三歲智商
2011/12/02 08:43:09
網誌分類:
生活
專家說,貓原來有人三歲的智商,有學習能力和跟人溝通。即是說,我家裏有十個三歲人仔,唔怪得日日搗蛋。永遠三歲的BB,對世界充滿好奇,所以紅豆總會翻我的手袋,阿寶見我入廚房一定跟在後頭。可是三歲人仔是非不分,也很善忘,無怪乎阿Kidd不明白為何激到你彈起,也很快忘記了。如果人似貓都幾好,永遠活在孩提時代,終日食玩瞓瞓玩食,無憂無慮。 不過我高度懷疑,米米智商絕不只三歲,牠極之曳的程度,好比一隻小學雞,牠可以做出高難度的把戲,例如叼着波鞋由房走出廳,在公仔堆中找出我最鍾意的一隻出來,之後玩爛佢。最氣是每次我大喝一聲,牠立即知道衰咗,眼神閃過一絲古惑,急急腳逃之夭夭,可五分鐘後再來過;牠根本是明知故犯,只為引你注意。牠剛又從生果籃中叼走了一粒嘉應子當波踢了…… 關慧玲 |
我隻貓既陰濕
http://www.youtube.com/watch?v=9hPFU259oP0&context=C394ebf2ADOEgsToPDskIErb-csBpNRGo4DCbx_IZM
我另一隻貓既聰明
http://www.youtube.com/watch?v=jKoxFV8QHPY&context=C39b08d8ADOEgsToPDskI8o9iO_GRXtWSUuhOOcX97
我家衰女絕技短片:
http://youtu.be/o9c0_XB4Fas
同意呀!tp03
貓貓要扮無孤嘅時候永遠係一副小孩樣....真係俾佢地吹脹!
米爺天生一副BB面, 點睇都唔似 6 歲啊 請問大家有無好看的貓雜誌介紹呀
我同大家講~貓貓絕對比一個三歲小朋友要反斗同撩事鬥非....
我同大家分亭一件反斗事...貓貓鍾意抓野就人人都知, 但原來背後動機並不如表面....點解咁講?
事原係我發現我家寶寶係可以自行咬斷腳指, 所以跟本不用借助抓板去磨....咁隻衰女又重咩要抓野呢?
事程黎喇~~我家衰女其實一開始就要喜歡用抓板, 更不用磨爪....但佢已將梳化抓到滿身傷痕......點解要咁做? 經過長時間驗證...目的只有一個: 撩事鬥非....
我家衰女知道我地唔俾佢抓梳化, 佢就尊簡d你岩岩入洗手間, 岩岩上床訓低個d時間黎抓.....佢知呢d時間我地係唔可以/ 唔想即時出現制止佢....到佢出到黎個時佢一副"吹咩"嘅表情望住你...叫你下次講早啦~!
TP03 , 依家小寶好乖噃 ! 你之前嘅辛苦冇白費 !
關小姐
這是維一可以引到佢做嘅....重要一定係用草先可以, 同其他係冇可能會望你一眼 = =!
tp03,
好叻叻丫。她還能跳起做咩???
blue panda,
這個是買貓糧儲印仔送的,靚,但係不太負重,你睇米米一坐上去已向下墮,應好快報銷....
關小姐,我都有買這間小屋子,,,但已經被灰色的小寶睡穿了,因太重磅了! 牠是一隻狗仔重量,約14磅
各貓友,我間屋仔是在日本買回來的!不太貴,幾佰元,,有交易!
同大家分亨下我家小寶新絕技"企起身食草" ^.^
三歲亦可定80呀!
關小姐: 相中的"營帳"好似好好玩咁.....在哪兒買? 貴不貴0架?
貓爺愛搗蛋,我覺得係因為他們知道就算做得如何搞破壞,我們一班貓奴都是耐佢唔何的!又唔捨得打駡(ーー;)!愛搗蛋其實表示他們覺得這個家安全,舒適!一睇米米在床仔上個樣就咩氣都不能生啦!好舒服嘅樣呀!冧都呢!
那路的專家?他們實在睇不起呀貓的智慧!呀貓的智商何止等同人類三歲!牠們比三歲的小孩聰明很多,古惑的情度比成年人更甚。開門、開趟窗,絶非難事,牠們還可以不把膠袋弄爛及打開,但又可以咬到入面的麵包,很神奇!
但很奇怪,似乎呀貓都愛「返老還童」,越是年長,越變回小貓B,愛撒嬌、愛搗蛋的程度比小貓B時更甚,被人發現時,一臉「關我何事」,型得很!
望到米米呢張相, 高高在上, 得得戚戚咁, 又真係嬲佢唔落...
8012.
米米己經六歲,好大個架啦,人旦係愈大愈淘氣,但同時又愈大愈得意,激死。
嘉應子當波踢....高手...
順道問候一吓好皇近況好嗎!
關小姐: 米米應該只是加多一樣, 過度活躍, 小問題年長了就乖架啦!