難兄難弟
2011/10/21 10:43:42
網誌分類:
生活
米米和骰仔常常假打架,每次都是由米米挑釁而起的。骰仔未絕育前,果真當米米是敵人,可能覺得佢太靚仔吧,一面對面就胡胡聲怒啤,繼而一把掌打過去,米米總是不吃眼前虧,抱頭走人。 絕育後骰仔戾氣大減,更愈來愈少朋友,世界輪流轉了。平靜的下午,米米舔完肚仔,有時施施然走過去骰仔睡的地方打牠一記,眼矇矇的骰仔被偷襲,落得一副悻悻然的表情。 有時米米會挑釁性發出稀奇古怪的聲音,骰仔買佢怕走開,這樣一個躲一個進攻,愈跑愈快,最後一黑一黃兩隻貓滾桶式從客聽一邊捲到另一邊,之後總有東西被掃落地下,雙方撲打到是但一隻老羞成怒真打狠架,就又要我這個和事佬出場。 之不過大戰過後,兩隻衰仔又可以共分一份貓罐頭,搭住手仔睡覺,完全不記仇,這樣打完做老友又再打架,一日大概發生好幾次的,所以我也愈來愈由牠們去。 關慧玲 |
old ox,
形容得好傳神,真係睇見都嚇屎!!哈哈。
old-ox,
"用條大浴巾將牠們逐隻包實, 只可以露出貓頭, 絕不可以露出貓手和貓腳, 我再緊緊壓實牠們, 繼而武力擘開牠們個口.....", 你講嘅情節好似捉佢哋嚟劏咁 , 我都驚喇 ! 唉 ! 嚇鬼死 !
關小姐 sinsinho:
最終捉到貓貓就要用條大浴巾將牠們逐隻包實, 只可以露出貓頭, 絕不可以露出貓手和貓腳, 我再緊緊壓實牠們, 繼而武力擘開牠們個口, 家母就瞬間將杜蟲葯丸, 用餵丸工具塞入貓口. 大灰熊同隻貓B相對較易處理, 然而隻中貓(即貓B個契媽)給我裹住時就不斷發出胡胡聲, 餵過葯後發現牠嚇到瀨尿!!
Old-Ox
係喎old ox,搞成點呢???
Old-Ox , 戰況如何 ? 餵唔餵到藥 ?
pak ma,
一間屋夠二個寶貝訓嗎 ? 南埋一舊訓亦好迫喎
關小姐,,
我家少爺擺檔賣屋仔, 搵零用$$$比隻大食細佬呀!
關小姐&各貓友,屋仔是泰國 &日本買回來的,,,,,,,買兩間,,兩少爺都都係爭同一間屋仔入,,,所以以後都係買一份夠了
catcat,
嘩!!!!好厲害的禮物。
今早, 蕃薯仔給了我一個Morning Kiss~
關小姐:
這兩晚我和3隻貓貓打架: 牠們知我要餵杜蟲葯, 便和我死拼, 還要我由屋頭追到屋尾.
Old-Ox
也多謝關小姐您的讚賞,,,,,,,,,,,,
關小姐,我都有留意倒十貓爺的食具,您好有心思,,,是兩隻一組開餐,好有趣啫,真有意思!
關小姐:
女皇已經很瘦了 上次張相亦只剩一雙大眼睛 .... 聽到女皇膿瘡又來,仲不停有血, 很心痛啊 辛苦妳照顧她了 ! 努力加油呀
天文台話今年冬天會好寒冷喎 ! 各貓人大家要小心自己, 家人身體和貓貓的身體啊 另, 請問那裡有貓衫賣架 ???
soso88,
多謝您的讚賞,,,,,,,,,,,,貓屋是去日本旅行買的,購買貓家品是我去旅行必做的節目!
女皇,您要加油呀,,,,,,,,,,,,,,,關小姐,須要睇多個獸醫嗎??好肉痛女皇又廋咗的消息呢 ................關小姐,,,努力呀,,,,,,,
pama,
貓屋真的好令啊,邊處買架??
soso88,
女皇未好丫,牠的膿瘡爆了又增長回來,不停有血,不妥當。只好又戴罩啦,佢又瘦下來,真令人擔心。
pak ma,
請問間貓屋係那裡買架? 好漂亮啊
早晨!關小姐,今早0930仲未有今日的貓私語,好在取了頭條咋,,,,,,,因我當貓私語是我的【精神食糧】呢!
常常假打架這動作我家兩少爺都會,但最怕受傷囉,,,,,,,,,,,
今朝又係撲打,玩到老羞成怒真打狠架,【被打】的大叫,【狠打】的收監(入了圍牆,(房/廳,各佔一地),要牠冷靜後再放出來,安全晒!
大家好 :
女皇鳳體好轉未呢 ? 好膽心啊 米米很肥美啊 米米有幾多磅呀