好名
2011/10/14 08:43:18
網誌分類:
生活
跟義工朋友傾起,近來拾到的貓BB實在太驚人,今日四隻,明日又六隻,那些BB又小又瘦弱,貓媽又不知哪裏去了,不能視而不見呀。可是從街拾來的小貓,全都有貓瘟又周身蚤,閒閒地梳出百隻來,聽得我心裏發毛,貓B一多,就吃不消了。 朋友不時安排領養,不過速度奇慢,小貓一旦過一歲,被領養的機會就大大降低,所以要把握這黃金一年,替牠找處好人家。有甚麼方法「速銷」?她發覺改個好名字,較能引起人的好奇,所以她的貓有LaughingGor、有管家仔,也有如妃,時興甚麼她就改甚麼,反應又竟然不錯。 回想自己十個貓爺的名字,大部份是看了牠樣子再諗,有的是沿用前主人再略作改動的,例如米米,只有紅豆是例外,那一年,忽然很想找一隻襯得起這名字的貓,去愛協,就抱了這長毛貓回來,牠也一如其名,愛撒嬌又愛嗲人,可說是福至心靈之最。 還是那一句,盡量領養吧。 關慧玲 |
catcat,
牠太愛你了,有你味道的東西,都會讓牠開心呢!!
關小姐 & Old-Ox
係待洗嘅衣物~
嗡嗡平時唔聲唔聲架, 又好守規則, 如會先吃掉在地上的食物, 只鍾情貓餅, 上完廁所會埋便便, 瞓覺唔會煩住你, 又唔會一味叫你餵食等... 今次真係唔聲唔聲嚇你一驚, 最慘唔話得佢, 因為佢係一隻好敏感嘅貓, 有咩風吹草動都會嚇到跳起, 然後里埋, 如果鬧咗佢佢以後唔食唔痾仲麻煩~
catcat,
咁大件事?看來嗡嗡仲難搞過米米噃,牠前天不過又在紙箱內疴了,懲罰我又亂放東西......
CAT CAT:
個洗衣機有無衣物? 洗淨的還是待洗的?
我的貓貓也有在浴缸, 地毯同我的床舖屙!!
Old-Ox
嗡嗡噚晚竟然跳入洗衣機痾尿~
我做義工的地方﹐最近都有隻約四個月大的貓B叫LaughingGor﹐應該今天牠的新主人便會接牠回家了。LaughingGor都算是近期大熱的好名吧﹗
catcat和pak ma,
看來大家都福至心靈,,為貓貓改了個好名,牠們好食好住,我們為驢為馬。
要改個好名唔容易,我選擇幫我隻愛貓改了個特別的名,叫《小白》,但牠是隻黑貓男(同骰仔一樣),之後個個都好有興趣認識小白,,,,,,,,,,原因是黑貓叫小白? 其實因為佢心口出了5 條白色的毛毛 ,現在又多咗條白鬚,,,跌完又再生返,,,好MAN架,3個月帶回家,現7歲,性格超級好,我好錫佢架!
正所謂唔怕生壞命, 最怕改錯名, 當初Garfield仔瘦瘦小小的, 便改了一個自己喜愛的卡通人物名字, 希望他可以好像Garfield貓一樣攪蛋, 長大後佢係無時停...瞓覺, 除此之外跟Garfield貓完全不附, 後來輪到Ball Ball, 今次貓如其名, 整天在家滾不停, 一舊廢紙已夠她滾在地上一整天, 到蕃薯仔, 當初見牠蠢蠢的, 便改了這個名字, 希望牠長大會聰明, 誰知牠愛死了這個名字, 牠盡責的做一舊"蕃薯", 每天是食食食+瞓瞓瞓, 所以最緊要改好一個貓名, 真的可以影響一生~
真係希望呢個世界少d流浪貓狗, 希望佢地盡快找到家!
很感激義工們對動物的付出呢!
好溫馨 !