承諾

2012/02/03 08:41:22 網誌分類: 生活

03 Feb

        養貓的人都有這經驗，起初是養一兩隻，之後看到有需要的就一隻一隻帶回家，每次都是同一個借口︰多隻貓多個貓碗吧。

        貓的確和狗不同，體型小小的，又愛東躲西藏，有時甚至不會察覺牠們存在，直到餵飯時群貓左擠右推把你絆倒，才驚覺貓口膨脹得緊要。吃飯是小事，貓砂一日兩剷亦無問題，最慘是牠們頭暈身㷫時，睇醫生根本沒預算。女皇Shane耳仔痕癢，醫生開出藥膏一樽，盛惠八十大元，問他是何方神藥，跟人用的雪花膏有何不同，他笑笑口說：「功能一樣囉。」不就是雪花膏嘛！

        剛身故的小甘，一生沒啥病痛，睇醫生次數五隻手指數得完，但貓生最後一段路，卻一次過用光配額，埋單是五位數字。

        有些無良主人見動物病了就棄之不顧，每次聽到都好嬲。花錢如流水，但最傷心是花光了也買不回牠們的健康。別因一時迷惑多養了，貓爺一生依靠的，就只有人呀。

        關慧玲

回應 (26)

我要發表

2012/02/10 17:00:55 回覆

再SEARCH過, 發現頭條日報是有報導過中醫獸醫....我也不知他現在是否仍然開診

請到GOOGLE自行SEARCH曉飛大師,

因為此人曾因無牌獸醫而上過法庭, 試唔試得過要就要你決定. 不過你可以再深人報導源頭作查問HAHA

眾裡尋他千百度, 那人卻在格籬專欄處 HAHA

2012/02/10 15:24:52 回覆

看看中醫學院有沒有人肯作這賞試,

http://scm.hkbu.edu.hk/tc/contact_us/index.html

http://www3.hku.hk/chinmed/contact_intro_page_1.html

http://www.cuhk.edu.hk/scm/

http://www.cmchk.org.hk/cmp/chi/idx_enquiry.htm

http://www.hkrcmp.org/cht/contact_us.html

祝女皇中日回復雌風!!!!

2012/02/09 22:46:49 回覆

antydorothy:

關於動物醫生, 可瀏覽以下網址:

http://www.doctorpet.org.hk/index.php?option=com_frontpage&Itemid=1

Old-Ox

2012/02/09 08:21:59 回覆

O-ox / 亞麻，
O-ox thanks doctor 都話係你個隻嘢希望無事la. O -ox 你貓貓好可愛。亞麻可否給貓醫生的資料給我thanks

關慧玲 2012/02/08 16:15:57 回覆

conankenny,

很有趣的文章，那裡找到中醫肯醫動物的呢?

2012/02/07 14:43:15 回覆

當我google一下時, 有所發現:

http://eyecat089.pixnet.net/blog/post/24242565-%E8%B2%93%E5%92%AA%E8%85%8E%E8%A1%B0%E7%AB%AD%E7%9A%84%E8%99%95%E7%90%86%E5%88%86%E4%BA%AB%EF%BC%88%E7%B6%93%E9%A9%97%E5%88%86%E4%BA%AB%EF%BC%89

2012/02/06 20:24:23 回覆

不如在你專欄呼籲一下, 或到海味街做做research, 因藥材鋪多數有貓, 看看那邊的中醫有沒有什麼資訊.

我試試send email去tbb問問, 睇睇有冇呢方面既info.

2012/02/06 15:55:35 回覆

我噚晚通完頂都有去, 仲帶埋Miu Miu去tim, 佢鵪鶉到人哋以為佢乖以為佢嗲嗲, 其實都係驚驚, 好彩冇癩尿, 只有大聲咁叫讓路, 不過好多人都話佢好可愛好得意, 都有人爭住同佢影相, 不過佢最唔鍾意人話 : 嘩~~呢隻肥貓好靚好嗲呀!! 每次有人叫肥貓佢就會憤怒Miu上身, 好彩佢返到屋企, 見佢自己有份買嘅貓就糧就好開心, 我開咗個濕濕包包佢食, 咩都唔記得晒喇, 今朝仲玩個貓貓噹噹玩具, 人都俾佢嘈醒~ ${#icons_cat10}$

因為有捽眼仔壞習慣, 捽到眼仔紅腫發炎, 所以我會長備消炎眼水, 每次滴完一兩日後冇事喇~ ${#icons_cat8}$

關慧玲 2012/02/06 12:27:56 回覆

old ox

哎呀，我都有去，仲見到佢地丫!!!

