休養中的女皇
2011/11/18 08:41:57 網誌分類: 生活
女皇Shane休養期間,愈來愈嗲人,令我受寵若驚。 上星期醫生替牠割除耳朵內所有黑腺瘤,回家後讓牠隔離靜養,每日兩次洗傷口,起初又紅又腫真的令我毛髮直豎,女皇Shane應該是很不舒服了。怕牠抓癢時抓傷自己,喇叭罩又要出動。 醫生吩咐不能除下來,但我心軟,每次洗傷口前,脫下來讓牠鬆一鬆,女皇會流露感激的眼神,之後努力舔手舔面舔足五分鐘,幾天下來,牠變得很期待我走進浴室的腳步聲,不斷揩擦浴屏的玻璃門來表示歡迎,甚至拍打浴屏催促我。 從前抱牠耐一點都會想打人,現在連摸肚仔都不反抗,貓手更做出印印的動作,顯然很開心。牠病足兩個月,反而和我愈走愈近,算是意外收穫吧。 關慧玲 |
關小姐 , 女皇好嗎 ? 天氣轉涼 , 各位貓奴要注意 , 小心冷親主子 !
女皇呢張相好lum滋滋呀 ^o^
女皇, 女皇....要快D好番, 仲要0鍚多D關小姐呀.
女皇仍要覆診吧?
關小姐,Shane真係好乖女呀!知道自己要洗傷口,乖乖咁比你幫佢洗! Shane女皇,你要努力加油,快啲好番!快啲肥番!我哋大家都好錫你㗎!
祝早日康復 !
呢張相至睇到Shane耳仔個傷口... 睇見都肉赤, 何況妳呢! 不過非常同意流浪貓所講:一齊經歷困難之後, 大家感情一定會增進不少啊~! 努力~!
就是這樣的!和動物仔一起經歷得越多,牠們就越發覺我們是真心待牠們好的,所以「有經歷,才有體會,感情也越來越深厚!」
就讓我們用「愛心」將所有高傲、頑劣、怕人的動物仔感化成為「超級大窩貼」吧。
女皇shane, 好快D好返la, 我地大家都好關心同錫妳架
重有妳好返後要多D錫關小姐啊, 唔好再咁cool la
看女皇手術後,有那麼多的開心動作,証明了牠身體內一定舒服了很多
相信各貓奴都被您的無微不至而感動呢!
見到女皇十分悠然自安的舐手仔、飛機耳及平靚的樣子, 就安心了, 關小姐努力是不會白費, 加油
見到女皇十分悠然自安的舐手仔、飛機耳及平靚的樣子, 就安心了, 關小姐努力是不會白費, 加油
關小姐,
我是感受到這份真情的,,因我的寶寶皮膚敏感,牠癢時舔到冇晒d毛,(背、頭部),而且好唔開心,我每天都安慰佢說,快d食薬快d好,就算毛毛生唔返,媽媽一樣好愛您,,唔洗擔心架,結果,寶寶病好,長回濃密的毛毛
原本唔肯跟我的寶寶,,變成我即叫即到,跟出跟入的小可愛了
shane, 你真係一隻好可愛既貓咪呀
呢張相影到女皇好可愛...