那些年養的貓

2011/10/28 08:44:33 網誌分類: 生活

28 Oct

        那些年，是貓陪我度過一個又一個人生關口。第一隻黑貓襪仔很像老鼠，又小又瘦，但我偏偏喜歡牠，牠也像青娃王子一樣，忽爾長成一隻頸口有白毛，似足穿西裝打呔的紳士。

        牠小時候十分狂野，每到夜裏發狂亂跑，好多時抓傷我，長大了卻很黏人，或許也因為玩伴黑雪的來臨，牠少了精力搞搞震。

        那些年，我常出差，牠總是趁收拾行裝時跳入篋內，彷彿阻止我離去，回家即時撲上來又嗅又哄。牠忠心耿耿，哭哭笑笑的幾個段落裏，總有牠靜靜伏在旁邊，陪我徹夜不眠。

        貓生短暫，牠選擇了我不在港時，自己靜靜離去，去別難，牠不想我難過。

        這些年貓來貓去，然而襪仔的印象，依然鮮明。

        關慧玲

回應 (28)

我要發表

2011/11/04 13:39:10 回覆

關小姐 , shane 點呀 ? 一定要用頭罩嗎 ? 佢會唔開心架 , 剪短 d 甲甲可以嗎 ? 指甲磨滑 d , 應該冇咁易損 ......

2011/11/02 09:22:05 回覆

係呀係呀 ! 牠們中意時就跟出跟入, 我行去邊牠們跟去邊. 用隻手仔貼住我隻臭腳 ${#icons_cat2}$ 但唔中意時就越叫越走 ! 又唔中意比人抱. 一抱親十秒內就出現唔 all like 的嘴臉. 之後就大力*伸*我一腳咁跳走左 ${#icons_cat3}$

我家肥女17個月大, 10.6磅. BeeBee 18個月, 9磅.

2011/11/01 17:56:22 回覆

soso88

我家貓仔阿金,五歲半,十磅重.貓女阿銀四歲.約七磅重.阿銀好有性格,唔俾抱,佢主動嗲你就得,你搞佢就唔得.即走貓 ${#icons_cat5}$

2011/11/01 17:22:22 回覆

soso88:

係呀, 不過買大灰熊時, 天后的地舖還未開張, 印象中那地舖乃是一間有廁紙賣和提供複印服務的小店舖. 我當年要入粉嶺高小姐間村屋揀貓, 又從那裡將大灰熊帶回家.

Old-Ox ${#icons_cat9}$

2011/11/01 17:12:46 回覆

關小姐,

動物彈性繃帶有粘性架, 一般獸醫診所有得賣, 有好多款架~ ${#icons_cat1}$

可參考:-

{#001ssa.jpg}

2011/11/01 16:30:39 回覆

關小姐...唉~! 我總覺得對佢地有照顧不週感覺.. ${#icons_cat10}$ 尤其牠倆用...憂怨眼神..令我這貓奴才..屈服.. ${#icons_panda9}$ 基本上我張床都唔係我既..佢地訓曬....不然..我就係人肉墊襑..訓我心口、肚、大髀..小腿.. ${#icons_panda14}$ 我動彈不得..晚晚十幾磅訓响上面..已形成我唔反訓.. ${#icons_cat3}$

嘩~! 亞金亞銀好靚呀..又圓潤 ${#icons_cat8}$ ${#icons_cat8}$ 我鍾意呀 ~~!

2011/11/01 15:39:52 回覆

Old-Ox :

您說的賣家(英短貓舍權威人士高小姐)是否指天后個間 *木X* 呀? 我家兩英短亦係黎自個到架 !

2011/11/01 15:33:42 回覆

soso88:

隻英短大灰熊來我家之前, 貓貓(不論是家裡的仔女還是維多利亞公園的契仔女)主要吃偉家各款極品罐頭, 間中吃貓大哥和Yum Yum罐頭. 08年購入大灰熊時, 賣家(英短貓舍權威人士高小姐)指至好餵食金裝喜躍鰹魚和鯛魚味, 間中餵食其它味道, 她指鰹魚會止屙!!

時至今日, 除了給貓貓餵食金裝喜躍鰹魚和鯛魚外, 亦有餵食其餘3款吞拿魚, 以及銀罐與醬煮系列; 至於偉家, 我就間中購入"吞拿魚, 比目魚和加鯷魚", 但似乎家母看見那些罐頭內的小鯷魚, 比起貓貓吃鯷魚更高興!! (人吃的小鯷魚是意大利進口貴價貨, 要在西式巨型超市買, 幾十元一瓶橄欖油浸鹽醃小鯷魚, 是煮西菜時的中式鹹魚代用品)

Old-Ox ${#icons_cat1}$

關慧玲 2011/11/01 15:32:12 回覆

silver and kam ，

好提議，一陣試吓先。多謝你。

關慧玲 2011/11/01 15:30:32 回覆

catcat，有的嗎?但牠會扯走呵，有貓友用過嗎?