2012/02/04 23:49:17 回覆

關小姐:

我隻"大灰熊"昨午同今午在會展的寵物展擔任見習動物醫生, 牠的工作就是扒在桌子上任人摸同做模特兒同訪客合照......牠想午睡, 怕陌生環境, 未見慣大場面, 於是變成一隻鵪鶉, 驚到不敢郁! 有些訪客以為牠是毛公仔!

今午還有2隻波斯貓醫生, 牠們3隻都懶洋洋地扒在桌上不郁.......這些就是擔任醫生貓的條件

Old-Ox ${#icons_cat1}$

關慧玲 2012/02/04 23:40:50 回覆

是，相信應該是類固醇。通常年紀大的貓，醫生都不建議做手術。

2012/02/04 15:04:00 回覆

類固醇?

我去世果隻貓貓(21YR)係7/8歲果時頸背都有一粒粉瘻(大粒過暗瘡DD),之後去過BODY CHECK,醫生話睇定D先.到大約...15.6歲果陣粒野變黑左同埋多左幾粒細細既係附近.之後因為膀胱有事再睇醫生,醫生話我隻貓都老,由得D瘻.

到上年十一月尾果時,唔知係唔係粒野擴散左,佢食唔到野同開唔到聲.之後就俾佢走(身體情況太差).到最後都無CHECK到粒野係唔係CANCER...

我果隻經驗大慨係咁...希望幫到你決定..

2012/02/04 00:04:48 回覆

關小姐&各位貓友，
見到關小姐的文章相信好了點。上次問關小姐我隻大貓肥仔圖3。做唔做手術圖2:個粒嘢，各方都說睇定D,於是無做。但之前睇醫生開了支葯膏給我圖一$2xx我都未求正是甚麼神葯。擦了7日粒嘢無左，最神奇是第八日又走番粒嘢出來神葯

相片全部下載

IMAG1275.jpg
圖像2923.jpg
IMAG0071.jpg

2012/02/03 23:03:54 回覆

關小姐:

以前家母偷偷用我支皮膚敏感的葯膏給貓貓塗肚皮的金錢癬, 結果治好貓貓肚皮, 還重新出肚毛.

Old-Ox ${#icons_cat2}$

2012/02/03 20:19:52 回覆

中藥就唔清楚,西藥藥水我係咁喂佢..

不過喂之前,你要有同佢打杖既決心.因為必會反抗!

搵支細針筒,無針頭,用黎入藥.

佢地一聞到陣藥味,正常都唔會咁順灘開口,用手指點D佢地鐘意食既野(EG:佢地食開既罐頭汁)係佢個鼻上面.佢地通常都會開口申條利出黎,果時就要申支針筒去佢個口唧D藥入去...

藥丸,都係差唔多咁既方法(如果可以整碎既,就撈埋飯俾佢地食)...

不過要有準備既係佢地會LUR出黎..所以每次都要準備多D藥水份量..

關慧玲 2012/02/03 19:09:50 回覆

我都聽過有寵物中醫，但唔知點樣令貓爺食中藥呵??

2012/02/03 17:55:57 回覆

關小姐: "貓爺一生依靠的，就只有人呀。" 說得很好, 最近聽到有主人帶寵物看獸醫, 訛稱出一出門口找女主人, 或是有公事, 遲些回來, 結果一去不返, 剩下可憐有病的小動物在診所, 置之不理, 聽到我"火滾". 當人類當生命如垃圾般棄掉時, 總為自己想出, 做出很多自以為令自己 "安心" 點的多餘事, 例如 "與其我沒時間照顧牠, 倒不如放牠出街讓牠自由快樂", "放牠在診所寵物店門口, 他們不會忍心不要牠的嘛"....種種都祗是借口, 用來掩飾自己無情自私不負責任的可恥行為. 希望更多人明白, "遺棄" 比 "從來不曾有家" 的孩子, 命運更可憐千萬倍! 養動物是個終生 "承諾", 無論在任何情況下, 都要做到 "不離不棄". ${#icons_cat1}$

2012/02/03 17:12:30 回覆

其實大家有沒有發覺,就算把貓咪去動物醫院,佢地都係開D同人差唔多既食既藥俾佢地架呢?關小姐所講既雪花膏,皮膚藥水呀,果D其實都係病人用果D黎.成份其實差唔多,但係價錢仲'那利'過人食既西藥.

我都贊成開中藥俾佢地.始終貓既狗本能係識得係山上搵佢地應該食既藥草,而且NATURAL D.不過香港真係唔識邊道有中醫識得開藥俾佢地.帶佢地上山就更加無可能.一放走左佢地根本唔識得返黎 ${#icons_boy10}$