整齊怪
2011/09/23 08:41:25 網誌分類: 生活
多謝我的貓,把我由不修邊幅變成一個整齊怪,再發展成強逼症。 人馬座的我,未養貓前東西到處放,要甚麼都可順手拈來。貓爺來了之後,未喝完的可樂,小甘會替你打翻,煮出來的雞翼,真真會先舔一遍,還有去完街隨手放在沙發的手袋,好快會成為紅豆團成一圈睡覺的牀鋪,洗好的衫褲鞋襪,米米會第一時間鑽進去,把貓毛甩在上面。 貓爺們的訓練既密集又嚴格,在家每做一個動作,都要多想十步,那一步會招來牠們搞破壞。那天想漏了一下,鞋子放在走廊不過十分鐘吧,米米抱着玩得太亢奮,撒了泡尿……除了鞋子報銷心痛,更激氣的是,我又被擊倒了。 經過多年特訓,我學會家徒四壁是最好的道理,放出來的雜物愈少愈好,櫃子一定要用貓打不開的把手,沙發用牠們抓不進的纖維布,枱面最好多鋪一層玻璃。記得另外擺放多些抓板和貓草玩具,消耗牠們的精力,那麼貓爺對我物件的興趣,就略減少一些。 養貓,就是長年鬥智鬥力的遊戲。 關慧玲 |
HAPPY HAPPY 8 TYPHOON especial holiday
肥雞藍藍Lucy飯飯
未養貓前 我凡燥底 養貓貓真令我變得細心, 有耐性和脾氣好 我真的喜歡貓貓和一生愛牠啦!!!
david chan
ME 2
cat cat
congratulation Borgee HA HA HA
mtleung
果然係無得執,基本上係無得行,夜晚起身去廁所記得開燈呀 ^o^
我諗我比較好彩, 因為佢地已經一早成為屋企o既主要「雜物」, 所以無得執!
養貓貓是令人變得細心, 有耐性和脾氣好的靈丹妙葯, 所以貓奴請多多鼓勵身邊凡燥底的人養貓貓, 當然最重要是真的喜歡貓貓和願意一生愛牠啦!!!
同意同意, 小弟一支公住, 為左兩隻貓, 在家做任何事前, 都要諗諗貓貓既反應先
old ox,
你的貓真愛你......好慘丫,咪搞好耐至番到工,如果係我,一定劏...咗...佢....但貓貓好清楚我地得個講字,根本唔驚。
關小姐,
粒牙瘡醫生之前見到, 只不過當初冇紅, 冇諗過會轉差, 而家希望食藥一個月睇吓點先決定, 醫生係建議剝, 係我唔到最差都唔諗住再做一次, 因為佢而家同以前一樣食得, 玩得, 瞓得, 痾得, 眼仔精精靈靈, 口氣清新, keep住食藥先~
antydorothy,
多謝你呀~
右面是Borgee剝完牙仔唔開心嘅樣, 左手面是一星期後精靈樣~
關小姐:
近日不用啟動空調睡覺, 便打開窗戶同房門. 今早隻大灰熊趁我熟睡時, 便施施然在我被上屙屎, 我也是一覺醒來才知!!
嘗試用一支吸塵機管(貓貓至驚的家庭電器, 即使是不啟動的配件, 貓貓也驚餐死)做"守門大將軍", 想間房整齊些也不得......
Old Ox
CATCAT,
點解之前剝牙看不到這個牙瘡??十四歲再麻醉真的有風險?醫生怎說??我猜醫生也不建議做。
霞霞,
哈哈,佢地仲要係唔係名牌都唔落力咬,幫你變限量版,功德無量!!!!!!!
cat cat
sorry touch wood 冇生過 get well soon Borgee
我想問問各位貓友, 閣下貓貓有冇生過牙瘡, 是否真的不能醫, 一定要剝? 我家Borgee前面的犬齒生了牙瘡, 但她一星期前已剝了二隻大牙, 我不想她受多一次手術, 因她已十四歲了, 上次剝完牙她雙眼像個哭得眼腫的小孩一樣, 很心痛, 我看了抱著她哭了, 幸好幾天後已沒有事, 但我怕今沒有上次那麼幸運, 現在醫生給Borgee嘗試食藥, 看能否醫好或搵制不會惡化~
好有同感呀! 我的家又係俾朋友話過似示範單位 - 冇乜立雜嘢! 實情係我試過回家懶一懶放個手袋係梳化, 點知回頭己見貓貓係咁咬我個LV真皮扣的位置, 咬得滋滋味呀! 結果呢個LV變咗一個打晒貓貓牙印的signature bag!
自此之後, 我都唔敢懶! 結果, 不自覺的, 我都被強迫訓練成為咗一個整齊怪!!!
你的貓真是功勞不少了!
女皇Shane how a u. 貓爺們的訓練既密集又嚴格,在家每做一個動作,都要多想十步,那一步會招來牠們搞破壞。那天想漏了一下 = yes u a right , your picture so cute
好一句"家徒四壁", 我屋企成班大帝, 成屋都係野, 執少日, 清潔少一日都唔得, 原來有時家徒四壁都可以係一件妄想既事....