2011/11/01 15:05:04 回覆

阿金阿銀好漂亮 ${#icons_cat1}$ 阿銀有點像我家肥女 ! 牠們多大啊 ? 幾重呢 ?看似好大隻啊　 ${#icons_cat2}$

2011/11/01 15:02:17 回覆

silver and kam,

其實我現在比緊 Appxxxs 大罐裝我兩寶貝食 (一隻一罐), 我係同一牌子不同味道(亦係怕同味會好悶羅), 但聽人講咁樣會令貓咪腸胃唔好喎 !??

2011/11/01 14:59:46 回覆

我家阿金阿銀

2011/11/01 14:30:32 回覆

soso88,

我就是同一牌子不同味道, 通常我輪住每日不同味道,等佢地有D新鮮感.貓貓腸胃又冇問題喎 !

其實同一牌子不同味道, 還是同一牌子同一味道 ? 那個選擇對貓貓腸胃好D我覺得關係不大,返而要睇你隻貓貓本身個体質易唔易敏感.不同牌子不同味道我D貓試過都冇問題.講到尾其實真係要試過先知 ${#icons_cat2}$

2011/11/01 13:48:16 回覆

看見網友用在日用品店買的抽油煙機的隔油紙(海綿)做頭罩,她的貓貓好像較舒適.不防一試 !

2011/11/01 13:43:35 回覆

關小姐 & 各貓主人:

想請問下, 大家比貓罐頭貓貓食, 會是同一牌子不同味道, 還是同一牌子同一味道呢 ? 那個選擇對貓貓腸胃好D 呢? 唔該晒 ${#icons_cat1}$

2011/11/01 10:52:46 回覆

關小姐,

不如係試吓用動物膠布(繃帶)包住佢腳仔, 等佢耳仔完全好返先拆走~

2011/10/31 16:14:10 回覆

貓寶貝是主人的 *心肝丁* 啊 ! 真係時時刻刻錫到濃呀 ${#icons_cat8}$

2011/10/31 15:51:32 回覆

關小姐&各貓友,,

我發現每隻貓貓個樣，都好幸福同好有自信呀, ${#icons_cat1}$ ,,,,,,,,,,,,,

睇得出各主人都盡心盡力地照顧這班小可愛呢！ ${#icons_cat8}$

2011/10/31 15:47:32 回覆

關慧玲 2011/10/31 14:18:40 回覆

antydorothy ，

仍然未丫，佢用喇叭罩唔開心，但唔用又抓損自己，我都好頭痛。

2011/10/28 22:23:16 回覆

關小姐 , 女皇shane 還要覆診嗎 ? 隻耳仔好番晒未

2011/10/28 22:17:59 回覆

關慧玲 ,流浪貓 ,soso88

你們的貓都很靚,我的貓老闆們，全都給我寵壞. 難得碰上牠們我十分幸福， ${#icons_girl5}$ 有牠們陪不枉此生的。沒有了牠們，我根本找不到生存價值.一看" 貓生短暫，牠選擇了我不在港時，自己靜靜離去，去別難，牠不想我難過。

這些年貓來貓去，然而襪仔的印象，依然鮮明。我就流眼淚 ${#icons_cat5}$ 實在不捨得牠們

2011/10/28 17:47:46 回覆

關家貓咪亦很幸福啊 ${#icons_girl1}$

願所有小動物亦可以在愛的天空下生活和成長 ${#icons_cat8}$

關慧玲 2011/10/28 16:13:08 回覆

soso88和兔兔貓蛋，

你們的貓都很靚，看來十分幸福，有你們照顧，總是不枉此生的。

2011/10/28 12:05:43 回覆

一看"貓生短暫"那句.....我眼淚不自覺就流下來....實在不捨得牠們的離去..我寶貝.... ${#icons_cat5}$ ..只好將我對牠們這份感情加諸於我現有的寶貝兒們.... ${#icons_cat8}$

2011/10/28 12:03:04 回覆

縱使大爺們時常搞到間屋 7國咁亂 ${#icons_cat6}$ , 仲越叫越走 ${#icons_cat4}$ 但只要見到愛貓健康快樂地成長, 在家中愉快地亂跑發顛 ${#icons_cat9}$ 主人心裡的喜悅實在難以形容 ${#icons_cat8}$ 教人如何不為貓狂 ${#icons_cat1}$

2011/10/28 10:32:20 回覆

我愛貓，因牠們陪我過渡了許多許多，沒有了牠們，我根本找不到生存價值。所以伴著我的貓老闆們，全部都給我寵壞極了！牠們像極「小朋友」，只是不用「供書教學」罷了。但貓生短暫，難得給我們碰上了，在牠們有限的時間裡，待牠們好有點，有何不好呢？何妨四小寶全是我在街上帶回家的，可能是我「剝削」了牠們在街上做「霸王」的權利也不定。 ${#icons_cat10}$

那些年養的貓

網誌分類

已關注

最新網誌

最新回應

月曆