兩年盈測平均調低64%及56%，但將中資水泥股今年盈測平均上調17%，基於假設今年餘下時間毛利維持穩定。預計上半年盈利升幅較大股份包括山水水泥(691) 
、中建材(3323) 
、海螺(914) 
及華潤水泥(1313) 
，目標價分別升至10.4元、23.3元、37元及8.7元。上述股份昨以山水水泥升幅最大，股價四連升兼連續兩日創上市新高，勁升6.7%。
大行對內地經濟硬着陸的憂慮降低，開始唱番好嚟搵食，陸續揀啲股份買吓，不同板塊借勢輪流炒上。
《頭條財經報》有龍則靈
陸羽仁今日翻開報紙，醒起原來《頭條》六歲生日，仲有新搞作，就係炮製出「報中有報」的概念，把頭條原來的財經地產組合起來，自成一國，儼如報紙中一份財經報。
老編解釋呢個理念時話，管理層係分析《頭條》讀者群時，發覺原來除了讀者人數係全港最多外，睇財經的讀者，數目遠超傳統收費財經報章，投資讀者多出人數以倍計，可以話相當驚人，既然擁有咁多優質讀者，咁點解唔順水推舟，加強財經嚟回應讀者訴求呢？於是「報中有報」的頭條財經報呢個概念就誕生咗嘞﹗
老編仲好賞面咁話，幾年前斟陸羽仁寫專欄，發覺讀者迴響好大，由此悟出咗個道理，「水不在深、有龍則靈；山不在高、有仙則名」，報紙內容最緊要係精。今時今日投資市場資訊爆炸，連篇累牘的報道，不如一矢中的嘅分析，而家要攞市場資訊，通街大把，最重要係有鮮明的分析同聚焦的解讀，幾則精準報道、幾篇有料分析、幾個名家推介，是今日讀者在消息氾濫下最大嘅需要，所以最近頭條先後邀請郭艷明、黃瑋傑、麥萃才、雷雨等名家，又同財經網展開互動，每日中午有中場解籤，總之創意內容陸續有來。
陸羽仁
亨記：Clinique有件洗臉梘都幾好用，可以用好耐，佢有男士系列，對問題皮膚都幾有效。
小ki：一個男仔約一個女仔，約極都約唔到，原因只有一個，就係對他沒有意思。
如果有好感，係唔會咁難約架，有啲性格主動啲嘅女仔，可以主動約對方添。
袋鼠：早晨噢！
我都記得然仔留言時好中意+條魚，而家大個咗做將軍，仲成日同曹嬰決戰添。
飛哥，good luck
hope you will find your kindred spirit soon
k-i:
你朋友約個女仔出o黎做乜先? 同個女仔識o左幾耐呢? 關係有幾深先? 唔知好難答稼....就算係新識既異性，約佢出o黎食lunch同食dinner都好大分別稼。
陸羽仁先生：
在零售時裝股中，999的P/E最高，而448和130的P/E最低，差別很大，是否主要因為999是龍頭（巿值最大）呢？初步看，448、130以至647不會差過999；我持有130，已賣出部份止賺；若看1至3個月，如何部署呢？
謝謝。
6-7-2011
雖然唏噓，亦是甜蜜… sigh
by the way 是否只此一人？ 可以等，但也不要久等，因為時間唔等
PS 大笨有個理論，熱戀只是在乎擁有，淡如水的才會天長地久… 前者在於追求心跳感覺，若不改變心態，(唔排除有例外)大多數情況長期對同一個人，很難保持這個心跳感覺吧？有聞離異的人，有的就是追求這個感覺。
朋友話，等待不苦，苦的是沒有終點的等待，沒有希望的等候
女人心，海底針… sigh...
