瘋貓奴
2011/11/25 08:42:26 網誌分類: 生活
養貓的人,經常言自語,當貓是人仔般來說話,而我則再加上角色扮演,跟貓爺自問自答,替牠們創作答案。以下是隨手拈來的例子。 問:做咩成日喺大廳正中間攤屍打開肚仔呢?答:我舔毛吖。問:這樣不停舔不累嗎?答:主人你夠日日洗面沖涼。問:但我每日只用十分鐘做這些動作。答:我又不用上班。 再一段。 問:點解要在捲簾咬出一個牙印來?答:膠味好味吖。問:新簇簇你就來搞破壞?答:我知吖,我不咬其他貓咬過的東西。問:想激死我搵山拜乎?答:去邊度拜你? 可能在鄰居眼中,我真是個瘋貓奴。 關慧玲 |
我時常跟貓說話,工作不開心會跟她講, 她每次都點頭說知道. 但講得太久, 她會打哈欠, 說你又重覆了, 不過可以繈續講, 我合埋眼, 你繼續講
是很乖的 老白 呀
pak ma,
哈哈,那是真真丫。
哦!關小姐,,,想問下花樽傍的貓爺是誰呀??
我的貓,有隻是管家佬,
例如:我在家講電話太大聲,牠走來我面前不停大叫,要我收線!
我用洗手間太耐,牠又不滿,,走進來不停叫,,好像叫我快手d
關小姐,我的自言自語,兩位貓爺已經習慣,而且還有回應我的,太有趣!
貓貓正在打開肚皮曬太陽, 我會跟貓說: 你就好啦, 唔使做,唔使讀書, 唔使考試, 曬太陽真好啊....做貓真好啊....可以成日瞓.....
before 114,
你會跟 貓說甚麼呢??
我是會跟貓說話
你睇吓米米幾叻,即刻幫關小姐你嘅新裝飾變咗限量版啦!好有特色,無得賣㗎!ヾ(@⌒ー⌒@)ノ
8012,
人之間就梗係明白大家的傻行徑啦。
順便報告米爺今次的惡行,就是在我新裝置的絲花裝飾中咬出一個洞來......唔新唔咬,我唔鐘意的唔咬....
我就覺得好正常, 貓爺們根本就知我們是講緊佢地, 貓是十分聰明的寵物。
係呀!係呀!當我份佢哋講嘢嘅時候,佢哋仲會眼仔碌碌咁望住你,好似話「你仲咩學我講嘢呀」!