奇哥嘅朋友A，最好都係搵姐姐答會準確啲
又係諗起monica﹐上年佢都講好多公主嘢
不如今日開市，如果個市又係咁悶 (睇完道指而家咁款，好大機會)，到時再問，一定大把姐姐仔答噢…
PS Good Luck，wish you be in love with a kindred heart
PS2 Kathleen，晚上係妳在線，有無嘢可以寫俾ki嘅朋友A？
鼠鼠:你點睇我朋友的問題?俾小小意見吖
Eric - 沒腳鳥，只係討論問題，唔使唔好意思噢
當然，我們可以全盤接受弱肉強食的森林規則，將所有資源給予最強的一族，但我估可以稱得上文明的社會是不會毫不保留接受這個規則 - 大慨大部份人不會想見到優生學的斯巴達吧。如你所說，社會是要在公平和效率找到平衡；然而資源分配的公平性及有效率性，這兩點就是要在定義上達成共識，其實已經可以有排拗。
袋鼠主要都係在「起跑線」和遊戲規則的問題上，和阿ki意見相似。不過如果可以狹義回到討論導火線，再將範圍集中在香港，看地產商在香港的議價能力，及其各種需出的手段，地產霸權四個字，這種稱乎未必為過。
這只是觀察而已，大慨大部份人只能吐幾句苦水，然後接受這現實，再另謀生存之道 - 其中一個係 if you can't beat them, join them
PS. 挑戰現實當然係另一個方法，但天下無幾多人係英雄造時勢(雖然扮英雄嘅人就大把)… 但係大笨袋鼠一定唔會咁做，最好俾我得閒爆幾句粗口，跟住又縮番埋過平穩生活
朋友請教阿ki一個問題，阿ki唔多識答，請教大家：朋友很喜歡很愛一位女仔，但約極都約唔到，朋友問我，唯一的原因，係唔係那女仔對他沒有意思？
做得好，而得到獎勵，係應該，沒有異議。
但因為有龐大的資本，而可以影響遊戲規則的制訂，當失敗之時，就更改遊戲規則，失敗就由他人付鈔，得益的就歸自己。
當今世界正發生這樣的事。
這是自由市場嗎？
多年之前，阿ki高舉自由市場，現今，自由市場還是自由市場嗎？
資本主義是獎勵一些做得最好的人，就好像是賽跑一樣，只有一個第一，其他都是失敗者，所以會做成分配問題。但應否要修改遊戲規則呢？跑最後都有獎呢？或者是跑第一和跑最後的獎金都是一樣呢？如果這樣只有傻瓜才去練習跑步。現在福利國家正向這個方向發展，當然，以前中國也是一樣。
實業發展不起來部分原因是政府做成，因為很多發展中國家的人都吃不飽，你說中國工資平嗎？越南更平！非洲更平！
中國要提升工資，改善污染，當然會使部份工廠關門大吉，搬到其他地方，不能說一句地產霸權就可以。
提升租金可以使一些不合適的人離開市區，不合適的企業倒閉，以便競爭力更強的人/公司進駐，整個社會最後得益。當然會產生分配問題。所以 efficiency vs. equity 永遠都是社會面對的問題。
唔好意思，語氣重了點。
"Inflation is a monetary phenomenon" - Milton Friedman.
Who ｃ ｒｅａｔｅs the money, the Fed.
地產霸權的意思係財富盡歸地主，彷如古代的土地大吞併。
後果是實業死，虛業旺。
價格管制，係另一回事，另一個現象。
亨記：點解你咁快識到新女友
... but inflation will ... for sure ...
sigh
達摩 ... big friends will never preempt your wealth ... for sure ...
sigh ...
五窮六絕七...
達摩有一注貨 噢!
四十九注現金 呢噢!
達摩(金融少林) ...
you invert the logic ???
淡友投曬降 ... big friend should then pull down the market ...
SIGH ...
獨沽九劍
沽沽沽 噢!
沽沽沽 噢!
沽沽沽 呢噢!
昨日大巿急升
淡友投曬降
看淡者亦不造淡 了噢!
大朋友可能抽高再開淡倉 呢噢!
晚安 噢!
噢!
袋鼠，還有句說話是北京騙子多，所以和北京人做生意要特別小心，河南人名聲也不是太好。北京人和上海人彼此仇視也是公開的秘密。
Eric - 沒腳鳥，有關上海印象，早排呢度有個叫Monica嘅網友都係咁講… 而袋鼠接觸幾個大陸留學生又係咁講… 雖然可能袋鼠好彩，無乜接觸上海人，有嘅話都可能係例外。
至於地產霸權呢個字眼，袋鼠反而覺得十分貼切，唔係吓吓自由經濟、資本主義就可以輕輕撥過，因為壟斷既得利益者經常以此作為大道理，但就算係經濟學家，原則上支持自由經濟，都可以清楚點出所有壟斷市場的種種弊端﹣monopoly market is very inefficient from the economic perspective, even before we start looking at the equity issue。做到既得利益者當然最好，但即係社會有更多的是分不得利益的人。
經濟學說，只要適當使用，有不少是十分好的理論，但一般在分配（equity／allocation）問題上，卻在絕大多數情況下，是十分無知的分析工具。（pareto optimal算係最接近為一種分配準則）
袋鼠有部份股票都係有近乎壟斷市場情況，所以袋鼠咁講係背叛緊自己嘅階級。當然亦可以話袋鼠虛偽，買得股票就唔好咁多道理，但不可因此否定上面兩段的論據。